2026 Day 295

 2026 Dedh Dew Cans Pajar Ügens ha Pemdhek

De Yow, nessa warn ügens mis Hedra
Thursday, 22nd October

Bedhowgh parys rag an enawel. Henn ew an cussül ew res dhe nei. Nei alja kelly an tredan en termyn nos, pecar'a e'n diwettha enawel. Pandr'eus othom dhen? Rag gòlow ma othom dhen lugern gen batrys. Ma dhen cantolyow ewedh gen tanbrednyer dh'aga anowy. Na vedn an tòbmheans cres kerdhes heb power ha nag eus whans dhen ûsya an vorn bredn. Ma diw vorn gampya gen gass e'n copart. Nei ell bryjyon tekel a dhowr rag bolla' de ha bottel dowr tòbm.    

Be prepared for the storm. That is the advice we are given. We could lose the electricity in the night, like in the last storm. What do we need? For light, we need lamps with batteries. We also have candles with matches to light them. The central heating will not work without power and we do not want to use the woodburner. There are two camping gas stoves in the cupboard. We can boil a kettle of water for a cup of tea and a hot water bottle.

2026 Day 294

2026 Dedh Dew Cans Pajar Ügens ha Peswardhek

De Merher, kensa warn ügens mis Hedra
Wednesday, 21st October

Gwenjek ew hei hedhyw, pur wenjek. Gwens a-dhia an west ew. Wotiwedh, ma'n enwedhen ow kelly hy del. Mons en pub telher, e'n laundrys ha war an to gweder. Ma'n gwedh bythwer ha'n colwedh ow qwaya e'n gwens, bes nag üjens ow kelly aga del whath. En scon e vedh gwens creffa. Ma gwarnyans amber rag Kernow. Ma Enawel Austen ow tos de Gwener.

It's windy today, very windy. It's a westerly wind. At last, the ash tree is losing its leaves. They are everywhere, in the launders (gutters) and on the glass roof. The evergreen trees and hazels are swaying in the wind, but they are not losing their leaves yet. Soon there will be a stronger wind. There is an amber warning for Cornwall. Storm Austen is coming on Friday.

2026 Day 293

2026 Dedh Dew Cans Pajar Ügens ha Terdhek

 De Meurth, ügensves mis Hedra
Tuesday, 20th October

Otta an loor. Nag ew hei leun. Thew an kensa qwarter. Nag üjy hei ûhel e'n ebòrn. Rag fra üjy hei mar isel e'n ebòrn? Nag era vy owth ònderstondya an loor! Üjy hei ow sedha po derevel? Ma hei emesk an cloudys adhelher dhe'n gwedh.

Here's the moon. It's not full. It's the first quarter. It is not high in the sky. Why is it so low in the sky? I do not understand the moon! Is it setting or rising? It's among the clouds behind the trees.

2026 Day 292

2026 Dedh Dew Cans Pajar Ügens ha Dewdhek

De Lün, nawnjegves mis Hedra
Monday, 19th October

Lavar coth: Cabmdhavas e'n mettin, glaw bos etten. My a welas cabmdhavas e'n noor-west ha'n howl ow terevel e'n sooth-est. E'n gwelha pres, nag eus whans dhebm mos dhe'n mor ha nag eus othom dhebm a whesa e'n gwelyow. Lavar coth: Neb na ell dismygya a res whesa. E'n gwelha pres my ell ûsya ow fydnyon, keherow vy nag ew pur dha. Lavar coth: Ebòrn rüdh e'n mettin, gwarnyans bügoledh . 

Proverb: Rainbow in the morning, rain be in it. I saw a rainbow in the north-west, as the sun was rising in the south-east. Fortunately, I don't want to go to sea and I don't need to work (sweat) in the fields. Proverb: Who can't schemey must lowster. (If you can't work with your brain you have to toil with your hands.) Luckily, I can use my brain, my muscles are not very good. Proverb: Red sky in the morning, shepherds' warning.

2026 Day 291

2026 Dedh Dew Cans Pajar Ügens ha Üdnek

De Sül, etegves mis Hedra
Sunday, 18th October

An gòlow en Kernow ew brentin. Meurgerys ew gen lymners ha liwyoryon. Gòlow e'n mettin ha gòlow e'n dohajedh ew deffrans. Da ew genam gweles gwedhen gen gòlow a-dhelher dhedhy. Gòlowys ew an delkyow. Ma whans dhebm a liwya.

The light in Cornwall is brilliant. It is popular with painters and colourists. Light in the morning and light in the afternoon is different. I like to see a tree with light behind it. The leaves are illuminated. I want to paint.

2026 Day 290

2026 Dedh Dew Cans Deg ha Pajar Ügens

De Sadorn, seytegves mis Hedra

Saturday, 17th October

Res ew dhebm perthy cov a lies pednbloodh e'n teylû. E'n mis ma, üdn vergh wydn a vedh pemdhek bloodh ha mergh wydn aral a vedh seyth bloodh warn ügens. E'n nessa mis, üdn mab wydn a vedh terdhek bloodh hag üdn hôr wheg a vedh deg bloodh ha trei ügens. A vedh hedna an diwedh ken Nadelik? Na vedh! Ow mergh a vedh hanter cans bloodh ha'n gourty a vedh dew vloodh warn ügens. Na dal vy nakevy cowethes coth naneyl. My a dal perna po liwya nebes cartednow rag danvon.

I have to remember a lot of birthdays in the family. In this month, one granddaughter will be fifteen years old and another granddaughter will be twenty-seven years old. In the next month, one grandson will be thirteen years old and one sister-in-law will be seventy years old. Will that be the end before Christmas? No! My daughter will be fifty years old and the man of the house will be eighty-two years old. I should not forget an old friend either. I should buy or paint some cards to send.

2026 Day 289

2026 Dedh Dew Cans Pajar Ügens ha Naw

De Gwener, whetegves mis Hedra
Friday, 16th October

Gellys ew Kehesnos ha ma Mantol ow tos. Ma'n tewlder ow tos! Nag o an gwav sêson meurgerys gen an düs Kernow en termyn eus passyes. Gwrew mires orth henwyn an misyow - Mis Dû ha Mis Kevardhû. Ma henwyn teleryow neb ew tewal ewedh - Trethew, Cardew, Baldhu rag samplow. En gwelha pres, thera degòlyow rag drei lôwender. Ha whath mons ow rei plesour dhe nei.

The Equinox has gone and the Winter Solstice is coming. The darkness is coming! Winter was not a popular season with the people of Cornwall in the past. Look at the names of the months -  Black Month (November) and Month of Black Weather (December). There are place names that are gloomy too - Dark Farm, Dark Fort, Dark Mine-workings for examples. Fortunately, there were festivals for bringing joy. And they still give pleasure to us.

2026 Day 288

2026 Dedh Dew Cans Pajar Ügens hag Eth

De Yow, pemdhegves mis Hedra

Thursday, 15th October

De, my a welas bush brâs a vog, cloudys gwydn dadn an gwedh. Hedhyw, theram ow mires orth an eborn. Da ew genam howldrevel gen cloudys bian. Nag ew an eborn cüdhys gen cloud, nag ewa re gomolek, nag ewa gorherys. Ma'n howl en dadn an cloudys ha thens golòwys adhadnans. Derevys ew bondys a gloud isel dhort an soothwest. Moy ûhel, dres an cloudys na, my ell gweles ol ayrplayn, ha ev ow neyja tûa'n sooth. Whethys ew an eth tua'n west gen gwens ûhel e'n ayrgelgh.

Yesterday, I saw a cloud of smoke, white clouds under the trees. Today, I am looking at the sky. I like sunrise with little clouds. The sky is not hidden by cloud, it isn't too cloudy, it isn't overcast. The sun is underneath the clouds and they are lit up from below them. Bands of low cloud have come from the south west. Higher up, beyond those clouds, I can see a vapour trail of a aeroplane, flying towards the south. The vapour is being blown towards the west by a wind high in the atmosphere.

2026 Day 287

2026 Dedh Dew Cans Pajar Ügens ha Seyth

De Merher, pajardegves mis Hedra
Wednesday, 14th October

Nag ew hebma tan gwyls! Nag ew. Re leb ew oll an glasneth dhe lesky. Ma tanjys en nessa lowarth. Nag üjy va ow lesky pur dha. Ma'n lowarther ow saya dhe lesky bern a whynas ha barrednow trehys dhort an gwedh (rag gwitha an tredan). Nag eus lies delen marow. Ma greun rüdh war spernen wydn, saw an del e'n gwedh ew whath glas. Na ellama gweles flamm veth. Ma bush brâs a vog gwydn drefen bos an predn re leb. Na wra an tan lesa pecar'a tan gwyls. Na wra va lebmel an ke dhe 'gan gwels.

This is not wildfire! No. All the vegetation is too wet to burn. There is a bonfire in the next garden. It is not burning very well. The gardener is trying to burn a heap of weeds and branches cut from the trees (to protect the electricity). There are not a lot of dead leaves. There are red berries on the hawthorn, but the leaves in the trees are still green. I can't see any flame at all. There is a cloud of white smoke because the wood is too wet. The fire will not spread like wild fire. It won't jump the hedge to our grass.

2026 Day 286

2026 Dedh Dew Cans Pajar Ügens ha Whegh

De Meurth, terdhegves mis Hedra
Tuesday, 13th October

Dohajedh spladn o ha my ow mos dhe'n chei medhek reb an treth. My a gerdhas radn an vorr, bes rag an radn aral my a ûsyas cador-ros. Ow gour a herdhyas! My a gemeras marth dhe weles mar lies person e'n dre ha war an treth. An brâssa radn anodhans, theram ow pedery, o tüs omdednys. Ma'n flehes en schol. Terweythyow en gwav ma moy gòlanes avel tüs. Nag o pubonan coth. Nei a welas nebonan ow saya gwil keytsurf. Bes nag o an mordarth pur dha - nebes strolek o. Ha nag o an gwens pur grev.

It was a splendid afternoon as I  went to the doctor's surgery by the beach. I walked part of the way, but for the other part I used a wheelchair. My husband shoved! I was surprised to see so many people in the village and on the beach. The majority of them, I think, were retired people. The children are in school. Sometimes in winter there are more gulls than people. Not everyone was old. We saw someone trying to do kitesurfing. But the surf wasn't very good - it was a bit messy. And the wind wasn't very strong.

2026 Day 285

2026 Dedh Dew Cans Pajar Ügens ha Pemp

De Lün. dewdhegves mis Hedra
Monday, 12th October

My a viras ort lies blogg coth rag an mis ma en bledhednyow tremenys. Pandra wrüga vy scrifa? My a scrifas adro dhe Gernow ha'm chei ha lowarth. My a scrifas descansow gramatek hir. My a scrifas nebes geryow adro dhe'm bestes. Nanj ew deg bledhen my a gomendyas Bertie, ow hath. Whath thew Bertie ow hath, e'n keth chei ha lowarth. Cottha ew ev lebmyn, ha nag üjy va ow còsca en seher na velha. Na veu va dasûsys. 

I looked at a lot of old blogs for this month in past years. What did I write? I wrote about Cornwall and my house and garden. I wrote long grammar lessons. I wrote some words about my animals. Ten years ago I introduced Bertie, my cat. Bertie is still my cat, in the same house and garden. He is older now, and he no longer sleeps in bags. He was not recycled.

2026 Day 284

2026 Dedh Dew Cans Pajar Ügens ha Pajar

De Sül, üdnegves mis Hedra
Sunday, 11th October

Ma bregh dydn genam wòja bos brehlinys bedn Covid. Saw gwell ew bos tydn avel bos tòchys gen Covid. System difresyans ow horf ew ervys lebmyn ha gwithys o vy rag Covid (ha flou). Dres lycklod my a vedh tòchys gen an annes kebmyn  avorow! 

I have a sore arm after being vaccinated against Covid. But it's better to be sore than to be infected with Covid. My body's defence system is now armed and I am protected against Covid (and flu). Probably I'll catch the common cold tomorrow! 

2026 Day 283

 2026 Dedh Dew Cans Pajar Ügens ha Trei

De Sadorn, degves mis Hedra

Saturday, 10th October

"My a vedn derevel ow lagajow tro ha'n menedhyow." Hemm ew an kensa linen Salm Cans Onan Warn Ügens. Menyng an scrifer o an menedhyow en Jerusalem, bes ma menedhyow dhe nei en Kernow. Nag era nei ow whilas gweres a-dhor an menedhyow. Thera nei ow convedhes agan le gen agan menedhyow. My a wel Carn Bre ha my a wör an dre ma ew Redrüdh. Thera vy ow qweles Ker Kif (po ew hedna Caer Dane?) ha otta vy en Peran Treth. Nei a wel Carn Breanek ha nei a wör an tû Breanek.

"I will lift up mine eyes unto the hills." That is the first line of Psalm 121. The meaning of the writer was the hills in Jerusalem, but we have hills in Cornwall. We are not seeking help from the hills. We perceive our position by our hills. I see Carn Brea (Hill Tor) and I know this town is Redruth. I see Caer Kief (Treestump Fort) (or is that one Caer Dane?) and here I am in Perranzabuloe. We see St Agnes Beacon and we know the direction of St Agnes.

2026 Day 282

2026 Dedh Dew Cans Pajar Ügens ha Dew

De Gwener, nawes mis Hedra

Friday, 9th October

Ass o loos an mettin! Thera an glaw ow whetha dhort an sooth, war agan bedn, ha nei ow kerdhes dhe'n savla buss. Na alja nei gweles agan ker; cudhys o gen glaw, pecar'a niwl po cloudys isel. Nei eth dhe Redrüdh rag brehlinansow moy - bedn Covid. Ha nei ow tos tre, thera an gwens ow whetha dhort an noor - war agan bedn arta, saw nag era glaw na velha. Garow o an mor - meur a vordarth. Hen glaw, nei alja gweles tabmow a liw e'n ke. Rüdh ha bryght - thew an re na greun kellyn ha greun an jowl. 

What a grey morning it was! The rain was blowing from the south, against us, as we were walking to the bus-stop. We couldn't see our hillfort; it was covered in rain, like fog or low clouds We went to Redruth for more vaccinations - against Covid. As we were coming home, the wind was blowing from the north - against us again, but there was no longer any rain. The sea was rough - a lot of surf. Without rain, we could see bits of colour in the hedge. Red and shiny - those are berries of holly and bryony.

2026 Day 281

2026 Dedh Dew Cans Pajar Ügens ha Wonan

De Yow, ethves mis Hedra
Thursday, 8th October

Pub dedh, thew termyn a'n nos hirra ha termyn a'n jedh còtta. En scon, nei a wra treylya an clockys; üdn eur moy a-varr. Etho, diw eur mettin a vedh üdn eur mettin. E vedh üdn our moy dhe nei e'n gwily. E vedh gòlow moy e'n mettin rag mos dhe'n scol, mos dhe'n sodhva, hag erel. Bès e vedh dohajedh còtta, ha res vedh dhen mos dhe'n gwely moy a-varr. A vedh hedna esy? A wra an keun convedhes? Whath anjei a wra divüna re a-varr. 

Every day, the night time is longer and the daytime shorter. Soon, we will change the clocks; one hour earlier. So, 2a.m. will be 1a.m. We will have an extra hour in bed. There will be more light in the morning for going to school, going to the office, etc. But there will be a shorter afternoon, and we'll have to go to bed earlier. Will that be easy? Will the dogs understand? They will still wake up too early.

2026 Day 280

2026 Dedh Dew Cans ha Pajar Ügens

De Merher, seythves mis Hedra
Wednesday, 7th October

Hedhyw ma gwens crev. Gwens segh dhort an est ew, ha yeyn lowr. Ma'n lednow ow seha war an linen en termyn cott. Kidnyadh ew, saw nag eus lies delen marow whath, ha nag üjy an del ow codha dhort an gwedh. Ma bohes delen ow treylya liw, saw thens minorita. Mons ow cortos an rew.

Today there is a strong wind. It is a dry wind from the east, and quite cold. The washing dries on the line in a short time. It is autumn, but there are not many dead leaves yet, and the leaves are not falling from the trees. A few leaves are turning colour, but they are a minority. They are waiting for the frost.

2026 Day 279

2026 Dedh Dew Cans Trei Ügens ha Nawnjek

De Meurth, wheffes mis Hedra
Tuesday, 6th October

Trosüs o an keun en mettin ma. Rag fra? Pandr'o a droos? Pandr'o an jynn na e'n vôwnder? My a viras der an veister. Thera tüs whel. Onan anodhans a veu ûhel war an wern telegraff coth. Res o dhe'n kei gòrtos e'n chei. Na res keun harha ort tüs whel. War an diwedh gellys ens ha'n keun alja mos e'n lowarth. Pandr'ew an box ma war an wern telegraff? Na wrüga vy besca gweles hebma kens lebmyn. Thew rag telecomûnicacyons, theram ow pedery. Nag eus fônys gen neujednow na velha. Puptra ew gen gwiasva po todnow ayr. 

The dogs were noisy this morning? Why? What was happening? What was that machine in the lane? I looked through the window. There were workmen. One of them was high on the old telegraph pole. The dogs had to stay in the house. Dogs must not bark at workmen. In the end they were gone and the dogs could go in the garden. What is this box on the telegraph pole. I have never seen this before now. It is for telecommunications. There are no longer phones with wires. Everything is by internet or airwaves.

2026 Day 278

2026 Dedh Dew Cans Trei Ügens hag Etek

De Lün, pempes mis Hedra
Monday, 5th October

Ma drog branja warnam, ha drog scovarn ewedh. Rag fra? Eus annes warnam? Nebes creg o vy, ha terweythyow theram ow striwy ha pâsa. E'n seythen tremenys my a vetyas lies person en pemp kyttrin, en dew garr, en hel, e'n chei medhek, en dew jei. Piwa veu tòchys gen annes? Ow diwvregh ew tydn. My a veu brehlinys de Sadorn bedn an flou (en bregh). Martesen hemm ew an caws. Skith o vy ewedh. Martesen my alja còsca avorow, oll an jedh!

I have a sore throat, and earache, too. Why? Have I caught a cold? I'm a bit hoarse, and sometimes I sneeze and cough. In the past week I met a lot of people on five buses, in two cars, in a hall, in the doctor's surgery, in two houses. Who was suffering from a cold? My arms are sore. I was vaccinated on Saturday, againt flu (in an arm). Perhaps that is the cause. I am tired as well. Perhaps I could sleep tomorrow, all day!

2026 Day 277

2026 Dedh Dew Cans Trei Ügens ha Seytek

De Sül, pajwora mis Hedra
Sunday, 4th October

Gwaya ew da gen flehes ha keun. Nag ew da ganjans bos cosel. Da ew gen keun chasya pel. Da ew gen flehes mantolly ha lesca. Na ell keun gwil hebma. Da ew gen flehes rolya ha lebmel ha daslebmel war an trampolin. Ma'n keun ma ow mires orth an flehes bès na vedn anjei daslebmel. Nag ew keun cübmyes war an trampolin ma. Voyd alebma kei dû bian!

Children and dogs like moving. They don't like being quiet. Dogs like chasing a ball. Children like balancing and swinging. Dogs cannot do this. Children like rolling and jumping and bouncing on the trampoline. These dogs are watching the children but they will not bounce. Dogs are not allowed on this trampoline. Go away little black dog!   

2026 Day 276

2026 Dedh Dew Cans Trei Ügens ha Whetek

De Sadorn, tryja mis Hedra

Saturday, 3rd October

Pandr'ew a droos hedhyw? Na venjama bos tòchys gen an flou e'n gwav. An termyn na ew arta rag brehlinansow ort chei yehes reb an treth teg. An pigans ew pur üskis. Ma termyn lowr dhe dhebry dehen rew ha mires orth an mor. 

What is happening today? I wouldn't like to be suffering from flu in the winter. It is that time again for vaccinations at the health centre by the lovely beach. The injection is very quick. There is enough time to eat an ice cream and look at the sea. 

Gerva

brehlinansow vaccinations < bregh arm + lin liquid, fluid

chei yehes (m) health centre

Pandr'ew a droos? literally What is afoot?

pigans (m) injection < vb. piga

tòchys gen an flou suffering from flu

2026 Day 275

2026 Dedh Dew Cans Trei Ügens ha Pemdhek

De Gwener, nessa mis Hedra

Friday, 2nd October

Terweythyow e'n mettin a-varr, ha'n howl ow terevel, ma gòlow owryek e'n eborn, ha ma mir gorowrys dhe'n menedhyow ha'n gwedh. Ma othom dhebm a gamera gwell! Gorowrys ew eglos Peran ewedh. Ûhel e'n eborn, a-ûgh an eglos, ma loor arhans. Nag eus gòlow owryek e'n noor, ha nag ew an mor gorowrys naneyl. Gwadn ew an liw boregweth. Ma liw creffa e'n dohajedh.

 

Sometimes in the early morning, as the sun is rising, there is a golden glow in the sky, and the hills and trees look gilded. I need a better camera! St Piran's church is also gilded. High in the sky, above the church, there is a silver moon. There is no golden glow in the north, and neither is the sea gilded. The colour is weak in the early morning. There is stronger colour in the afternoon.

Gerva Vocabulary 

a-ûgh above

ûhel high

arhans (m) silver

owryek golden < owr (m) gold

gorowrys gilded

gòlow (m) glow, light

Peran St Piran (Sen/Sent is not used with Cornish/Celtic saints' names)

gwadn weak

creffa stronger < crev strong

boregweth in the early morning