2026 Day 228

2026 Dedh Dew Cans Eth warn Ügens

De Sül, whetegves mis Est
Sunday, 16th August

Mis Est ew an termyn own rag cuntel frutys dhort an lowarth ha dhort an keow. Ma nebes avalow ow codha dhe'n dor solabres. Lies aval ew shyndys, pigys gen edhyn rag glebor. Avalow shyndys ew da gen gwibes ha gwenen ha gohies. Bès ma avalow lowr gerys raga vy dhe vryjyon gen mor dû dhort an keow. Da via genam cawas nebes ploum melyn, ewedh, bès gellys ens. Martesen anjei a veu ladrys gen edhyn po gen gwyweres. An gwyweres a wrüg debry oll an know coll en certan. 

August is the right month for gathering fruits from the garden and from the hedges. Some apples are falling to the ground already. Many apples are damaged, pecked by birds for moisture. Flies and bees and wasps like damaged apples. But there are enough apples left for me to stew with blackberries from the hedges. I would like to have some yellow plums, too, but they are gone. Perhaps they were stolen by birds or by squirrels. The squirrels have certainly eaten all the hazel nuts.

2026 Day 227

2026 Dedh Dew Cans Seyth warn Ügens

De Sadorn, pemdhegves mis Est

Saturday, 15th August

Whath, theram ow pedery a'n difygyans an howl de Merher. My a dal liwya pictur a'n golow coynt. My a gerdhas dhe'n mor. A aljama trouvya dastewydnyans a'n howl en dowr isel, war treth gleb? Na veu an difyk dhe les dhe'n kei na. Thera an flehes ow qwary e'n treth ha dowr heb pedery dro dhe'n difyk. Thera le a dhowr e'n ryvar bian drefen gellys mes o an mortid. Martesen sarf neyja a veu moy dhe les avel howl, mor ha treth dhe re erel.

Still, I am thinking of Wednesday's solar eclipse. I should paint a picture of the odd light. I walked to the sea. Could I find a reflection of the sun in low water, on wet sand? The eclipse was of no interest to that dog. The children were playing in the sand and water without thinking about the eclipse. The little river had less water because the tide had gone out. Perhaps a kite was more interesting than sun, sea and sand to others.

2026 Day 226

2026 Dedh Dew Cans Whegh warn Ügens

De Gwener, pajardegves mis Est
Friday, 14th August

Difygyans an Howl a-ûgh Stonehenge. My a welas an ymaj ma war Facebook. Edrek, nag ew an fotografer aswonys genam. Na aljama kemeres foto a'n par ma. Ma othom a gamera sevelyek en üdn telher, kemeres nebes tednow gen powesow compes ha cayer specyal. War an treth my alja gweles an howl gans ow gwedrow. Na wrüg an eborn treylya dû, saw tho pecar'a gordhûher. An edhyn a veu meskegys bès pur deg o. En gwettha pres, nag üjy ow hamera owth obery hedhyw.

The Solar Eclipse above Stonehenge. I saw this image on Facebook. Sorry, I don't know the photographer. I couldn't take a photo like that. It needs a static (stationary) camera in one place, taking several shots with regular intervals and a special filter. On the beach I could see the sun with my glasses. The sky did not turn dark, but it was like evening. The birds were confused but it was very beautiful. Unfortunately, my camera is not working today.

2026 Day 225

2026 Dedh Dew Cans Pemp warn Ügens

De Yow, terdhegves mis Est
Thursday, 13th August

De, tho an treth pur, pur vesy. (Hogstog o va!) Thera tüs et aga degolyow ha tüs pluw, pecar'a nei, a venja mires orth difygyans an howl. Poth o nei devedhys e veu morlanow, an mortid a veu pur ûhel. Thera todnow ow lagya agan treys. Nei a dremenas pons gleb bian dres an ryvar bian rag drehedhes an treth brâs. Nei a drouvyas splatt a dreth reb an ryvar bian. Leun o an tredh a düs gen scovaow, dhort mor dhe'n tewednow. Thera nei oll ow còrtos an difyk.

Yesterday, the beach was very, very busy. There were people in their holidays and local people, like us, who wanted to watch the solar eclipse. When we had arrived it was high tide, the tide was very high. There were waves splashing our feet. We crossed a little wet bridge across the little river to reach the big beach. We found a patch of sand by the little river. The sand was full of people with shelters, from sea to the dunes. We were all waiting for the eclipse.

2026 day 224

2026 Dedh Dew Cans Pajar warn Ügens

De Merher, dewdhegves mis Est
Wednesday, 12th August

Puptra hedhyw ew adro dhe'n howl ha'n loor. E vedh difygyans an howl gen an loor. Pe eur a vedh hedna? Pana bres a vedh an gwelha dh'y weles? Pe telher a wra rei an gwelha gwel? A dal vy crambla war vena dhe vires? A dal vy mos dhe'n treth? Pandr'ew vorr an moyha saw dhe vires orth difyk? Na venjama treylya dall. Ma tellvolla e'n gegin, po my ell gwil camera toll pidn gen kisten. Etho, my a veu kemerys dhe'n treth, ha'm gohydh a dhros gwedrow golok specyal.

Everything today is about the sun and the moon. There will be an eclipse of the sun by the moon. What time will that be? What time will be the best to see it? What place will give the best view? Should I climb uphill to look? Should I go to the beach? What is the safest way to look at an eclipse? I do not want to go blind. There is a colander (a bowl with holes) in the kitchen, or I can make a pinhole camera with a box. So, I was taken to the beach, and my daughter-in-law brought special glasses.

2026 Day 223

2026 Dedh Dew Cans Trei warn Ügens

De Meurth, üdnegves mis Est

Tuesday, 11th August

Mettin a-varr, my ell gweles an howldrevel adhelher dhe'n gwedh e'n lowarth agan kentrevogyon. Termyn pur deg ew, gen golow owriek war pub tra et agan lowarth. Pur hir ew skeujow agan gwedh war an dor. Ma'n howl ow terevel e'n est ha ma'n skeujow ow resek tû'a west, war tû'a an howlsedhes. Saw nag era nei nevra ow qweles howlsedhes e'n lowarth ma, drefen bos adhelher dhe'n gwedh ha ke ha menedh! Da via genam mires orth difygyans an howl e'n gordhûher avorow. My a dal mos dhe'n treth. An mortid a wra mos mes e'n gordhûher, etho e vedh spas lowr ragon ha lies moy. Pur dha ew agan treth rag howlsedhesow. Avorow a vedh deffrans, theram ow pedery.

Early morning, I can see the sunrise behind the trees in our neighbours' garden. It's a very beautiful time, with a golden light on everything in our garden. The shadows of our trees are very long on the ground. The sun is rising in the east and the shadows are running westward, towards the sunset. Except we never see a sunset in this garden, because it's behind the trees and a hedge and a hill. I'd like to watch the solar eclipse in the evening tomorrow. I should go to the beach. The tide will go out in the evening, so there will be enough room for us and many more. Our beach is very good for sunsets. Tomorrow will be different, I am thinking.

2026 Day 222

2026 Dedh Dew Cans Dew warn Ügens

De Lün, degves mis Est
Monday, 10th August

Hedhyw, theram ow mires orth an compes. Ma peder qwarten. Fatel era nei ow codhvos pe qwarten ew Est? Gwrewgh mires orth neb eglos. Puppres ema'n aulter e'n pedn est. Ha lies gweyth ma tour (an clehta) e'n pedn west rag an clegh. Sacrys ew pub eglos dhe sans hy honan. Hemm ew eglos Sen Nyulyn. Hanow an dre en mil pajar cans ha pemdhek a veu "Eglosnyulyn". Lebmyn "Newlyn East" henwys ew, saw rag fra "Est"? Ma "Newlyn" aral reb an mor, pelha tû'a west. Cottha ew avel Eglosnyulyn. Hei a veu an kensa "Newlyn" en mil dew cans pajar ügens ha deg. Thera lydn rag lies gorhel, pol rag an lû, etho "Lûlyn". Nag ew hedna hanow a neb sans. Ma savla buss, saw nag üjy Eglosnyulyn reb an mor ha nag eus lydn rag gorholyon.

Today, I am looking at the compass. There are four points of the compass (four quarters). How do we know which direction is East? Look at any church. The altar is always in the east end. And often there is a tower (the belltower) in the west end for the bells. Each church is dedicated to its own saint. This is the church of St Nyulina. The name of the village in 1415 was "Eglosnyulyn". Now it is called "Newlyn East" - but why "East". There is another "Newlyn" by the sea, further westward. It is older than St Newlyn East. It was the first "Newlyn" in 1290. There was anchorage for many ships, a pool for the fleet, so "Lûlyn". That is not the name of some saint. There is a bus-stop, but Newlyn East is not by the sea and there is no anchorage for ships.

Gerva rag hedhyw Vocabulary for today

clegh (pl) bells < clogh (m)

clehta (m) belltower

compes (m) compass

eglos (f) church

gorhel (m) ship > (pl) gorholyon

lydn (m) pool, anchorage

lû (m) fleet

qwarten (f) compass point, direction

sacra to dedicate > (va) sacrys

savla buss (m) bus-stop

tour (m) tower

tû'a west westward

2026 Day 221

2026 Dedh Dew Cans Onan warn Ügens

De Sül, nawes mis Est

Sunday, 9th August

De a veu jorna nebes besy. Nei a wrüg glanhe nebes chombours ha fittya nebes boos e'n mettin. Wòja hedna, nei eth dhe'n treth gen agan mab ha dew vab wydn. Thera meur a nerth dhe'n flehes, palas toll down, whilas gwrîsow, mos e'n mor ha byldya pilyow awenek a veyn. A venja anjei mantoly? Porthtowan ew treth pur dha rag meyn smoth emesk an treth. En gwelha pres, nag o an dohajedh re dòbm. Thera cloudys lowr e'n eborn ha thera gwens medhel ow whetha.  

 

Yesterday was quite a busy day. We cleaned several bedrooms and prepared some food in the morning. After that, we went to the beach with our son and two grandsons. The children had lots of energy, digging a big hole, looking for crystals, going in the sea and building imaginative piles of stones. Would they balance? Porthtowan is a very good beach for smooth stones among the sand. Fortunately, the afternoon was not too hot for me. There were enough clouds in the sky and a gentle wind was blowing.

2026 Day 220

2026 Dedh Dew Cans hag Ügens

De Sadorn, ethves mis Est
Saturday, 8th August

Eduard Lhuyd a dheth dhe Kernow rag cuntel geryow ha lavarow Kernowek. Y Archaeologica Britannica a veu dyllys en mil seyth cans ha seyth. John Boson a ros dhodho whedhel scrifys gen y sira lies bledhen moy a-varr. Otta an kensa gwers scrifys gen Nicholas Boson ha gen Lhuyd, gen treylyans gen John Boson.

Eduard Lhuyd came to Cornwall to collect Cornish words and sayings. His Archæologia Britannica was published in 1707, John Boson gave him a story written by his father many years earlier. Here's the first verse written by Nicholas Boson and by Lhuyd, with a translation by John Boson.

En Termen ez passiez thera Trigaz en St. Levan; Dean ha Bennen en Tellar creiez chei a Horr.

En termen ez paſſiez τera trigaz en St. Levan, dên ha bennen en teller kreiez Tſhei an hɐr.

In tyme that is passed, there Dwelt in St. Levan a man & woman in a place caled The House of a Ramm.

Otta nebes vercyons moy:

Robert Morton Nance 1929 in "Unified Cornish": 

Y’n termyn üs passyes, yth-esa trygys yn Synt Leven den ha benen, yn tyller cryes Chy an Horth. 

Nicholas Williams 2012 in "Standard Cornish":

 I’n termyn eus passys th’era trigys in Seleven den ha benyn in tyller cries Chy an Hordh.

Here follow some pre-SWF versions in Late Cornish produced by Richard Gendall and Neil Kennedy:

En termen eze passiez thera treegas en St. Levan dean ha benen en tellar creiez Choy a Horr.

En termen ez passiez thera trigaz en St Levan dean ha bennen en telhar kreiez Chei a Horr. 

So here is a possible Late Cornish SWF with traditional graphs.

En termyn eus passyes thera trigas en St Levan den ha benyn en telher creies Chei a' Horr. 

2026 day 219

2026 Dedh Dew Cans ha Nawnjek

De Gwener, seythves mis Est
Friday, 7th August

Thera vy ow redya an whedhel "Jowan Chei a'n Horr". A wrüg Jowan kerdhes reb an meyn ma?  Scrifys veu en kensa gen Nicholas Boson nanj ew termyn hir (seytegves cansbledhen). Ma lies vercyon. Ma kevys genam nebes anodhans en cuntellyans gen Ian Jackson war y wiasva lovinglivingcornish. Meur ras dhis, Ian, rag dha ober da. Ha ma kevys genam whath moy! My a vedn rei sampels avorow.

I am reading the story "John of the Ram's House". Did John walk by these stones? It was written initially by Nicholas Boson a long time ago (17th century). There are many versions. I have found some of them in a collection by Ian Jackson in his website lovinglivingcornish. Thank you Ian for your good work. And I have found even more! I will give examples tomorrow.

https://www.skeulantavas.com/literature/jowan-chy-an-hordh

2026 Day 218

2026 Dedh Dew Cans hag Etek

De Yow, wheffes mis Est

Thursday, 6th August

Na wrüga vy gweles an loor leun e'n eborn nos, saw my alja gweles hanter loor dres an cloudys e'n jedh seythen moy diwedhes. Thera vy ow mires emann hedhyw ewedh. En hav perh cov gwav. Tredan voltach ûhel a res bos gwithys rag damach dhort gwedh en enawellow. Ma nebes gwedh (üdn golwedhen dres ehen) ew re hir. Aga branchys ew re ûhel, re nes dhe'n caplys electrek. Devedhys ew an düs yonk ma dh' aga threhy moy isel. Lebmyn parys o nei rag an gwens!

I didn't see the full moon in the night sky, but I could see a half moon beyond the clouds in the day a week later. I'm looking up today as well. In summer remember winter. High voltage electricity must be protected from  tree damage in storms. There are some trees (especially one hazel tree) that are too tall. Their branches are too high, too close to the electricity cables. These young men have come to cut them lower. Now we are ready for the wind!

2026 Day 217

2026 Dedh Dew Cans ha Seytek

De Merher, pempes mis Est
Wednesday, 5th August

Ma bestes oll adro. Terweythyow nag ens merkyes drefen bos bian. Ma pajar ehen warn ügens a wenen e'n pow ma. Pe lies ew gwelys genowgh? Otta gwenenen vlewek brâs, rüdh hy lost. Pandr'üjy hei ow cül? Üjy hei ow whilas neppeth, po palas toll e'n dor? Calys (calish) ew an dor ena. En ogas ma tycky-Duw war flour pedry pronter. Liwys ew pecar'a gwels marow. Flourys pedry pronter ew da gen gwenen ewedh. Otta dran gen blew rüdhvelyn ha dran aral gen lysten rüdhvelyn war y geyn.

There are animals all around. Sometimes they are not noticed because they are small. There are 24 species of bees in this country. How many have you seen? Here's a big hairy bee, with a red tail. What is she doing? Is she looking for something or digging a hole in tha ground? The ground there is hard. Nearby is a butterfly on a knapweed flower. It's coloured like dead grass. Bees like knapweed flowers, too. Here's a bumblebee with orange hairs and another bumblebee with an orange stripe on its back.

2026 Day 216

2026 Dedh Dew Cans ha Whetek

De Meurth, pajwora mis Est

Tuesday, 4th August

Coynt ew, gweles an tycky-Duw nos teg ma e'n termyn an jedh. Ma va ow neyja e'n termyn an nos. Ma liwans cüdh dhe'n gowdhan bleyn liw treth. Ma mir dhodho pecar'a sethen derrys dhort besowen wydn. My alja y weles war ow yet. My a wrüg y dhegy dhe vos, ha straft tho va cüdhys. Na wra va bewa termyn hir. Na wra va gwavy - còsca dres an gwav. Eus oyow po preves del dhodho solabres? An preves del a res debry lies delen. Üjy anjei en lowarth vy po en lowarth kentrevek? Res ew dhebm whilas preves del war dhelkyow. Anjei ew melyn ha dû. Pupa a dal gwavy dadn an dor, rag dos mes nessa bledhen.

It is strange, seeing this beautiful moth in the daytime. It flies in the night time. The buff-tip moth has cryptic colouration. It looks like a broken twig from a silver birch tree. I could see it on my gate. I carried it to a wall, and it was hidden straight away. It won't live a long time. It will not hibernate - sleep over the winter. Does it already have eggs or caterpillars? The caterpillars must eat a lot of leaves. Are they in my garden or in a neighbour's garden? I must look for caterpillars on leaves. They are yellow and black. A pupa should hibernate under the ground, to come out next year. 

2026 Day 215

2026 Dedh Dew Cans ha Pemdhek

De Lün, tryja mis Est

Monday, 3rd August

Ma meur a whel dhe wil en hav, en mis Est dres ehen, pan vo an gewer segh. Dres an gwav ha'n gwenton, misyow an moyha gleb, ma'n prednweyth a-ves ow qwethhe. Paynt ew kellys, ha ma kewny ow tevy war baynt ha war bredn noth en pecar maner. Paynt lows a dal bos scurrys gen paper treth. Wòja hedna an kewny a dal bos golhys dhe ves. Pa vo segh an predn ha'n paynt coth, termyn ew rag kensa côta a baynt nowydh.

There's a lot of work to do in summer, especially in August, when the weather is dry. Through the winter and the spring, the wettest months, the external woodwork deteriorates. Paint is lost, and alga grows on paint and on bare wood alike. Loose paint should be sanded (scoured) with sand paper. After that the alga should be washed away. When the wood and old paint are dry, it is time for a first coat of new paint.