2025 Day 315

2025 Dedh Trei Hans ha Pemdhek

De Meurth, üdnegves mis Dû
Tuesday, 11th November

Disedhys ha andhiogel ew an gewer. Hei alja treylya en cott termyn. Lebmyn, pur wenjek ew hei, ha ma oll an delkyow ow codha - war an diwedh. Loos ha comolek ew an ebòrn - ha ma glaw ow tos. De, en mettin a-varr, e veu hager gowas a geser. Termyn cott wòja hedna thera an howl ow spladna. Otta an loor, hanter loor e'n ebòrn blou, a-ûgh an dherowen! Thera an barrednow gleb ow terlentry en oll an gwedh. Devedhys ew an rüdhek mes a'n ke rag croust.

The weather is unsettled and unreliable. It can turn in a short time. Now, it's very windy, and all the leaves are falling - at last. The sky is grey and cloudy, and rain is coming. Yesterday, in the early morning, there was a heavy shower of hail. A short while after that the sun was shining. There's the moon, a half moon in the blue sky, over the oak tree! The wet branches are sparkling in all the trees. The robin has come out of the hedge for a snack.

2025 Day 314

2025 Dedh Trei Hans ha Peswardhek

De Lün, degves mis Dû

Monday, 10th November

Gero nei gorfedna agan gwary aventur. Nag ew da genam bockyes! Da via genam gwil diwedh anodhans. En radn pajar an gam my a drouvyas ow cledha, ow lawyn hüs lel, war an dor delyek e'n forest.

Let's finish our adventure game. I don't like goblins! I'd like to make an end of them. In part four of the game I found my sword, my faithful magic blade, on the leafy ground in the forest.

Circling the fearsome weapon above your head,

Ow swaysya an arv scrüthüs a-ûgh dha bedn,

you behead three goblins in a single stroke.

thesta ow tibedna trei bòcka gen (üdn) cronk.

As you cut down a fourth and fifth

Ha trehy pajwora ha pempes dhe'n dor

you see the remaining eyes vanish

thesta ow qweles an diwettha lagajow ow mos mes a wel

and hear the terrified screams of the goblin horde

ha clowes üjow diegrys an lû bòcka

as they run for their lives.

ha'njei ow pònya rag omsawya ga hònan.

You are victorious!

Gellys genes an victory!

To see how else it could have played out,

Rag gweles ken vorr a alja mos an gam,

type START AGAIN

scrif DALLATH ARTA

2025 Day 313

2025 Dedh Trei Hans ha Terdhek

De Sül, nawes mis Dû

Sunday, 9th November

Hedhyw, da ew genam perthy cov an cân ma, scrifys (en Sowsnek) nanj ew deg bledhen ha trei ügens gen Pete Seeger.

Today, I like to remember this song, written (in English) seventy years ago by Pete Seeger.

Ple ma oll an flourys wheg, pell tremenys? 

Ple ma oll an flourys wheg, pell dhe'n eur-ma? 

Ple ma oll an flourys wheg? 

Cuntellys gen mosy teg. 

Pe eur vedh deskys da 

Messach an geryow-ma? 

Ple ma oll an mosy teg, pell tremenys? 

Ple ma oll an mosy teg, pell dhe'n eur-ma? 

Ple ma oll an mosy teg? 

Demedhys dhe vebyon yonk  

Pe eur vedh deskys da 

Messach an geryow-ma? 

Ple ma oll an vebyon yonk, pell tremenys? 

Ple ma oll an vebyon yonk, pell dhe'n eur-ma? 

Ple ma oll an vebyon yonk? 

Gellys rag soudoryon.  

Pe eur vedh deskys da 

Messach an geryow-ma? 

Pe le ma’n soudoryon,  pell tremenys? 

Pe le ma’n soudoryon, pell dhe'n eur-ma? 

Pe le ma’n soudoryon? 

En corladnow, pubonan. 

Pe eur vedh deskys da 

Messach an geryow-ma? 

Ple ma oll an corladnow, pell tremenys? 

Ple ma oll an corladnow, pell dhe'n eur-ma? 

Ple ma oll an corladnow? 

Leun a flourys, pubonan. 

Pe eur vedh deskys da 

Messach an geryow-ma? 

Ple ma oll an flourys wheg?

Geryow rag hedhyw Words for today 

an eur-ma present time, now >

            pell dhe'n eur-ma long ago

cuntellys picked, gathered, collected (va)

            < cuntel

corladnow graveyards, churchyards,                            cemeteries < corlan (f)

demedhys married, wedded (va)

deskys learnt (va) < desky

flourys flowers < flour (m)

gellys gone (va) < mos

geryow words < ger (m)

mebyon (m>v mutation) sons, lads, men

            < mab (m)

messach (m) message

mosy ~ mowysy girls < mos ~ mowes (f)

pe eur when

pe le ~ ple where

soudoryon soldiers < soudor (m)

tremenys passed (va) < tremena

2025 Day 312

2025 Dedh Trei Hans ha Dewdhek

De Sadorn, ethves mis Dû
Saturday, 8th November

Ma darbarow ow mos rag en pub le; darbarow rag Desül Remembrans, darbarow rag an dedhyow ken Nadelik, rag sampel. Ma myllys gwlânweyth rüdh en Penrynn. Ma peneglos vodel war vorr a-dro en Truru, ha gòlowow a-ûgh an strêtys.  Ma fer plesour gen res-a-dro ha ros brâs e'n cres Truru.

There are preparations going on everywhere; preparations for Remembrance Sunday, preparations for the days before Christmas, for example. There are red knitted poppies in Penryn. There is a model cathedral on a Truro roundabout, and lights above the streets. There is a funfair with a roundabout and a big wheel in the middle of Truro.

Gerva Vocabulary

darbarow preparations

fer plesour funfair

gwlânweyth knitwear (knitted wool)

myllys poppies

peneglos cathedral (head church)

res-a-dro roundabout (children's)

vorr a-dro roundabout (traffic)