2021 Dedh
Cans Pajar Ügens ha Seytek
De Gwener, whetegves mis Gorefen
Friday, 16th
July
En hav,
ma'n howl ow sedha pur holergh e'n jedh. Hedhyw, howlsedhes a veu wòja naw er
glogh. An jedh a veu re dòbm raga vy, saw my a omglowas moy esy ter an dhew wòlow.
Thera an glouth ow tallath codha dadn droos. Na veu whans dhe'n flehes wydn mos
dh'aga gwilyow. Mir ort an loor, a
Henvam! Pur gler o an ayr ha thera an loor pur isel e'n ebòrn. Nei alja gweles
der nag ew an loor smodh. Gans an howl ow spladna dhort an west, tûa cledh, nei
alja gweles lies bothen ha lies brall. Nag ew loor leun - hedna a vedh en üdn
seythen. Ma radn an bobel ow conis has kens loor leun (ha na wòja). Nag eus has
dhebm, saw ma nebes plansow bian. Ha ma dhebm nebes tomattys (glas) ha coucòmbers
ow tevy e'n portal. A wra anjei arvesy en scon? Pur rond ew an tomattys ha
smodh - heb re a vothednow ha brallow.
In summer, the sun sets very late in the day. Today, sunset
was after nine o'clock. The day was too hot for me, but I felt more comfortable
at dusk. The dew was beginning to fall underfoot. The grandchildren didn't want
to go to bed. Look at the moon, Granny! The air was very clear and the moon was
low in the sky. We could see that the moon is not smooth. With the sun shining
from the west, to the left, we could see lots of bumps and lots of dents. It's
not a full moon - that will be in one week. Some people plant seeds before a
full moon (and not after). I don't have any seed, but I have some small plants.
And I have some (green) tomatoes and cucumbers growing in the porch. Will they ripen
soon? The tomatoes are very round and smooth - without too many bumps and
dents.
Deg ger
rag hedhyw Ten words for today
arvesy to ripen
bothen (m) bump,
hump
brall (m) dent
dadn
droos underfoot
efan clear,
evident
esy ~ es comfortable
glouth (collective) dew
omglowes to feel
ter an
dhew wòlow twilight, dusk
tûa cledh
~ tû ha cledh to the left
No comments:
Post a Comment