2021 Day 200

2021 Dedh Dew Cans

De Lün, nawnjegves mis Gorefen

Monday, 19th July

Towlow ow mergh wydn ha'y howethes o diswres hedhyw vettin. E veu whans dhodhans a vos dhe'n treth rag neyja ha marhoga war vord corf. Bes, thera aga meppigow ow pâsa an dhew (saw nag ens trigys e'n keth chei). Na alja an dhew veppik mos dh'aga scol veythrin. Ha na alja an maw, trogh y vregh, mos en mor (drefen y lysten galish). Rag hedna, e veu towl nowydh. An gowethes a dhros poll lagya ha'n vebyon alja lagya ha gwary et ow lowarth. Maylys o an lysten galish en sagh plastek! Na alja an mabmow neyja po marhoga war vord corf, bes anjei alja bos gleb po omhowla, ha debry croust. Moy diwedhes thera whath nerth dhe üdn meppik - etho ev a weras dhe Hendas e'n lowarth.    

The plans of my granddaughter and her friend were wrecked this morning. They wanted to go to the beach for swimming and body-boarding. But, their little boys were both coughing (though they are not living in the same house). The two little boys couldn't go to their nursery school. And the boy with his broken arm couldn't go in the sea (because of his plaster cast). Therefore, there was a new plan. The friend brought a paddling pool and the sons could paddle and play in my garden. The plaster cast was swaddled in a plastic bag! The mothers couldn't swim or body board, but they could get wet or sunbathe, and picnic. Later, one boy still had energy - so he helped Grandad in the garden.

Deg ger rag hedhyw Ten words for today

diswres undone, done for, ruined, wrecked, etc.

drefen ~ dreven because of

hedhyw vettin this morning

maylys swaddled, swathed, wrapped

meppigow little boys < meppik (m) < mab or maw

omhowla to sunbathe

pâsa to cough < pâs (m)

poll lagya (m) paddling pool

scol veythrin (f) nursery school

towl (m) plan