2026 Day 245

2026 Dedh Dew Cans Dogens ha Pemp

De Merher, nessa mis Gwedngala
Wednesday, 2nd September

Da ew genam ow chei lies liw. Pub men ew liw deffrans. Ma monyow deffrans ettans. Dres lycklod thew men an pow, henn ew prei-kyllas, dhort mongleudh en ogas. Nabmys rüdhvelyn, rüdh, purpur ha donek ens gen hôrn. ("Last" henwys ew.) Pecar'a kyllas, ma va ow felja en gwyliow. Nag ew esy dh'y shapya glanyth (pecar'a grôwan galys). 

I like my multicoloured house. Every stone is a different colour. There are different minerals in them. More than probably it is country rock, that is clay-slate, from a nearby quarry. They are stained orange, red, purple and brown with iron. (That's called "last".) Like slate, it splits into layers. It is not easy to shape neatly (like hard granite).

Gerva Glossary

cales ~ calys (pre-SWF calish) hard

dres lycklod more than probably

felja ~ fallya to split

grôwan (f) granite

gwyliow layers, strata

kyllas (coll.) slate

lies liw multicoloured

men (m) stone, rock

mongleudh (m) quarry

monyow minerals < moon (m)

nabma to stain > va. nabmys

prei (m) mud

2026 Day 244

2026 Dedh Dew Cans Dogens ha Pajar

De Meurth, kensa mis Gwedngala
Tuesday, 1st September

Terweythyow nei a wel dew sêson en üdn jorna; hav e'n mettin a-varr ha kidnyadh e'n dohajedh. An howl isel e'n est a golôwas oll an cloudys bian, cloudys kewer vas, pecar'a hav. Moy diwedhes, my a welas an loor golôwys en ebòrn blou havek. Nag ew leun an loor na velha (henn a veu nanj ew peder nos), ma hei ow tifygya. Bès hedhyw, an kensa dedh a vis Gwedngala ew, an dalladh kidnyadh a veteorologieth. Nei a welas "cala gwedn" a-varr en mis Est e'n vledhen ma. Lebmyn, dadn skeuj an cloudys, ma mir loos dhe'n cala - pecar'a mis Dû! Nag ew an edhyn troblys gen an gewer. Pandr'ew a droos e'n gwedh? Trosüs ew an briny tre.

Sometimes we see two seasons in one day;  summer in the early morning and autumn in the afternoon. The low sun in the east lit up all the little clouds, fair weather clouds, like summer. Later, I saw the moon illuminated in a summery blue sky. The moon is no longer full (that was four nights ago), it is waning. But today it's the first day of September (the month of white straw), the first day of meteorological autumn. We saw "white straw" early in August this year. Now, under cloud shadow, the straw looks grey - like November! The birds aren't bothered by the weather. What is afoot (happening) in the trees? The rooks are noisy.

Geryow rag hedhyw Words for today

briny tre (pl) rooks < bran dre (f) < bran crow

cala (coll.) straw

difygya to wane, fail, grow less

golôwy ~ golôwa to light (up), illuminate

havek summery < hav summer

kidnyadh (m) autumn

pandr'ew a droos? what is afoot? what's happening?

trosüs noisy