2023 Day 365

2023 Dedh Trei Hans Trei Ugens ha Pemp

De Sul, udnegves warn ugens mis Kevardhu

Sunday, 31st December

Etho, devedhys o nei dhe'n diwettha dedh a'n vledhen. O va bledhen dha? Radn anedhy a veu da ha radn anedhy a veu drog. Martesen an nessa bledhen a vedh da et tien. Ma esperans dhebm! Bledhen Nowydh lowen re bo dhewgh. Pur wenjek ew an awel en Kernow lebmyn. A vedh tanow creft?

So, we have arrived at the last day of the year. Was it a good year? Part of it was good and part of it was bad. Perhaps the next year will be completely good. I hope! May you have a happy New Year. The weather is very windy in Cornwall now. Will there be fireworks?

2023 Day 364

2023 Dedh Trei Hans Trei Ugens ha Pajar

De Sadorn, degves warn ügens mis Kevardhû

Saturday, 30th December

Dedhyow moy! En termyn eus passyes na alja Catholygyon desky aga crejyans dhe 'ga flehes. Etho, ev a veu cudhys en can rag Nadelik. An tryja dedh a Nadelik ow whegol a dhavonas dhebm teyr yar Frenk. (A re ma ew an trei vertû; Fay, Esperans ha Cherita.) An pajwora dedh a Nadelik ev a dhavonas peder edhen dhû glow. (An re ma ew an pajar Aweyl ha'n pajar Aweylor; Mathew, Mark, Lûk ha Jôwan.)

More days! In past times Catholics couldn't teach their faith to their children. So, it was hidden in a song for Christmas. The third day of Christmas my true-love sent three French hens to me. (These are the three virtues; Faith, Hope and Charity.) The fourth day he sent four colly (coal black) birds. (These are the four Gospels and the four Gospel writers; Matthew, Mark, Luke and John.)

2023 Day 363

2023 Dedh Trei Hans Trei Ugens ha Trei

De Gwener, nawes warn ügens mis Kevardhû

Friday, 29th December

A wöro whei an cân "An Dewdhek Dedh a Nadelik"? En termyn eus passyes hebma veu leun a arwòdhelieth. Tho termyn a-bris rag Cristòdnyon, ha thera menyng dhe bub dedh. An kensa dedh a Nadelik ow wheg-oll a dhavonas dhebm grügyar, "une perdrix" (nag eus gwedhen). Hemm ew edhen a vedn merwel rag gwitha hy flehes. Hedna ow styrya agan Arlòdh. An nessa dedh a Nadelik ev a dhavonas dhebm diw düren. Ma dew radn meur dhe'n Beybel Sans - Testament Coth ha Testament Nowydh.

Do you know the song "The Twelve Days of Christmas"? Once upon a time this was full of symbolism. It was an important time for Christians, and there was a meaning to each day. The first day of Christmas my true-love sent to me a partridge, "une perdrix" (there's no tree). This is a bird that will die to protect her children. That signifies our Lord. On the second day of Christmas he sent me two turtle doves. The Holy Bible has two major parts - the Old Testament and the New Testament.

 

2023 Day 362

2023 Dedh Trei Hans Trei Ugens ha Dew

De Yow, ethves warn ugens mis Kevardhu

Thursday, 28th December

Terweythyow, nag ew an jedh pur wheg, ha nag eus tra veth rag foto da. Ma sawarn wheg dhen flourys caglys, saw na ellama kemeres foto a sawarn. An eborn ew loos gen cloudys ha na ellama gweles an howl isel. Bettegens, en termyn an nos na ellama gweles an lowarth garow ha'n vownder lejek. Ha lebmyn ma loor leun, ha uhel ew hei e'n eborn. Oll an cloudys bian ew liwys gen arhans, ha terweythyow theram ow qweles liwyow adro dhe'n loor.

Sometimes, the day is not very nice, and there is nothing for a good photo. The muddied flowers have a sweet smell, but I can't take a photo of a smell. The sky is grey with clouds and I can't see the low sun. However, at night time I can't see the rough garden and the muddy lane. And now there is a full moon, and it is high in the sky. All the little clouds are coloured with silver, and sometimes I am seeing colours around the moon.

2023 Day 361

  2023 Dedh Trei Hans Trei Ugens ha Wonan

De Merher, seythves warn ügens mis Kevardhu

Wednesday, 27th December

Ma glaw hedhyw. Henn ew oll. Na wrüga vy mos mes. Martesen avorow a vedh gwell. Whath ma pas drog warnam. Na vadna vy gwil tra veth. My ell clowes an mor, bes nos ew lebmyn.

There is rain today. That is all. I didn't go out. Perhaps tomorrow will be better. I still have a bad cough. I don't want to do anything. I can hear the sea, but it's night now.

a wonan

2023 Day 360

2023 Dedh Trei Hans ha Trei Ugens

De Meurth, wheffes warn ugens mis Kervardhu

Tuesday, 26th December

Nag ew an gewer yeyn hedhyw (saw nag ew hei segh), etho thera whans dhe'n maw bian a wary et ow lowarth slotterüs. Ma gwaryel nowydh dhodho - trunkcarr euthvil, pecar'a morvleydh. An prei nag ew caletter rag an flogh ha, en gwelha pres, nag ew an prei calish rag an carr. Ma bottys stanch dhe'n maw ha ma peder ros vras dhe'n carr leyjek. My ell glanhe an leur avorow!

The weather isn't cold today (but it isn't dry), so the little boy wanted to play in my muddy garden. He has a new toy - a monster truck, like a shark. The mud is not a problem for the child and, fortunately, the mud is not difficult for the vehicle. The boy has waterproof boots and the muddy vehicle has four big wheels. I can clean the floor tomorrow!

 

2023 Day 359

2023 Dedh Trei Hans Nawnjek ha Dewgens

De Lun, pempes warn ugens mis Kevardhu

Monday, 25th December

Du Nadelik. Nadelik lowen dhe oll ow herens ha cowetha. Hedhyw a veu dedh hogstog - dedh pur vesy. Lebmyn tho vy skith ha thera vy ow mos dhe'n gwely nebes a-varr. Theram ow towla dhe wil tra veth avorow. My a vedn debry boos kellys dhort hedhyw. Na vadna vy fittya boos nowydh.

Christmas Day. Happy Christmas to all my relations and friends. Today was a hectic day - a very busy day. Now I am tired and I am going to bed quite early. I plan to do nothing tomorrow. I will eat food left from today. I will not prepare any new food.

2023 Day 358

2023 Dedh Trei Hans Etek ha Dogens

De Sul, pajwora warn ugens mis Kevardhu

Sunday, 24th December

My a gar curlys rag musek Nadelik. Bettegens, gwell ew gen radn an bobel canys wharthüs. Termyn my a veu flogh my a glowas "Nag eus whans dhebm rag Nadelik bes a'm dew dhans rag!" E'n dedhyow na nag era dhen bes "records" ha radyo. Nena, en universita my a ganas "Santa Baby" Eartha Kitt. War dhisk ewedh. An canow ma o meurgerys dres lies bledhen. Lebmyn ma resek rag Niver Onan Nadelik - war fonys.

I love carols for Christmas music. However, some people prefer comical songs. When I was a child I heard "All I want for Christmas is my two front teeth!" In those days we only had records and radio. Then, at university I sang Eartha Kitt's "Santa Baby". Also on a disk. Those songs were popular for many years. Now there is a race for Christmas Number One - on phones.

2023 Day 357

2023 Dedh Trei Hans Seytek ha Dogens

De Sadorn, tryja warn ugens mis Kevardhu

Saturday, 23rd December

Ma othom dhebm a howl! Nag ew an gewer hedhyw yeyn, saw an eborn ew leun a cloudys. Na ellama gweles an mor, saw my ell y glowes. Thewa pecar'a whyrny anhedhek en pelder. Nag ew hei pecar'a kewer en curlys! Nag ujy nagonan ow cana a gloudys.

Mir! Emesk an ergh...

My a wrug sedha war donnen las ... en golow an howl...

I need sun! The weather today is not cold, but the sky is full of clouds. I can't see the sea, but I can hear it. It is like a constant humming on one note in the distance. It's not like weather in carols! Nobody sings of clouds.

See! Amid the snow ...

I sat on a green bank ... in sunshine ...

2023 Day 356

2023 Dedh Trei Hans Whetek ha Dewgens

De Gwener, nessa warn ugens mis Kevardhu

Friday, 22nd December

Ma meur a whel dhe wil ken Nadelik, saw nag es genam nerth dh'y wil! Solabres ma tesen Nadelik gen tegednow dhe nei. An loor gwres a weder ew an gwelha - pur goth ew hei. Ma pernys gena nei meur a voos rag maga an teulu, etho na vedh nagonan bos gwag. Martesen, na vedh radn anodhans bos lowen. An flehes ew nebes denty. Aga damyow alja drei ownran gorothom! Bes en dallath, res ew dhen glanhe. An planchens ew leyjek. Ma prei oll adro e'n lowarth ha'n vownder. Brohes a dheuth ha palas emann agan glesin. Nag o nei trigys en cita gen câwnsow glan. Martesen, nessa bledhen nei a vedn whilas chei nowydh!

There's a lot of work to do before Christmas, but I don't have any energy to do it. We already have a Christmas tree with baubles. The moon made of glass is the best - it is very old. We have bought a lot of food for feeding the family on Christmas Day, so nobody will be hungry. Perhaps, some of them will not be happy. The children are rather fussy. Their mothers could bring an emergency ration! But first of all, we must clean. The floors are muddy. There is mud all around in the garden and the lane. Badgers came and dug up our lawn. We are not living in a city with clean pavements. Perhaps, next year we will look for a new house.

2023 Day 355

2023 DedhTrei Hans Pemdhek ha Dogens

De Yow, kensa warn ügens mis Kevardhû 

Thursday, 21st December 

An kensa dedh warn ügens a vis Kevardhû ew dedh dhe les. Dedh an berra a'n vledhen ew (ha nos an hirra). Thew an Vantol. Gellys ew an Sether ha hedhyw ma'n Aver ow tallath. Ma'n howl a-ûgh Trovan an Aver en Âwstraly - thew an hirra dedh ena. Na wrüga vy gweles howl hedhyw. Nag ew an Aver best compes - mor-aver ew, pecar'a morvoren ew hy lost. Lebmyn an howl a wra mos dhe'n noor, terebo Golôwan.

The 21st day of the month of December is an interesting day. It's the shortest day of the year (and the longest night). It is the winter solstice. Sagittarius (the Archer) has gone and today Capricorn (the Goat) begins. The sun is over the Tropic of Capricorn in Australia - it is the longest day there. I didn't see any sun today. Capricorn is not a regular animal - it is a sea-goat, with a tail like a mermaid. Now the sun will go north, until Midsummer.

2023 Day 354

2023 Dedh Trei Hans Peswardhek ha Dewgens 

 

De Merher, ügensves mis Kevardhû 

Wednesday, 20th December 

Tho vy clav. Ma annes war ow brest vy. Theram ow saya dhe cessya heb pâsa, saw na ellama. Da via genam gweles ow theylû ken Nadelik, bes res vedh dhebm bos gwiskys en mask. Na ellama mos dhe weles Gool Montol en Pensans, saw my ell mires ort an video ma. 

https://tradfolk.co/customs/customs-customs/guise-dancing/ 

I am ill. I have got a cold on my chest. I am trying to stop coughing, but I can’t. I would like to see my family before Christmas, but I will have to be wearing a mask. I can’t go to see the Montol Festival in Penzance, but I can watch this video. 

2023 Day 353

2023 Dedh Trei Hans Terdhek ha Dogens

De Meurth, nawnjegves mis Kevardhu

Tuesday, 19th December

Termyn hir thera agan kentrevoges ow cawas dowr dhort pibell blastek. Wotiwedh, tus whel a dheuth gen jynn-palas dhe worra hy fibell en dor reb an vownder (ken dos an rew dhe rewy hy dowr).

For a long time our neighbour was getting water from a plastic pipe. At last, workmen came with a mechanical digger to put her pipe in the ground by the lane (before the frost comes to freeze her water).

2023 Day 352

2023 Dedh Trei Hans Dewdhek ha Dewgens

De Lün, etegves mis Kevardhû

Monday, 18th December

Terweythyow ma othom a whel. "Whei a res cawas müsür skiantek nowydh," emedh agan company tredanek. Etho, electrisyen a dheuth!

Sometimes work is needed. "You must have a new smart meter," said our electricity company. So, an electrician came!