2022 day 181

2022 Dedh Cans Pajar Ügens ha Wonan

De Yow, degves warn ügens mis Efen

Thursday, 30th June.

Thewa an diwettha dedh a'n mis, an diwettha dedh a'n second mis hav. Terebo nessa mis Efen. Na wrüga vy gwil tra veth dhe les, saw gòlhy dilhas, scrifa ha desky Kernôwek. Nag eus fôtô! Bes ma radn a dhescans.

It's the last day of the month, the last day of the second summer month. Goodbye June. I didn't do anything interesting, except wash clothes, write and teach Cornish. There are no photos! But there is a part of a lesson.

Cressya emann agan tavas Kernôwek Radn 29a

Building up our Cornish language Part 29a

We have looked at a variety of important auxiliary or modal verbs that you can use in combinations with others. 

Here is a list of frequently used verbs for activities:

cawas to have, get clappya to speak clowes to hear, sense, perceive còsca to sleep danon to send debry to eat desky to learn, teach dos to come drei to bring eva to drink fanja to receive gòdhvos to know gòrra to put gosôwes (ort) to listen(to)

gweles to see kemeres to take kerdhes to walk leverel to say mires (ort) to look (at), watch mos to go pònya to run pòsa to press, push redya to read rei to give scrifa to write sedha to sit sevel to stand, rise tedna to pull

Can you translate the following sentences into English?

Which sentence describes the picture?

1. Thera vy ow clappya ûhel.

2. Elles ta clowes?

3. Ma va ow còsca en chayr.

4. Hei a wrüg danon lether dhe Jôwan.

5. Nei vedn debry lies aval.

6. Venjowgh desky Kernôwek?

7. Nag üjy anjei ow tos tre.

8. Piw wrüg cawas pasty?

9. Pandra venja whei debry?

10. Gwrewgh tedna an chayn!

2022 Day 180

2022 Dedh Cans ha Pajar Ügens

De Merher, nawhes warn ügens mis Efen
Wednesday, 29th June

Ma chânjyansow en Truro lebmyn. Ma diswrians en Strêt Pydar - ma sòdhvaow coth an Consel ow mos mes a wel - tednys dhe'n dor. Ma ragdres rag dastevyans oll an qwarter. Martesen ev a vedh gorfednys e'n vledhen diw mil ha deg warn ügens - treven vysqwethek rag teylûyow, anedhow rag an termyn rag stüdhyoryon ûniversita, sòdhvaow nowydh, shoppys, cresen ûniversita. A wra vy gweles an displegyans diwedhys? My a vedh moy es pajar ügens bloodh. Martesen my ell trigas en chei, martesen ow flogh wydn a vedh onan an stüdhyoryon e'n ûniversita. Ha cost an displegyans? Cans deg ha trei ügens milvil pens (po moy).

There are changes in Truro now. There is demolition in Pydar Street - the Council's old offices are disappearing - pulled down. There is a project for the regeneration of the whole area. Perhaps it will be finished in the year 2030 - permanent houses for families, temporary accommodation for university students, new offices, shops, a university centre. Will I see the finished development? I'll be more than eighty years old. Perhaps I'll be able to live in a house. Perhaps my grandchild will be one of the university students. And the cost of the development? £170 million (or more?)

Gerva rag hedhyw Vocabulary for today

anedhow < annedh (f) accommodation

chânjyansow changes

cresen ûniversita (f) university centre

dastevyans (m) regeneration

displegyans (m) development

diswrians (m) destruction, demolition

milvil ~ milyon million

mos mes a wel to disappear, go out of sight

ragdres (m) project 

shoppys shops

sòdhvaow offices < sòdhva (f)

stüdhyoryon students

tedna dhe'n dor to pull down

teylûyow families, households

treven houses < chei (m)

vysqwethek permanent

2022 Day 179

 2022 Dedh Cans Trei Ügens ha Nawnjek

De Meurth, ethves war ügens mis Efen

Tuesday, 28th June

Glaw a wra. Nag eus howl. Na vadna vy mos mes. My a wrüg scrifa blogg hedhyw, saw nag ew ev an blogg ma! Mal ew genam gweles an howl arta. My a scrifas adro dhe visyt dhe'n treth. Benyn goth growsek o vy. Nag ew da genam an treth hedhyw, re leb ha re yeyn ew an gewer. Saw nag o vy lôwen gen bush brâs a bobel war an treth en dedhyow tòbm. Maga tesek avel nader oma. 

Whei ell redya an blogg mar medno whei.

It rains. There is no sun. I will not go out. (I do not want to go out.) I wrote a blog today, but it is not this blog! I am looking forward to seeing the sun again. I wrote about a visit to the beach. I'm a grumpy old woman. I don't like the beach today, the weather is too wet and too cold. But I am not happy with a crowd of people on the beach on hot days. I'm as taisey as an adder! 

You can read the blog if you want.

https://kernowekenchei.blogspot.com/2022/06/at-home-with-cornish-47.html

2022 Day 178

 2022 Dedh Cans Trei Ügens hag Etek

De Lün, seythves warn ügens mis Efen

Monday, 27th June

Skith o vy arta. Ma chei nowydh dhe'n vergh vy ha thera othom a garya hy mebel ha daffar chei dhort agan chei dhe Truru. En kensa, res veu dhedhy gòberna dew dhen gen vann. Lebmyn ma spas moy dhe nei! Bes ma othom dhebm a bowes. Etho otta radn bian a dhescans. Whei ell gwil tabm a whel.

I am tired again. My daughter has a new house and it was necessary to transport her furniture and equipment from our house to Truro. First she had to hire two men with a van. Now we have more room! But I need to rest. So here's a little bit of a lesson. You can do a bit of work.

Cressya emann agan tavas Kernowek Radn28c pejys

Building up our Cornish language 28c continued

Here are some more sentence using the verbs kerdhes to walk and pònya to run with a variety of auxiliary verbs and constructions.

Piw eus ow kerdhes en syger? Who is walking slowly?

Piw ew an benenes üjy ow kerdhes üskis? Who are the women who are walking fast?

Ma va ow kerdhes en syger. He is walking slowly.

Nag üjy hei ow kerdhes üskis. She is not walking fast.

Piw a wrüg kerdhes mar syger? Who walked so slowly?

Hei wrüg kerdhes en üskis. She walked quickly.

A wrüg anjei kerdhes en syger? Did they walk slowly?

Na wrügons pònya en üskis. They did not run quickly.

Da ew ganjo pònya en üskis. He likes running fast.

Ew da genjy kerdhes en syger? Does she like walking slowly?

Nag ew da ganjans kerdhes en syger. They do not like walking slowly.

Gerowgh ev dhe gerdhes en syger! Let him walk slowly!

Na erowgh hei pònya mar üskis! Don't let her run so fast!

Gerowgh anjei dhe bònya en üskis! Let them run quickly!

Hei a res kerdhes en syger. She must walk slowly.

Res ew dhodho pònya en üskis. He has to run quickly.

Nag ew res dhodhans kerdhes. They do not have to walk.

2022 Day 177

2022 Dedh Cans Trei Ügens ha Seytek

De Sül, wheffes warn ügens mis Efen
Sunday, 26th June

Skith o vy! De, my wrüg mires ort Glastonbury e'n tele, pur dhiwedhes. Macca ew fenomenon.  Na veu còsk lowr dhebm. Na fors. Ma dhebm descans ragowgh.

I am tired. Yesterday, I watched Glastonbury on TV, very late. Macca is a phenomenon. I didn't have enough sleep. It doesn't matter. I have a lesson for you.

Cressya emann agan tavas Kernôwek Radn 28c
Building up our Cornish language Part 28c

We will finish our look at mednes (SWFM mynnes) wish, will, want, intend with the third persons singular and plural.

Present-Future

3 sg vedn ~ vydn,

m: vedn e ~ ev, vedna va,

f: vedn hei

3 pl vedons, vedn ~ vydn anjei

Any subject can be used before a vedn,

e.g. ev a vedn he will

an vebyon a vedn the boys will

Tamsin a vedn Thomasina will

Conditional (Also forms an) Imperfect.

3 sg venja,

m: venja va, venja e ~ ev,

f: venja hei

3 pl venjans, venja anjei

We will use these with the verbs

pònya to run and kerdhes to walk

along with adverbs üskis fast, quickly and syger slowly.

N.B. In Late Cornish adjectives can be used adverbially or preceded by the adverbial particle en.

Present-future 3s examples

Ev a vedn pònya üskis. He will run quickly. He wants to run quickly.

Vedna va pònya üskis? Will he run quickly? Does he want to run fast?

Na vedn hei pònya üskis. She won't run quickly. She doesn't want to run quickly.

A na vedn hei pònya üskis? Won't she run quickly? Does she not want to run fast?

Conditional/imperfect 3s examples

Ev a venja kerdhes en syger. He would walk slowly. He'd like to walk slowly. He wanted to walk slowly.

Venja va pònya üskis? Would he run quickly? Would he like to run quickly? Did he want to run quickly?

Na venja hei kerdhes en syger. She wouldn't walk slowly. She wouldn't like to walk slowly. She didn't want to walk slowly.

A na venja hei kerdhes en syger? Wouldn't she walk slowly? Wouldn't she like to walk slowly? Didn't she want to walk slowly?

Present-future 3p examples

Anjei a vedn kerdhes en syger. They will walk slowly. They want to walk slowly.

Vedn anjei kerdhes en syger? Will they walk slowly? Do they want to walk slowly?

Na vedons kerdhes en syger. They will not walk slowly. They don't want to walk slowly.

A na vedons pònya üskis? Won't they run fast? Do they not want to run quickly?

Conditional/imperfect 3p examples

Anjei venja kerdhes en syger. They would walk slowly. They would like to walk slowly.

Venjans kerdhes üskis? Would they walk fast? Would they like to walk fast? Did they want to walk quickly?

Na venja anjei kerdhes üskis. They wouldn't walk quickly. They wouldn't like to walk fast. They didn't want to walk fast.

A na venjans kerdhes syger? Wouldn't they walk slowly? Wouldn't they like to walk slowly? Didn't they want to walk slowly?

2022 Day 176

 2022 Dedh Cans Trei Ügens ha Whetek

De Sadorn, pempes warn ügens mis Efen
Saturday, 25th June

Ma lavar coth en Kernôwek recordys gen Ustick: Gwâv en Hâv terebo Golôwan, ha Hâv en Gwâv terebo Nadelik. Pub pres alja an gewer en Kernow chânjya mes a dhorn. De, nei a wolyas Golôwan, ellen nei qwachas awel havek dhort termyn dhe dermyn rag an nessa whegh mis? Ma esperans dhebm! Ma'n hanter second a'n vledhen ow tallath, ha hedhyw thew an kensa dedh a "Seythen Clappya Kernôwek". Gero nei gwil lebmyn "Bledhen Clappya Kernôwek".

There is a Cornish proverb recorded by Ustick: Winter in summer until Midsummer, and summer in winter until Christmas. The weather in Cornwall can always change unexpectedly. Yesterday we celebrated Midsummer, can we expect summery weather from time to time for the next six months? I hope! The second half of the year is starting and today is the first day of "Speak Cornish Week". Let's make now "Speak Cornish Year".

https://www.speakcornish.com/speak-cornish-week.html