2026 Day 110

2026 Dedh Cans ha Deg

De Lün, ügensves mis Ebrel

Monday, 20th April

De Lün ew an jedh rag kemeres dhe ves agan scòllyon. Pub peswardhek dedh ma cutellyans atal, ha pub peswardhek dedh ma cuntellyans tacklow neb ell bos dasûsys. Re ydn ew agan bôwnder rag trònk-carr an gaffloryon scòll. Nag eus rom veth dhe dreylya. Etho  res ew dhen tegy agan seher dhe'n vorr. Ma nebes kentrevogyon ow ûsya kerry. Ma seher rüdh rag plastek ha olcan golhys (alûminum ha horn). Ma seher melynrüdh rag cartbord ha cartednow glân ha ma seher blou rag paper glân. An boxys dû ew rag botlow ha pottys gweder.

Monday is the day for taking away our waste. Every fourteen days there is a rubbish collection, and every fourteen days there is a collection for things that can be recycled. Our lane is too narrow for the rubbish collectors' lorry. There is no room to turn. So we have to carry our bags to the road. Some neighbours use cars. There are red bags for washed plastic and metal (aluminium and iron). There are orange bags for clean cardboard and cards, and there are blue bags for clean paper. The black boxes are for glass bottles and jars.

2026 Day 109

2026 Dedh Cans ha Naw

De Sül, nawnjegves mis Ebrel
Sunday, 19th April

Nebes tüs e'n seytegves cansbledhen ha'n etegves cansbledhen a dreylyas an Deg Arhadow Duw. Kens hedna Beyblow Sans costek en Sowsnek a veu redyes en eglosyow. Ottòbma sampels a'n keth arhadow, ow tòchya an seythves dedh an seythen (de Sül/Sabbat).

Several men in the 17th Century and 18th Century translated God's Ten Commandments. Before that costly Holy Bibles in English were read in churches. Here are examples of the same commandment, regarding the 7th day of the week (Sunday/Sabboth).

Anhanow 1612

Te pergh cof the wetha sans an dyth sabbat, whegh dyth te wra whel ha wra myns es thys the gwyll mes an sythvas dyth yw An Sabbat an arluth thy Dew : yn henna te ny wra ehan a whel, te nyn thy vab, nyn thy mergh, nyn thy dean whel, nyn thy mosewhel, nyn thy loudnow, nyn thy dean uncowth na travyth es abarth chy thy portow : rag yn whegh dyth an arluth wras an nef han oar, an moar, ha myns es yn hy ha powesas an sythvas dyth, rag hemna an arluth a ros banneth than sythvas dyth han sonas.

William Rowe 1668-1709

Peedere da gwetha an Zeeleva bonegath; whee jorna chee ra geele a peath ez theeze tha weele. Rag an zithvas deeth ew an Zeele an Arleth Deew; eta na ra geall zorth veth a weele, chee na tha vab, na verth, na da dean, na da voze, na gattel, na da dean anketh, na dra eza gyo da vozow. Rag an whee jorna an Arleth a wraze Neve han oare ha an mor ha menze ez ena, ha boaz an zithvaz deeth, ha'n gwraze ew da.

Thomas Boson 1710

Perh co tra te guetha a Suile benegas, wheha deth te ra guile whele, ha guil mens es des do wele, bus an Sithas deth eu an Suil de Arlith deu nena naras guil whele vith, te, na de mabe, na de Merth, de Guas, na de maiteth, de Chattol, na an vncouth es guy de yettes, rag en wheha deth, an Arlith guras nefe, ha Nore, an More, ha mens tra es ittanz; ha reg poaz an sithas deth, ra hedna an Arlith reig guil an sithvas deth benigas ha Euhall benigas;

John Boson 1720

4th. Kova tha gwitha benigas De'Zîl. weeah Jorna, Ra whei gwra weal, ha gwra menz es th'es tha guil, buz an sithaz dêth eu zîl benigas guz Arleth Deui. ena ra whei gwra ehal (for ehan) weal, whei na guz mâb na mer na guz dariow Rag en whee'ah Jorna an Arleth gwraz a Neue an Aor a Môre, ha menz es ena ha pouesas an sithas dêth Rag hedda an Arleth Benaz an sithas dêth ha sonaz a.

William Gwavas 1676-1741

Ti na ra kevy dha kuitha benigas Dezil; huih dydh ti gura huil ha gura mens es dh'ys dha guil, byz an seithas dydh eu an zil benigas Arleth Deu, enna ti na gura ehal (ehan ?NK) a huil, ti na goz mab, na goz merh, na goz guas, na goz mahtheid, na goz chattal, na dean unchuth, na travith es bar tshei gos gettes, rag en huih dydh an Arleth guras an Nev, an aor, a mor; ha mens es ena, ha pouesaz an seithas dydh, rag hedna an Arleth guras an seithas jurna benigas, ha sonaz.

King James Version

Remember the sabbath day, to keep it holy. Six days shalt thou labour, and do all thy work: but the seventh day is the sabbath of the LORD thy God: in it thou shalt not do any work, thou, nor thy son, nor thy daughter, thy manservant, nor thy maidservant, nor thy cattle, nor thy stranger that is within thy gates: for in six days the LORD made heaven and earth, the sea, and all that in them is, and rested the seventh day: wherefore the LORD blessed the sabbath day, and hallowed it.

2026 Day 108

2026 Dedh Cans ha Eth

De Sadorn, etegves mis Ebrel

Saturday, 18th April

Avorow a vedh an diwettha dedh arwòdh an Zôdiak "an Hordh (Horr)". Tüs genys dadn an sîn tan ma ew "bold", "nerthek", "fedhyanjek" ha "feskel". Wòja hedna e vedh sîn "an Tarow". Tüs genys dadn an sîn dor na ew "grondys", "diogel", "ynjyn gans y dhiwla", "pacyent" ha stubborn. Ow mab wydn bian ew "Tarow", saw ev ew pur "nerthek" ha "feskel" pecar'a'n "Horr". Da ew ganjo bos "ynjyn gans y dhiwla", bes "heb perthyans" ew ev. Martesen ev a veu genys en dadn sîn cabm!

Tomorrow will be the last day of the Zodiac sign Aries "the Ram". People born under this Fire sign are "bold", "energetic", "confident" and "impulsive". After that it will be Taurus the sign of "the Bull". People born under that Earth sign are "grounded", "reliable", "practical", "patient" and "stubborn". My little grandson is "Taurus", but he is very "energetic" and "impulsive" like Aries. He likes to be "practical" but he is "impatient". Perhaps he was born under the wrong sign!

2026 Day 107

2026 Dedh Cans ha Seyth

De Gwener, seytegves mis Ebrel
Friday, 17th April

Pehên dornweyth ew hebma? Ehen gweyth najedh ew. Hemm ew  brosweyth. Da o gen hôr vy brojya, termyn hei veu yonk. Hei a dreylyas dall ha wòja hedna na alja hei y wil na velha. Hemm ew gwlân war ganfas, lies grei. Gwriadores varthys o hei. Da ew genam an owrgribenes. Gwell o an yer gen ow hôr. Peseul a yer eus e'n kensa pictour, ha pes mabyar bian? My a ell gweles deg mabyar warn ügens, theram ow pedery.

What sort of handicraft is this? It's a type of needlework. This is embroidery. My sister liked to embroider when she was young. She went blind and after that she could no longer do it. This is wool on canvas, many stitches. She was a marvellous stitcher. I like the goldcrests. My sister preferred the chickens. How many hens are there in the first picture, and how many little chicks? I can see thirty chicks, I think.

2026 Day 106

2026 Dedh Cans ha Whegh

De Yow, whetegves mis Ebrel
Thursday, 16th April

Ma 'gan band ledan ha fôn an chei ow tos dre herl gweder dadn an dor, bes agan electrek ew degys gen neujednow a-ûgh dhe'n dor. Saw ew an herl gweder rag enawellow bes an neujednow ell bos dres dhe'n dor gen gwedh en gwens pur grev. Dhort termyn dhe dermyn ma nebonan ow tos dhe examnya ol an gwedh dadn an neujednow voltach ûhel. Ha ma nebonan aral ow tos dhe whithra an voltach isel. Eus othom a drehy neppeth? Lies scorren a godhas solabres e'n vledhen ma. E'n gwelha pres, nag ew agan gwedhednow e'n ke re hir. E'n gwettha pres, ma'n ploumbren Kea coth ow kilînya. Martesen an idhyow ew re boos.

Our broadband and the house phone come by way of glass fibre under the ground, but our electricity is carried by wires above the ground. the glass fibre is safe from storms but the wires can be brought down by trees in a very strong wind.From time to time somone comes to inspect all the trees under the high voltage wire. And someone else comes to check the low voltage. Does anything need to be cut? Many branches have fallen already this year in the storms. Fortunately, our trees in the hedge are not too tall. Unfortunately, the old Kea plum is leaning over. Perhaps the ivy is too heavy.

2026 Day 105

2026 Dedh Cans ha Pemp

De Merher, pemdhegves mis Ebrel
Wednesday, 15th April

An jedh hedhyw a veu pur hir ha pur vesy. Ha mirowgh ort an glaw (ha keser)! En mis Ebrel ma lies hager gowas. Sqwith marow o vy lebmyn! Ma othom dhebm a gòsk, etho na vadna vy scrifa blogg hir.

The day today was very long and very busy.  And look at the rain (and hail)! In April there are many heavy showers. I am dead tired now! I need sleep, so I will not write a long blog.

2026 Day 104

2026 Dedh Cans ha Pajar

De Meurth, pajardegves mis Ebrel
Tuesday, 14th April

Nag eus othom dhe wenenen ma a flourys brâs ha leun a liw. Ma liw moy e'n lost an wenenen. Martesen nag ew an sawor da gena nei, bes ma va ow tedna gwenen. An clegh gwydn ma ew kenidnen drehornek po kenidnen wyls. Ma lies plans e'n ke. An re ma ew bleujow a'n gog Bretednek gwir. Nag ens an faytours Spaynek.

This bee doesn't need big, colourful flowers. There is more colour in the bee's tail. Perhaps we do not like the smell, but it attracts bees. These white bells are three-cornered leek or wild garlic. There are many plants in the hedge. These are true British bluebells. They are not the Spanish imposters.

2026 Day 103

2026 Dedh Cans ha Trei

De Lün, terdhegves mis Ebrel
Monday, 13th April

Pandr'ew an kensa? My a ell gweles derowen hag onnen (enwedhen). Ma delkyow moy war an dherowen, theram ow pedery. Hei ew an kensa dhe dhrei rag del. A ellen nei ragleverel an gewer? Na ellama remembra an rîm en Sowsnek. Pandr'a veu an kensa gwedhen dhe devy? Gwedh an cottha ew an avalednow. An enwedhen a wrüg tevy pecar'a whennen e'n leur avalow. Agan derowen ew yonca. Hei a wrüg tevy pecar'a whennen ewedh, en clôs yer coth. My a wrüg gonis an pinbrednyer ow hònen gen has dhort aval pin. Nag üjy anjei whynas, saw mowns ow tevy pur üskis. A vedh anjei re vrâs?

Which is the first? I can see an oak tree and an ash tree. There are more leaves on the oak tree, I think. It is the first to produce leaves. Can we predict the weather? I can't remember the rhyme in English. Which was the first tree to grow? The oldest trees are the apple trees. The ash tree grew like a weed in the orchard. Our oak tree is younger. That also grew like a weed, in an old chicken run. I grew the pine trees myself with seeds from a pinecone. They are not weeds, but they are growing very quickly. Will they be too big?

2026 Day 102

2026 Dedh Cans ha Dew

De Sül, dewdhegves mis Ebrel
Sunday, 12th April

War an diwedh, devedhys ew gwenton gwir.  Ma flourys dhe nei solabres bes, whath moy dhe les, ma nebes tyckies-Duw bian ha gwenen brâs owth apperya. Pe sort tycky-Duw? Kosek (cosek) brith ens, theram ow pedery. Da ew ganjans donsya e'n howlsplan e'n vôwnder. Terweythow mowns ow powes war dhelen. Ma lost rüdh dhe'n  wenenen vlewek ma. Ma hei ow powes war an payl. Pandr'ew hebma war dhans lew? Nag ew hei gwenenen. Kelyonen-vargesy (bargas) ew hei.

At last, true spring has arrived. We already have flowers but, even more important, several little butterflies and big bees are appearing. What sort of butterfly? They are speckled wood butterflies, I think. They like dancing in the sunshine in the lane. Sometimes they rest on a leaf. This hairy bee (bumblebee) has a red tail. It is resting on the fence. What is this on a dandelion? It is not a bee. It is a hoverfly.

2026 Day 101

2026 Dedh Cans hag Onan

De Sadorn, üdnegves mis Ebrel
Saturday, 11th April

E'n gwettha, pres na aljama mos dhe'm bagas scriforyon en mettin ma. Bes, e'n gwelha pres, thera "Sadorn Kernewek" war linen, oll an jedh. My a gowsas adro dhe scrifa en Kernowek Bew po Kernowek Diwedhes. My a gavas ow kensa blogg (descans onan), ow kensa blogg gen fôtô, ow kensa gwersow, ow kens blogg rag flehes, ha moy. Na vedh nevra fowt a matterow. Saw nag eus termyn lowr rag tedna lebmyn.

Unfortunately, I couldn't go to my writers group this morning. But, fortunately, there was a "Cornish Language Saturday" on line, the whole day. I talked about writing in Late Cornish. I found my first blog (lesson one), my first blog with a photo, my first verses, my first blog for children, and more. There will never be a shortage of subjects. But there is not enough time for drawing now.

2026 Day 100

2026 Dedh Cans

De Gwener, degves mis Ebrel

Friday, 10th April

Hedhyw, thew an cansves dedh a'n vledhen. My a dal scrifa neppeth specyal! En gwettha pres, drog ew an gewer. Loos ew an eborn, ha terweythyow ma glaw. Na ellama gweles howlsplan veth. En gwelha pres, lehes ew an bleus flourys e'n ayr gen an glaw. Etho, nag eus cleves striwy genam bes ma comyn annes et y le. Nag ew re dhrog. Bleujyow an keres gwyls ell bos plegadow heb bos calatter striwy.

Today, it's the hundredth day of the year. I should write something special. Unfortunately, the sky is grey, and sometimes there is rain. I cannot see any sunshine. Fortunately, the rain has reduced the pollen in the air. So, I haven't got hayfever but I have a common cold instead. It's not too bad. The wild cherry blossom can be pleasing without being a sneezing problem.

Gerva rag hedhyw Vocabulary for today

bleujyow (pl.) blossom(s)

bleus ~ podn flourys (m) pollen

calatter ~ caletter (m) difficulty, problem

cleves striwy (m) hayfever

comyn annes ~ annes kebmyn (m) common cold (SWFM anwos)

e'n gwelha pres fortunately

e'n gwettha pres unfortunately

howlsplan (m) sunshine

keres (coll.) >  keresen (f) cherry

lehes (va) reduced < lehe to lessen < le less

plegadow pleasing

striwy to sneeze

terweythyow sometimes

2026 Day 99

2026 Dedh Pajar Ügens ha Nawnjek

De Yow,  nawes mis Ebrel
Thursday, 9th April

Nag ew an pow adro dison, whath na e'n nos. Mar nag eus son kerry my ell clowes an mor en pellder, pelha avel an menedh, ha'n gwens e'n gwedh hir. Terweythyow ma oula (po dew oula dihaval aga levow). En gordhûher my ell gweles dew eskelly-grehen ow neyja adro. Na ell ow scovornow cachya aga son - re ûhel ew. En termyn an jedh, leun ew an ayr a levow erel - edhyn brâs ha bian. Nag eus levow wheg dhe'n briny tre cavalek.

The countryside around is not noiseless, not even in the night. If there is no traffic noise I can hear the sea in the distance, beyond the hill, and the wind in the tall trees. Sometimes there is an owl (or two owls with different voices). In the evening I can see two bats flying around. My ears can't catch their noise - it is too high. In the daytime. the air is full of other voices - birds large and small. The quarrelsome rooks do not have sweet voices.

2026 Day 98

2026 Dedh Pajar Ügens ha Etek

De Merher, ethves mis Ebrel
Wednesday, 8th April

Gocky o vy. My a wrüg pedery adro dhe scrifa ow blogg oll an jedh, heb determya. My a gemeras nebes fotos. Lebmyn re skith o vy dhe scrifa tra veth. Re dhiwedhes ew. Res ew dhebm bos gwell avorow!

I'm silly. I thought about writing my blog all day, without deciding. I took a few photos. Now I am too tired to write anything. It is too late. I must be better tomorrow!

2026 Day 97

2026 Dedh Pajar Ügens ha Seytek

De Meurh, seythves mis Ebrel

Tuesday, 7th April

En termyn eus passyes thera trigys et agan bôwnder kiger henwys May. Rag hedna, nag eus sodhan veth dhe gavas eskern coth, martesen cans bloodh, e'n ke. Mir an ascorn ma ew pecar'a men. Ma calcium etto, bes nag ewa moon, nag ewa men calgh. Ascorn mell dorn ew, theram ow pedery, dhort garr neb best brâs. Oll an kig a veu gellys nanj ew termyn hir. Meurgerys o an eskern ma rag gwil iskel kig ha cowl. Whei ell perna ascorn an par-ma rag agas kei.

Once upon a time there lived in our lane a butcher named May. Therefore, there is no surprise to find old bones, perhaps a hundred years old, in the hedge. This bone looks like a stone. There is calcium in it, but it is not a mineral, it's not a calcareous rock. It's a knuckle bone, I think, from a leg of some big animal. All the meat was gone a long time ago. These bones were popular for making meat stock and soup. You can buy this sort of bone for your dog.

2026 Day 96

2026 Dedh Pajar Ügens ha Whetek

De Lün, wheffes mis Ebrel
Monday, 6th April

Degol kebmyn ewa hedhyw, etho raga nei nag eus kyttrin. Bes na amownt, contentys o nei dhe wòrtos tre ha gwil tra veth. Agan taclow dasûsya a veu kemerys dhe ves e'n mettin avarr car dr'ew ûsyes war an Lün. Ma'n howl ow spladna ha nag ew an gwens re yeyn. Thew kewer dha rag lôwsel e'n lowarth. Bes ma caletter brâs. Leun ew an ayr gen podn flourys gwedh - ha na ellama hedhy ow striwy ha pâsa. Res ew dhebm gòrtos a-jei ha debry remenat a'n desen!

It's a bank holiday today, so for us there is no bus. But never mind, we are happy to stay home and do nothing. Our recycling stuff was taken away early in the morning as usual on a Monday. The sun is shining and the wind isn't too cold. It's good weather for relaxing in the garden. But there is a big problem. The air is full of tree pollen - and I can't stop my sneezing and coughing. I must stay indoors and eat the remains of the cake!

2026 Day 95

2026 Dedh Pajar Ügens ha Pemdhek

De Sül, pempes mis Ebrel

Sunday, 5th April

Pask lôwen dhe bub onan.

Happy Easter to everyone.

2026 Day 94

2026 Dedh Pajar Ügens ha Peswardhek

De Sadorn, pajwora mis Ebrel
Saturday, 4th April

Nag ew kefewy lenwys heb tesen (po diw) ha trehy solempnüs. Ha wòja hedna ma othom a guntel oll an teylû warbarth rag fôtô. Bes nebonen ew kellys! Ha rag fra ma choclat war an leur? Ma'n kei ow saya dh'y dhebry. Qwyk! An flehes a wra pònya dhe ves en scon.

A celebration is not complete without a cake (or two) and ceremonial cutting. And after that the family needs to be gathered together for a photo. But someone is missing! And why is there chocolate on the floor? The dog is trying to eat it. Quick! The children will soon run away.