2021 Day 182

2021 Dedh Cans Pajar Ügens ha Dew

De Yow, kensa mis Gorefen

Thursday, 1st July

Ha my ow whilas neppeth aral, my a happyas war nebes levrow termyn scol pur goth. Ma fôtôs gwydn ha dû ettans - skeusednow üskis a üdn labm a dermyn, skeusow a vôwnans tremenys. E'n dedhyow na thera dhebm lev wheg ha ûhel, lebmyn thew ow lev moy garow ha downa. Eseles o vy a'n keur, ha my a veu mos vara jynjer en Hansel ha Gretel. Rag hedna e veu dhebm pilen rüdhvelyn ha saymbaynt rüdhvelyn! My a veu moy loos avel Mestres Noy - ow blew brithys gen gwydn ha cryjyow tednys war ow bejeth. Ha "Gwra kerdhes ha sedha avel benyn goth!"  Lebmyn eth ew "Na wra kerdhes ha sedha avel hedna, ma va ow rei dhis semlant coth!"

While I was looking for something else, I came across several very old school magazines. There are black and white photos in them - snapshots of one moment of time, shadows of a life gone by. Those days I had a sweet high voice, now my voice is rougher and deeper. I was a member of the choir, and I was a gingerbread girl in Hansel and Gretel. For that I had an orange skirt and orange make-up! I was greyer as Mrs. Noah - my hair streaked with white and wrinkles drawn on my face. And "Walk and sit like an old woman!" Now it is " Don't walk and sit like that, it makes you look old!"

Deg ger rag hedhyw Ten words for today

bara jynjer (m) gingerbread

downa deeper (comparative)

eseles (f) member < esel (m)

ettans ~ et anjei in them

happya war to come across, happen upon, chance upon

keur (m) choir

labm (m) moment, occurrence, step

levrow termyn magazines < lever termyn (m)

saymbaynt (m) greasepaint

skeusednow üskis snapshots < skeusen (f)

skeusow shadows < skeus ~ skeuj (m)