2021 Day 207

2021 Dedh Dew Cans ha Seyth

De Lün, wheffes warn ügens mis Gorefen

Monday, 26th July

Ma cres ha coseleth hedhyw, drefen nag eus flogh veth e'n chei! My ell kerdhes gans an kei bian ha lagatta an plansow. Ma prysken ow tevy en üskis et ow lowarth. An flourys purpur ew da gans an tyckies-Duw, saw nag eus lies tycky-Duw e'n vledhen ma. Na wrüga vy hy gonis. Nag ew an garednow crev, ha'n flourys ew poos. Hanter an garednow ew codhys dhe'n dor - pur shiek ew. My a drohas lies flour dhort an garednow terrys ha 'ga gorra en lestry coth. Ma pycher leth dhort Preiweyth Lake en Truru (gellys lebmyn). Ma cafas glas a Gernow, an keth liw avel an delyow. Ma jorrik jam maga coth avel ow honan. Ma dhe bub pedn a flourys lies flour bian. E'n portal ma bòssa gen plans melon. Ma dew frût bian bohes arves. Saw martesen my alja cuntel an coucòmber ha tomattys en scon. Nebonan alja aga debry - na ellama ow hònan (calish dhe vos dyjestys!). Ha calish ew dhe drouvya ow flourys teg emesk an losow an gwel.  

There is peace and quiet today, because there is not a single child in the house! I can go for a walk with the little dog and gaze at the plants. There's a fast-growing shrub in my garden. The butterflies like the purple flowers, but there aren't many butterflies this year. I didn't plant it. The stalks are not strong, and the flowers are heavy. Half of the stalks have fallen down - it's very untidy. I cut a lot of flowers from the broken stalks and put them in old containers. There's a milk pitcher from Lake's Pottery in Truro (now gone). There's a green Cornish vase, the same colour as the leaves. There's a jam jar as old as myself. Each flower head has many little flowers. In the porch there's a pot with a melon plant. There are two unripe little fruits. But perhaps I can pick the cucumber and tomatoes soon. Someone could eat them - I can't myself (hard to digest!). And it's hard to find my beautiful flowers among the wild plants.

Deg ger rag hedhyw Ten words for today

bohes arves unripe

cafas (m) container, vase

coseleth (f) quiet, quietness

coucòmber (m) cucumber

dyjestys digested

jorrik (m) small jar

lagatta to gaze, gawk, goggle at

lestry containers, vessels, crockery < lester (m)

prysken (f) shrub, bush

pycher (m) pitcher, jug