2021 Day 199

2021 Dedh Cans Pajar Ügens ha Nawnjek

De Sül, ethdegves mis Gorefen

Sunday, 18th July

Ma gwersyow e'n Beybel Sans, e'n kensa chaptra Jenesys: "Ha Duw a leverys, 'Bedhens golow,' hag y feu (e veu) golow. Ha Duw a welas an golow, fatel o va dâ." En gwrionedh, golow ew euthyk tra. Na alja nei bewa heb golow. Ma plansow ow tevy war tûa golow (golowdreyluster), drefen bos odhom anodho rag gwil boos. Ma protist (üdn gillik) microscopek leb ell neyja war tûa golow. Ma dhodho stigma rüdh - merk lagas - sensor golow. Golow ew nerth. Ev ell chânjya nebes maters kemegyl - aga thewlhe (holan arhans, rag sampel). Hebma veu an men leur an kensa fotograffyeth. Heb camera, Man Ray a wras ymajys gen nebes taclow war an paper parys. En rom tewlhys ev a spladnas golow rag cott termyn. Otta "Rayograff" - ma va ow tisqwedhes pe le ma'n skeusednow - skeusen-graff. Skeusednow an downa ow tisqwedhes gwydn pur - ymach negethek ew ev. Whei ell ajon taclow dres aga shapys. Ma dhe radn anodhans linen adro lebm. Gwedren win ew calecha dhe weles. Ha dans lew plüvek?

There are verses in the Holy Bible, in the first chapter of Genesis: "And God said, 'Let there be light,' and there was light. And God saw the light, that it was good." Truly, light is wonderful. We couldn't live without light. Green plants grow towards light (phototropism), because it's needed to make food. There's a microscopic protist (one cell) that can swim towards light. It has a red stigma - an eyespot - a light sensor. Light is energy. It can change some chemical substances - darken them (silver salts, for example). This was the basis of the first photography. Without a camera, man ray made images with some things on the prepared paper. In a darkened room, he shone a light for a short time. Here's a "Rayograph" - it shows where the shadows were - a shadow-graph. The deepest shadows show pure white - it is a negative image. You can recognise objects by their shapes. Some of them have a sharp outline. A wineglass is harder to see. And a fluffy dandelion?

Deg ger rag hedhyw Ten words for today

an downa the deepest

arhans ~ argan silver

calecha harder

euthyk tra wonderful

fotograffyeth (f) photography

golowdreyluster (m) phototropism, turning towards light

kemegyl chemical

killik (f) cell

lebm sharp

linen adro (f) outline

men leur (m) foundation stone, basis

negethek negative

tewlhe to darken