2022 Day 120

2022 Dedh Cans ha Ügens

De Sadorn, degves warn ügens mis Ebrel
Saturday, 30th April

Hedhyw thew an diwettha dedh a'n secònd mis  gwenton. Thera nei e'n cres an sêson ha spladn ew an awel. Ma lies flour wheg. Radn anodhans ew sawrek. Bes nag ew hebma dhe les rag flehes. Ma whans dhodhans a wül moy es clowes an flourys! Flehes a venja marhoga gonhelhy. Da via ganjans revya en scath. Kerry bian ew da, ha slynkys, ha resow-a-dro.

Today it's the last day of the second spring month. We are in the middle of the season and the weather is brilliant. There are many of sweet flowers. Some of them are aromatic. But this is not interesting for children. They want to do more than smell the flowers! Children would like to ride on a pony. They would like to row in a boat. Little cars are good, and slides, and roundabouts. 

Nebes geryow rag hedhyw. Several words for today

clowes to smell (or other senses)

gonhelhy (m) pony

kerry cars < carr (m)

marhoga to ride

res a-dro (m) roundabout 

revya to row

sawrek aromatic (also tasty)

slynk (m) slide

2022 Day 119

2022 Dedh Cans ha Nawnjek

De Gwener, nawves warn ügens mis Ebrel

Friday, 29th April

Piw ew an den ma, e'n hevelep crev ma gen Linnell? Kernow a bris ha golys ew ev. Ev a veu genys e'n mis Ebrel e'n vledhen seytek cans trei ügens hag üdnek. Ev a verwas e'n mis Ebrel e'n vledhen etek cans terdhek warn ügens. Richard Trevithick ew ev. Y sira o capten balweyth ogas dhe Carn Bre. Thera aga chei en Tregajorran, tre vian teg. Trevithick o ynjydnor. Ev a dhesinyas jynn eth. Avorow ev a vedh golys en Cambron - gen lies jynn eth, ha gen mûsek ha dons. Ma'n den e'n hevelep ow poyntya dhe neppeth e'n pelder. Pandr'ew hedna? Ello whei gweles eth? Üjy va en Kernow po Kembra po Peru?

Who is this man, in this strong portrait by Linnell? He is an important and celebrated Cornishman. He was born in the month of April in the year 1771. He died in the month of April in the year 1833. He is Richard Trevithick. His father was a mining captain near Carn Brea. Their house was in Tregajorran, a pretty little hamlet. Trevithick was an engineer. He designed a steam engine. Tomorrow he will be remembered in Camborne - with lots of steam engines, and with music and dance. The man in the portrait is pointing to something in the distance. What is that? Can you see steam? Is he in Cornwall or Wales or Peru?

Gerva Vocabulary

a bris important

capten balweyth (m) mining captain

golys (verbal adjective) celebrated

hevelep (m) portrait, likeness

jynn eth (m) steam engine

ynjydnor (m) engineer

2022 Day 118

 2022 Dedh Cans hag Etek

De Yow, ethves warn ügens mis Ebrel

Thursday, 28th April

Na vadna vy clappya ow tòchya ow visyt dhe'n medhek dens! Et y le, my a venja descrifa ow vorr dhe'n savla buss. An howl a spladnas, saw an ebòrn a-ûgh an mor o loos, ha nag o an mor blou naneyl. Ma blou lowr e'n còsow, gen bleujyow a'n gog. Ma nebes flourys blou emesk flourys gwydn an kednin gwels (kednin trehornek) war drenewen an vorr. Ma flourys pecar'a cantollow brâs dhe'n gestenen marth ma. A vedh cronkyoryon veth en kidnyadh? 

I will not speak regarding my visit to the dentist! Instead, I'd like to describe my way to the bus stop. The sun shone, but the sky above the sea was grey, and the sea wasn't blue either. There's plenty of blue in the woods, with bluebells. There are some blue flowers among white flowers of the wild garlic (three-cornered leek) on the roadside. There are flowers in trees. This horse chestnut has flowers like large candles. Will there be any conkers in the autumn?

2022 Day 117

2022 Dedh Cans ha Seytek

De Merher, seythves warn ügens mis Ebrel

Wednesday, 27th April

Solabres ma üdn seythen a-dhia cuntellyans ow bagas art. Pe le wrüg an termyn dos? Whei ell gweles pictours gen Theresa Shaw war linen hag en Pensans. Da ew genjy liwya Carrek Loos en Coos ha Syllan. Hei a lavaras dhen ow tòchya hy awen, awedhyansow ha peth ha daffar. Da ew genjy flourys ewedh.

There's one week already since my art group meeting. Where did the time go? You can see pictures by Theresa Shaw on line and in Penzance. She likes painting St Michael's Mount and the Scillies. She told us about her inspiration, influences and materials. She likes flowers too.

Geryow hedhyw. Today's words

awedhyansow influences < awedhyans (m)

awen (f) inspiration

Carrek Loos en Coos (PN) St Michael's Mount

carrek (f) rock SWFM karrek

coos (m) wood

loos grey

peth ha daffar (phrase) materials

2022 Day 116

 2022 Dedh Cans ha Whetek

De Meurth, wheffes warn ügens mis Ebrel

Tuesday 26th April

Da ew gen flehes diwrosa. Terweythyow na ell anjei omberthy pur dha ha, awos hedna, ma othom dhodhans a rosow trenewen bian rag aga scodhya. Whath ma antel a godha, ha rag hedna ma othom dhodhans a dhegy talhat. Wòja mantolly ma othom a lewya, treylya a-drenewen ha mos a-dro en kelgh.  

Children like cycling. Sometimes they can't balance very well and, therefore, they need small side wheels to support them. There's still a risk of falling, and therefore they need to wear a helmet. After balancing there's a need to steer, turn aside and go round in a circle.

Geryow rag hedhyw. Words for today

a-drenewen aside

a-dro around

antel (m) risk, danger

codha to fall

degy to wear

diwrosa to cycle, bicycle

kelhow circles < kelgh (m) SWFM kylgh 

lewa to steer, drive SWFM lewya

mantolly to balance

omberthy to balance 

scodhya to support

talhat (m) helmet

trenewen ~ drenewen (m) side

treylya to turn

wòja after SWFM wosa

2022 Day 115

 2022 Dedh Cans ha Pemdhek

De Lün, pempes warn ügens mis Ebrel

Monday. 25th April

Ew da genowgh gonis e'n lowarth? Pe daffar eus othom dhewgh? Rag palas ma othom a baler. Po nag eus jynn-palas dhewgh, ma othom a ûsya pal, rev po vorgh. Ma dor meynek dhewgh? Whei a venja gwaya nebes meyn bian war an enep? Gwrewgh ûsya crib dhe gribas an enep. Wòja gonis has ma othom a dhowrhe an dor. Martesen ma cadna dowrhe dhewgh. Terweythyow thew gwell dhe wonis has en pottow.  

Do you like working in the garden? What equipment do you need? A digger is needed for digging. If you don't have a mechanical digger, you need to use a spade, shovel or fork. You have stony earth? You would like to move some small surface stones? Use a rake to comb the surface. After sowing seeds, the ground needs to be watered. Perhaps you have a watering can. Sometimes it is better to sow seeds in little pots.

Bohes geryow ragowgh

A few words for you  

cadna ~ canna dowrhe (m) watering can

crib (f) rake, comb (can also use rakan (m))

cribas ~ criba to rake, comb

daffar (collective) kit, equipment, gear

dor meynek (m) stony earth

dowrhe to water (plants)

gonis to work (especially on the land), sow (seed)

jynn-palas (m) mechanical digger/shovel

lowarth (m) garden

othom (m) need

pal (f) spade

palas to dig

paler (m) digger  

pott (m) small pot

rev (f) shovel   

vorgh ~ forgh (f) fork            

2022 Day 114

2022 Dedh Cans ha Peswardhek

De Sül, pajwora warn ügens mis Ebrel

Sunday, 24th April

Pur vesy o an jedh ma, ha leun a wharth. Nei a fittyas meur a voos. E veu kefewy pednbloodh dhe'n maw bian hedhyw. Etho, nebes flehes a dheuth rag gwariow ha dhe dhebry boos a'n degol. Thera afînansow, lien boos, scüdelow ha hanathow gen dinosâwrys warnodhans, ha hattys ewedh. E veu caletter gen scrifa compòster (an baners a veu gwres en China!). E veu caletter gans an desen (an afînansow a wrüg anowy!). An flehes a dhabras re a shuger ha nena pònya ha lebmel dh'y lesky (na wrüg anjei anowy).

This day was very busy and full of laughter. We prepared a lot of food. The little boy had a birthday party today. So, several children came for games and to eat festive food. There were decorations, a table cloth, plate and beakers with dinosaurs on them, and hats too. There was a problem with the spelling (the flags were made in China!). There was a problem with the cake (the decorations ignited!). The children ate too much sugar then ran and jumped to burn it off (they did not ignite).

Nebes geryow rag hedhyw. Some words for today.

afînans (m) decoration

anowy to ignite (SWFM enowy)

a'n degol festive

baner (m) flag, banner

fittya boos to prepare food, cook

hanath (m) mug, beaker

kefewy (m) party

lesky to burn

lien boos (m) table cloth

scüdel (f) plate, dish

wharth (m) laughter

2022 Day 113

2022 Dedh Cans ha Terdhek

De Sadorn, tryja warn ügens mis Ebrel
Saturday, 23rd April

Pandr'üjy flehes ow kil e'n degolyow? Da ew gans ow flehes wydn crambla war an vos lowarth. Nag üjy anjei cawas own a godha, tabm veth. Da ew ganjans whilas bestes bian, bulhornes en arbednek. Ew hebma milva bulhornes po bargen tir bulhornes? Ma hanow dhe geniver bulhorn. Ma carrygy, prei, predn ha losow. A wra an bulhornes dürya?

What do children do in the holidays? My grandchildren like climbing on the garden wall. They are not afraid of falling, not at all. They like looking for little animals, especially snails. Is this a snail zoo or a snail farm? Every snail has a name. There are rocks, mud, wood and plants. Will the snails last?

2022 Day 112

2022 Dedh Cans ha Dewdhek

De Gwener, nessa warn ügens mis Ebrel
Friday, 22nd April

Dedh Norves lowen. Res ew dhen onora an eyl y gila ha gwitha agan Mabm Norves. Fatel ellen nei gwitha an Norves dhort agan hònan? Nei ell lehe, ûsya arta, dasûsya ha naha. Fatel lehe? Martesen, na wrewgh vajya mar bell po mar venowgh. Fatel ûsya arta? Martesen, gwrewgh degy agas côta coth arta nessa bledhen. Fatel dasûsya? Martesen, gwil kistednow nowydh dhort kistednow coth. Fatel naha? Gwrewgh sevel ort ûsya oyl ha glow - gwrewgh aga gara e'n dor. Ma meur dhe witha.

Happy Earth day. We must respect one another and protect our Mother Earth. How can we protect the Earth from ourselves? We can reduce, reuse, recycle and refuse. How to reduce? Perhaps, do not travel so far or so often. How to reuse? Perhaps, wear your old coat again next year. How to recycle? Perhaps, make new boxes from old boxes. How to refuse? Perhaps, stop using oil and coal - leave them in the ground. There is much to protect

Nebes geryow rag hedhyw. Several words for today.

an eyl y gila one another

côta (m) coat

dasûsya to use again, reuse, recycle

degy to wear

gara to leave (SWFM gasa)

glow (collective) coal

gwitha to keep, protect

kisten (f) box, carton, etc.

lehe to lessen, reduce

menowgh often, frequent(ly)

naha to negate, deny, refuse

onora to honour, respect (SWFM enora)

oyl (m) oil

pell far

reduce

reuse

recyle

refus

2022 Day 111

2022 Dedh Cans hag Üdnek

De Yow, kensa warn ügens mis Ebrel
Thursday, 21st April

My eth bys en Truru de. Ha my ow mos e'n vorr my a welas taclow ow chânjya. Ma meur a dhiswreans ha meur a dherevyans nowydh. Gellys ew nebes treven coth, nebes shoppys, stevellow gwerth ha gwarajiow. A vedh shoppys nowydh po radnjiow? Ma derevyans e'n clojy - e vedh diberthvaow moy ha romys dyghtyans moy. En certan e vedh dhen vorr vrâs nowydh.  

I went to Truro yesterday. As I was going along the road I saw things changing. There is a lot of demolition and a lot of new construction. Several old houses, some shops, sales rooms and warehouses have gone. Will there be new shops or apartments? There's construction in the hospital - there will be more wards and more treatment rooms. Certainly, we will have a new, big road.

Nebes geryow rag hedhyw. Several words for today.

clojy (m) hospital

derevyans (m) construction

diswreans (m) demolition (unmaking) 

< dis + gwreans making, creation

dyghtyans (m) procedure, treatment, therapy 

gwarajiow warehouses < gwarajy (m)

radnjiow apartments, flats < radnjy (m)

stevellow gwerth sales rooms, showrooms 

< stevel werth (f)

2022 Day 110

2022 Dedh Cans ha Deg

De Merher, ügensves mis Ebrel

Wednesday, 20th April

E veu kerdh teg dhe'n savla kyttrin e'n dohajedh. Leun ew an keow a gednin gwels ha bleujow a'n gog. Gwag o an vorr. Nag o gwag an dre. Leun ew hei a havyjy (saw nag ew hav!). Syger o an kyttrin war an venedh, en lost kerry. Rag fra? E veu diwroser a-rag. War an diwedh, my a glôwas orth areth gen artist pur dhe les en Truru.

It was a beautiful walk to the bus stop in the afternoon. The hedgerows are full of wild garlic and bluebells. The road was empty. The village was not empty. It's full of summer visitors (although it is not summer!) The bus was slow on the hill, in a tail back. Why? There was a cyclist in front. In the end I listened to a lecture by a very interesting artist in Truro.