2021 Dedh Dew Cans ha Dew
De Merher, kensa warn ügens mis Gorefen
Wednesday, 21st July
Tremenys ew an jedh ha nag eus tra veth et ow fedn! Pandr' ellama scrifa? An jynn-gòlhy a wrüg kerdhes war gabm. Na veu dhebm ewl boos veth. Ow mergh wydn a gemeras hy maw bian dhe'n clojy. Y lysten galish a veu removys ragto. Sawys ew y vregh. Wòja hedna, anjei eth dhe'n treth ha my a wòrtas tre. Re dòbm o an gewer raga vy. My a wrüg maga an cathes et y le. Ow gour ha my a jânyas nebes daffar chei. Pur vlewek o oll an câs. An gwelha tra a veu ow descans Kernôwek war Zoom gen trei theylû. Nei a waryas gwary cov: "My eth dhe varhas ha perna …" E veu dhe'n flehes nebes profyansow wharthüs. E veu whans dhodhans a wòra olifans, ors gwydn, payon hag "ebronrather" (tour ûhel) en kert pernasow!
The day has passed and there is nothing in my head! What can I write? The washing machine malfunctioned. I had no appetite. My granddaughter took her little boy to the hospital. He had his plaster cast removed. His arm has healed. After that, they went to the beach and I stayed home. The weather was too hot for me. I fed the cats instead. My husband and I moved some furniture. It was all very boring. The best thing was my Cornish lesson on Zoom with three families. We played a memory game: "I went to market and bought..." The children had some funny suggestions. They wanted to put an elephant, a polar bear, a peacock and a skyscraper into a shopping trolley!
Deg ger rag hedhyw Ten words for today
clojy (m) hospital
daffar chei (collective) furniture
et y le instead (of it)
ewl boos (f) appetite
jynn-gòlhy (m) washing machine
kerdhes war gabm to malfunction
maga to feed
profyans (m) suggestion
sawys healed
wharthüs comical, funny, amusing
No comments:
Post a Comment