2023 Day 59

2023 Dedh Nawnjek ha Dogens

De Meurth, ethves warn ügens mis Whevrel

Tuesday, 28th February

Ew hebma an diwettha dedh a wâv? Avorow a vedh an kensa dedh a wenton a veteorologieth. Bes na vedh hedna an diwedh  a gewer wavek. Ma lavar coth: "Gwâv en Hâv terebo Golôwan, ha Hâv en Gwâv terebo Nadelik." Bettegens, ma flourys gwenton solabres. Ma dhebm flourys melyn a-jei ha flourys melyn a-ves. Hag òtta oll ow flourys kigliw!

Is this the last day of winter? Tomorrow will be the first day of meteorological spring. But that will not be the end of wintry weather. There is a proverb: "Winter in Summer until Midsummer, and Summer in Winter until Christmas." However, there are already spring flowers. I have yellow flowers indoors and yellow flowers outside. And see all my pink flowers!

2023 Day 58

2023 Dedh Etek ha Dogens

De Lün, seythves warn ügens mis Whevrel

Monday, 27th February

Ma dhebm ro pedn bloodh. Nag ew ev ro nowydh saw ro pur goth, trei ügens bloodh po nebes. Gwres veu va ragam gen ow mabm gen calavow brâs ha gwlân tew, termyn my eth dhe ûniversita. Ow mabm alja gwia etta. Pur dòbm ew an gwlânek. En termyn eus passyes an benenes a Gernow o aswonys rag aga skians gwia. Anjei a wras frâwkys rag aga fescadoryon. Terweythyow thera todnow, caplys, lovanow, rosow ha ancoryow e'n desîn. Keyn ha greuv o pecar, an frâwk alja bos treylys. Mosy (mowysy) a wrüg desky dhe wia ewedh.

I have a birthday present. It is not a new present but a very old present, about sixty years old. It was made for me by my mum with big needles and thick wool, when I went to university. My mother could knit well. The woolly is very warm. In the past the women of Cornwall were known for their knitting skill. They made jerseys (knit-frocks) for their fishermen. Sometimes there were waves, cables, ropes, nets and anchors in the design. Front and back were alike. The gansey could be turned. Girls learnt to knit as well.

2023 Day 57

2023 Dedh Seytek ha Dogens

De Sul, wheffes warn ugens mis Whevrel

Sunday, 26th February

Pandra dhe leverel? Na wora vy. An howl a spladnas hedhyw. Ma genam pedn bloodh hedhyw. My a welas ow theylû. My a recevas nebes cartednow pedn bloodh ha flourys. My a dal bos lowen. Bes nag ew da genam bos cottha!!

What to write? I don't know. The sun shone today. I have a birthday today. I saw my family. I received some birthday cards and flowers. I should be happy. But I don't like being older!!

2023 Day 56

2023 Dedh Whetek ha Dogens

De Sadorn, pempes warn ügens mis Whevrel

Saturday, 25th February 

En gordhûher de, en gòlow nebes tewal, my a welas best et ow lowarth. Na wrüga vy y weles kens lebmyn. Thera va ow tebry neppeth war an dor. An liw ew pecar'a lowarn, saw re vrâs ewa dhe vos lowarn. Y arrow o re hir. Na aljama gweles pur gler drefen na veu ow gwedrow genam.  An kei a harhas hag ev a labmas dhe ves a-ugh an ke. Martesen my a welas yorhel bian. Nag o olow e'n mettin ma. 

In the evening yesterday, in rather dim light, I saw an animal in my garden. It was eating something on the ground. Its colour was like a fox, but it was too big to be a fox. Its legs were too long. I couldn't see very clearly because I didn't have my glasses. The dog barked and it leapt away over the hedge. Perhaps I saw a little roe deer. There were no traces this morning.

2023 Day 55

2023 Dedh Pemdhek ha Dogens

De Gwener, pajardegves mis Whevrel

Friday, 24th February

Lowen o vy dhe weles ow mab wydn. Bettegens, trûedh dra ew  dh'y weles de Gwener. Ev a dal bos en scol. E'n gwettha pres ma othom dhodho a scol specyal ha nag eus telher dhodho en scol veth. Na ell ev mos dhe scol kebmyn ha re goth ew ev rag scol meythrin. Rag fra ma caletter? Nag eus mòna lowr dhort an Governans rag Kernow. Nag eus mòna lowr rag adhescans. Nag eus leow scol lowr. Nag eus scolyow lowr rag flehes gen othobmow adhescansek specyal. Nag eus descadoryon po descadoresow ha gweroryon po gweroresow rom scol lowr. Nag üjens ow tendyl pegans lowr. Etho, otta an maw bian. Ma'n broder gevel ev en scol bes ma va tre.

I am happy to see my grandson. However it is a sad thing to see him on a Friday. He should be in school. Unfortunately he needs a special school and there is no place for him at all. He cannot go to an ordinary school and he is too old for nursery school. Why is there a problem? There is not enough money from the Government for Cornwall. There is not enough money for education. There are not enough school places. There are not enough schools for children with special educational needs. There are not enough teachers and classroom assistants. They do not earn enough pay. So, here's the little boy. His twin brother is at school but he is at home.

2023 Day 54

 2023 Dedh Peswardhek ha Dogens

De Yow, tryja war ügens mis Whevrel

Thursday, 23rd February

Thera meur a law dres an nos, bes whath nag eus dowr lowr dhe lenwel an gover bian. My a gemeras an kei rag kerdh e'n trolergh a-warra. Tho va leyjek ha slotterüs, etho na veu whans dhebm a vos pell. An kei a venja mos pelha! Martesen, my a dalvia kemeres an trolergh nowydh a-wòles. Segh ew hedna, theram ow pedery.

There was a lot of rain throughout the night, but still there is not enough water to fill the little stream. I took the dog for a walk on the upper footpath. It was very slimy and muddy, so I did not want to go far. The dog wanted to go further. Perhaps I should have taken the new  footpath below. That is dry, I think.

2023 Day 53

2023 Dedh Terdhek ha Dogens

De Merher, nessa warn ügens mis Whevrel

Wednesday, 22nd February

Na wrüga vy gweles helicopter ow tedna carg arta. Re wenjek ew an gewer hedhyw. Nei alja gweles todnow gwydn bras war an mor garow. En termyn eus passyes cargow brâs a veu tednys gen mergh, lies margh. Nena Trevithick a dhevisyas an jynn eth. En Kembra ev a dednas hornweyth.

I didn't see a helicopter towing a load again. The weather is too windy today. We could see big white waves on the rough sea. Once upon a time large loads were towed by horses, lots of horses. Then Trevithick invented the steam engine. In Wales it pulled iron goods.

2023 Day 52

2023 Dedh Dewdhek ha Dogens

De Meurth, kensa warn ügens mis Whevrel

Tuesday, 21st February

Terweythyow my a wel neppeth ha nag eus camera genam. Henn ew grevos. Hedhyw my a welas "bargas". Fatel veu hedna treweythüs? "Ma'n bargas ow halya neppeth der an ayr," my a brederas. An dra o brâssa vel an bargas.  Hûjes kelgh o va, gen both e'n cres hag asow pecar'a ros. Pandr' ewa? Na wora vy! Ellowgh y weles? Ma va ena en neb le e'n cloudys!

Sometimes I see something and I don't have a camera with me. That is frustrating. Today I saw a helicopter. How was that unusual? "The helicopter is hauling something through the air," I thought. The thing was bigger than the helicopter. It was a huge circle, with a hub in the centre and spokes like a wheel. What is it? I don't know. Can you see it? It's there somewhere in the clouds!

2023 Day 51

2023 Dedh Üdnek ha Dogens

De Lün, ügensves mis Whevrel

Monday, 20th February

Trûedh dra ew kelly coweth po carogas caradow, saw da ew cawas ordenal grassans en eglos teg leun a bobel. Keynwyn ew pur deg ha famos. Nei a wrüg leverel "Duw genes, Cosin Frank" ha cana y hymnys an moyha kerys.     

It's a sad thing losing a dear friend or near relative, but it is good having a service of thanksgiving in a beautiful church full of people. Kenwyn is very beautiful and famous. We said, "Goodbye Cousin Frank" and sang his favourite hymns.

2023 day 50

2023 Dedh Hantercans

De Sül, nawnjegves mis Whevrel

Sunday, 19th February

Gen chei nowydh ma meur a whel dhe wil. An lowarth-ma o nakevys rag termyn hir ha ma taclow dhe vos kemerys dhe'n leur scollyon. Thewa trosor rag flehes. "Gero nei cuntel alcan ha predn. Ma bulhornes ha lies lowen lowarth e'n vos ewedh. Ha nena nei a vedn mos a-jei ha gwil vow gen pluvogow."  

With a new house there is a lot of work to do. This garden was forgotten for a long time and there are things to be taken to the dump. It is treasure for children. "Let's collect metal and wood. There are snails and lots of woodlice in the wall too. And then we will go indoors and make a cave with cushions."

2023 Day 49

2023 Dedh Dogens ha Naw

De Sadorn, etegves mis Whevrel

Saturday, 18th February

Pemp flogh wydn e'n mettin! En gwelha pres aga herens a wrüg aga degy dhe ves arta. Gleb o an gewer, saw da o dhe'n flehes gwary et ow lowarth. Wòja hedna res veu dhebm mires orth Peppa Porhel heb diwedh. Plodnow slotterüs ew da gen mogh ha gen flehes.

Five grandchildren in the morning! Fortunately their parents bore them away again. The weather was wet, but the children liked playing in my garden. After that I had to watch endless Peppa Pig. Pigs and children like muddy puddles.

2023 Day 48

2023 Dedh Dogens hag Eth

De Gwener, seytegves mis Whevrel

Friday, 17th February

Trei flogh wydn ha pajar best! Thewa re. Nag eus nerth veth gerys dhebm. Da via genam còsca saw ma'n flehes owth omdhal ha na vedn anjei còsca aga honan. An kei a vedn mos mes rag pisa. My a redyas adro dhe dheves hedhyw. My a dal aga rekna!

Three grandchildren and four animals! It's too much. I don't have any energy left.  I'd like to sleep but the children are quarrelling and won't sleep themselves. The dog wants to go out for a pee. I read about sheep today. I should be counting them!

2023 Day 47

2023 Dedh Dogens ha Seyth

De Yow, whetegves mis Whevrel

Thursday, 16th February

My a viras orth tele hedhyw. E veu program ow tochya art Kembrek. Nei a welas capa owr teg kevys en encledhyans pur goth. (An düs leb a gavas an tresor a gollas an corf eskern.) A-bele eth an owr? O va owr a Gembra po o va martesen owr a Gernow (pecar'a en Disc Eborn Nebra)? Thera bal cober brâs en ogas. Ha nei a wor dr'o sten a Gernow ûsyes gen cober a Gembra dhe wül brons. Ellen nei trouvya owr (ha sten) whath en Kernow, en ryvars ha gothow? En certan, whei ell cawas cider henwys "Owr a Gernow".

I watched TV today. There was a programme about Welsh art. We saw a beautiful gold cape found in a very old burial. (The men who found the treasure lost the skeleton.) Where did the gold come from? Was it Welsh gold or was it perhaps Cornish gold (like in the Nebra Sky Disc)? There was a big copper mine nearby. And we know that Cornish tin was used with Welsh copper to make bronze. Can we still find gold (and tin) in Cornwall, in rivers or streams? Certainly you can get cider called "Cornish Gold".

2023 Day 46

2023 Dedh Dogens ha Whegh

De Merher, pemdhegves mis Whevrel

Wednesday, 15th February

Pur dha o an awel de, saw hedhyw glaw a wra. Nag ewa da genam. De, an kei a veu lowen dhe gerdhes saw hedhyw nag eus whans dhodho a vos mes. Thew ow flourys whath teg, saw nebes gleb! My a venja mos mes gordhûher- e vedh cuntellyan ow bagas art. Nei a wra tedna bejethow. 

The weather was very good yesterday, but today it is raining. I don't like it. Yesterday, the dog was happy to walk but today it does not want to go out. My flowers are still beautiful, though a bit wet! I would like to go out this evening - there will be a meeting of my art group. We are going to draw faces.

2023 Day 45

2023 Dedh Dogens ha Pemp

De Meurth, pajardegves mis Whevrel

Tuesday, 14th February 

"Bo Peep, Bügeles re gollas hy deves,

Ha na wor hei ple jei ell bos kevys."

Wòro whei moy a'n rim meythrin ma?

An deves a aras aga losyow adhelher dhodhans!

"Shepherdess, Bo Peep has lost her sheep,

And she doesn't know where they can be found."

Do you know more of this nursery rhyme?

The sheep left their tails behind them!

2023 Day 44

2023 Dedh Dogens ha Pajar

De Lün, terdhegves mis Whevrel

Monday, 13th February

Da ew genen howl en gwav, saw nag üjy an howl ow terevel ûhel e'n eborn. Ma va ow gîk der an ke et ow lowarth e'n dohajedh. Hir ew an skeujow (skeusow) bes ma'n howl ow còlowa an flourys spladn. Ma meur a'n liw melyn - les lagas, eythin ha losyow on.

We like sun in winter, but the sun does not rise high in the sky. It peeps through the hedge in my garden in the afternoon. The shadows are long but the sun lights up the bright flowers. There's a lot of the colour yellow - celandines, gorse and lamb's tails (hazel catkins).

2023 Day 43

 2023 Dedh Dogens ha Trei

De Sül, dewdhegves mis Whevrel

Sunday, 12th February

Neppeth marthys a veu gwelys ogas dhe Breyer en Syllan. Terweythyow nebonan a wel üdn morhogh po delfin. En termyn aral bagas ew gwelys. Pandr'era nei ow kelwel "pod" a dhelfines en Kernôwek - ellen nei ûsya "heva" po "hes" pecar'a puskes? Bes pandr'ew an tra varthys? Thera üdn morvil ow qwary gen nebes delfines. Kemer' with a dhelfines! An morvil ew brâssa vel whei. Whei ell gweles prag an morvil ew creiys "pyffer".

Something wonderful was seen near Bryher in the Isles of Scilly. Sometimes somebody sees one porpoise or dolphin. Another time a group is seen. What do we call a "pod" of dolphins in Cornish - can we use "school" like fishes? But what is the wonderful thing? There was one whale playing with several dolphins. Take care dolphins! The whale is bigger than you. You can see why the whale is called a "puffer".

2023 Day 42

2023 Dedh Dogens ha Dew

De Sadorn, üdnegves mis Whevrel

Saturday, 11th February

Hedhyw my a vetyas gen ow howetha en Falmeth. Thens scriforyon oll, bes coth pecar'a vy. My a redyas dhodhans üdn chaptra ow whedhel nowydh. Soweth, nag ew da ganjans ow goroures, Senara! "A dal nei hy hara?" emedh anjei. "Eus qwalites da dhedhy? Chett kellys ew hei! Piw a vedn redya an whedhel-ma?" Ow mergh wydn a gar Senara, rag hedna my a vedn pejya gen scrifa hy whedhel.

Today I met my friends in Falmouth. They are all writers, but old like me. I read a chapter of my new story to them. Sadly, they do not like my heroine, Senara! "Ought we to love her?" they say. "Does she have any good qualities? She is a spoilt brat! Who will read this story?" My granddaughter loves Senara, so I will continue with writing her story.

2023 Day 41

2023 Dedh Dogens ha Wonan

De Gwener, degves mis Whevrel

Friday, 10th February

Theram ow scrifa neppeth rag flehes. A vedh ev saga hir po whedhel bian? Na wora vy. Piw ew an gwarioryon ha gwarioresow? Ma gwragh yonk henwys Senara. Gwell via genjy bos duwes! Hei a venja bos pecar'a Gwener. Bes nag ew da genjy an pictour gen Botticelli "La Nascita di Venere". Hy blew ew liw cabm!

I am writing something for children. Will it be a long epic or a little story? I don't know. Who are the players? There is a young witch called Senara. She would rather be a goddess! She would like to be like Venus. But she doesn't like the picture by Botticelli "The Birth of Venus". Her hair is the wrong colour! 

2023 Day 40

 2023 Dedh Dogens (Dew Ügens)

De Yow, nawes mis Whevrel

Thursday, 9th February

Hemm ew treth teg, saw nag ew an dowr tòbm. Thera nei re bell tûa'n Noor.  Nag era nei ow qwachas gweles cronek ervys a'n mor. Bettegens, nebonan a gavas an best bian ma hag y sawyas, yeyn ha hanter-marow. Ha dew vest moy a veu sawys war drethow a Gernow. Lebmyn saw ens en aqwarium. Anjei a veu grevys gen enawellow ha degys gen frosow a'n mor brâs. Alja anjei mos tre en termyn a vedn dos?

This is a beautiful beach, but the water is not warm. We are too far to the north. We do not expect to see a turtle. However someone found this little animal and rescued it, cold and half-dead. And two more animals were saved on Cornish beaches. Now they are safe in an aquarium. They were disturbed by storms and carried by ocean currents. Could they go home in the future?

2023 Day 39

2023 Dedh Nawnjek warn Ügens

De Merher, ethves mis Whevrel

Wednesday, 8th February

Ma meur a whel ow mos rag tredh Tywar'n heyl ha Cookes, bes pandr'üjy ow wharvos? Solabres ma dhen vorrvergh tredh Cookes ha Goon Havar (trolergh ewa ewedh ha vorr (fordh) rag diwrosya). Scon e vedh possybyl dhe gerdhes dhe'n treth reb an ryvar bian (dres melin eskern coth). A vedh ev parys rag an hav?

There's a lot of work going on between Perranporth and Cocks, but what is happening? We already have a bridleway between Cocks and Goonhavern (it's a footpath as well and a track for cycling). Soon it will be possible to walk to the beach along the little river (past an old bone mill). Will it be ready for the summer?

2023 Day 38

2023 Dedh Etek warn Ügens 

De Meurth, seythves mis Whevrel

Tuesday, 7th February

"Ma othom dhen a 'gas gooj (goos)! Na wrüg agas assays sowena. Ma othom a voy." Medhegva en telher teg ew. My ell kerdhes war an treth ken pres apoyntys. Hedhyw yeyn o ha thera whath rew war an tewyn. Bettegens, e  veu nebes benenes stout ow neyja e'n mor reb an garrek vrâs, henwys Engarder po An Gador (Carrek an Chapel en Sowsnek). Nag era bes bohes persons ha keun war an treth. Kei bian a veu kelmys dhe ven brâs. Pandr'ew hedna gerys (gesys) gen an mortid? Nei a welas neppeth pecar (kepar) en Awstraly. "Trefyas morvleydh" emedh an flehes!

We need your blood! Your tests weren't successful. More is needed. It's a surgery in a beautiful place. I can walk on the beach before an appointment. Today it was cold and there was still frost on the sand-dune. Nevertheless, there were some hardy women swimming in the sea by the big rock, called Engarder  or The Chair (Chapel Rock in English). There were only a few people and dogs on the beach. A small dog was obsessed with a big stone. What is that left by the tide? We saw something similar in Australia. "Shark spit" said the children!

2023 Day 37

2023 Dedh Seytek warn Ügens   

De Lün, wheffes mis Whevrel

Monday, 6th February

Agan lagajow ell madra taclow ogas ha pell. Ma gweder crobm en pub lagas (saw nag ew ewa gwres a weder). An grobmen ell chanjya pur üskis (ow ûsya keherow). Ma 'gan ampydnyon ow remembra lies ymajys e'n keth termyn. My ell gweles an loor adhelher dhe'n cloudys ha my ell gweles liwyow oll adro dhe'n loor. Ow hamera nag ew mar dha avel ow lagajow. Ma'n cloudys ow terlentry adhelher dhe'n wedhen.

Our eyes can observe things near and far. There is a lens in each eye (but it is not made of glass). The curve can change very quickly (using muscles). Our brain remembers many images at the same time. I can see the moon behind the clouds and I can see colours all around the moon. My camera is not as good as my eyes. The clouds are gleaming behind the tree.