2026 Day 172

2026 Dedh Cans Trei Ügens ha Dewdhek

De Sül, kensa warn ügens mis Efen
Sunday, 21st June

Golowan lowen dhewgh! An howlsavla ew. An jedh hedhyw ew a hirra ha'n nos an cotha. En Pensans ma gool Golowan (gool Sent Jowan) dhe verkya cres an hav. Ma meur a vûsek ha donsya rag nebes dedhyow. Ma tüs tòllwiskys ewedh. Ha ma solempnita e'n cres an hav rag Gorsedh Kernow gen baner Awen. Hedhyw anjei a veu en Carnkie.

Happy Midsummer. It's the solstice. The day today is the longest and the night the shortest. In Penzance there is a Golowan (Midsummer or the feast of St John) to mark the middle of summer. There is a loy of music and dancing for several days. There are people disguised too. And there is a ceremony in the middle of summer for the Cornwall Gorseth with the Awen banner.

2026 Day 171

2026 Dedh Cans Trei Ügens hag Üdnek

De Sadorn, ügensves mis Efen
Saturday, 20th June

Devedhys ew an diwettha dedh arwòdh an Zodiak "An Gevellyon". Avorow a vedh kensa dedh an nessa arwòdh "An Crang" po "Canker". Da ew genam tedna. En termyn eus passyes my a dowlas dewdhek desîn rag calander zodiak. Nag ew oll an spellyansow ûsys lebmyn (nag ens FSS). E'n henwhedhel, an "gevellyon" a veu mebyon - breder, bes my a dednas "gevellesow (mowesy ~ mosy)" - horydh!

The last day has arrived of the sign of the Zodiac "Gemini, The Twins". Tomorrow will be the first day of the next sign "The Crab" or "Cancer". I like drawing. In the past I planned twelve designs for a zodiac calendar. The spellings are not all used now (they're not SWF). In the legend, the "twins" were boys - brothers, but I drew "girl twins" - sisters!

2026 Day 170

2026 Dedh Cans Trei Ügens ha Deg

De Gwener, nawnjegves mis Efen
Friday, 19th June

Hav a-varr ew ha ma mellyon gwydn et agan glesin. An gwenen gwyls a'n car. Nag eus kevys genam mellyonen beder del whath, bes ma nebes scavellow cronek pur vian emesk an flourys. Nag ens ûs veth dhe wenenen. Ma avalow rüdh bian codhys dhe'n dor dadn wedhen yonk. An avalow gerys e'n wedhen a vedh brâssa ha gwell e'n kidnyadh. Saw nag ew hobma ow gwelha avalen.

It is early summer and there is white clover in our lawn. The wild bees love it. I haven't found a four-leaved clover yet, but there are some very small toadstools among the flowers. They are no use to a bee. There are little red apples fallen to the ground under a young tree. The apples left in the tree will be bigger and better in the autumn. But this is not my best apple tree.

2026 Day 169

2026 Dedh Cans Trei Ügens ha Naw

De Yow, etegves mis Efen
Thursday, 18th June

Skith (sqwith) o vy. Class Kernôwek e'n mettyn, clojy gen ow gour e'n dohajedh, Yeth an Werin Kernôwek e'n gordhûher, sewyes gen redyans a "Flehes an Henshorn".

I'm tired. A Cornish class in the morning, hospital with my husband in the afternoon, a Cornish Yeth an Werin (language of the people) in the evening, followed by a reading of "The Railway Children".

2026 Day 168

2026 Dedh Cans Trei Ügens hag Eth

De Merher, seytegves mis Efen
Wednesday, 17th June

Ma nebes geryow gen son kehaval. Anjei alja bos kemyskys, rag sampel "edhen" ha "edhyn" ha "eythin" ha "idhyowen". Ma odhom dhen a golm tavas!
There are some words with a similar sound. They could be confused, for example "edhen" (bird) and "edhyn" (birds) and "eythin" (gorse) and "idhyowen" (ivy bush). We need a tongue twister.

Ema üdn edhen e'n idhyowen ma. Eus edhyn en eythin na?
There is one bird in this ivy bush. Are there any birds in that gorse.

2026 Day 167

2026 Dedh Cans Trei Ügens ha Seyth

De Meurth, whetegves mis Efen
Tuesday, 16th June

Hedhyw, thera vy ow mires orth taclow bian e'n lowarth. Taclow brâs ew moy apert, bes my a res whilas an taclow bian. Ma frûtys an hav - sevy, ow tevy war ladn. Bohes ew arves, saw an brâssa radn ew bohes arves. Mor cala gonedhys a via brâssa. Ma enevales bian cüdhys et ow lowarth. Nag eus cog veth, bes otta trefyas an gog! Ma leslôwen dadn an scroff, ow tebry sugen an idhyow. Nag ew an bulhorn ma, war redenen (tavas a'n carow), gwithys gen scroff. Ma crogen dhodho. Eus neppeth aral e'n toll ma en gladn? Neppeth bew? Re vrâs ew an toll rag gwenenen wyls. Re vian ew rag cònin. Martesen ma knithvil vian etto.

Today, I am looking at small things in the garden. Big things are more obvious, but I must look for the small things. There are the summer fruits - wild strawberries, growing on a bank. A few are ripe, but most are unripe. Cultivated strawberries would be bigger. There are little animals hidden in my garden. There aren't any cuckoos, but here is cuckoo spit! There is a plant bug under the froth, eating the ivy's sap. This snail, on a fern (hart's tongue), is not protected by froth. It has a shell. Is there something else in this hole in a bank? Something alive? The hole is too big for a wild bee. It is too small for a rabbit. Perhaps there is a small rodent in it.

2026 Day 166

2026 Dedh Cans Trei Ügens ha Whegh

De Lün, pemdhegves mis Efen 

Monday, 15th June

Skith o vy arta, etho nag eus dhebm bes colm tavas gocky rago whei!

I'm tired again, so I've only got a silly tongue twister for you!

COLM TAVAS G

De Gwener, gever gorm a guntellas gwels

en glesin gweljek glas 

en Goon Gompes gwenjek.

Mis Genver ew gwell gen Gorownter Gregor

rag gwary golf.

Gellys ew Gonet gordhûher, 

gen hy gonhelhy ha hy gever gwydn.

Hei a gollas hy gweljow gocky.

On Friday, brown goats collected grass

in a green grassy lawn 

in windy Goon Gumpas (“level down”)

Great-Uncle Gregor prefers January 

for playing golf.

Gonet is gone in the evening, 

with her pony and her white goats.

She lost her silly scissors.

2026 Day 165

2026 Dedh Cans Trei Ügens ha Pemp

De Sül, pajardegves mis Efen
Sunday, 14th June

De, my a veu pur vesy, etho hedhyw skith o vy. Theram ow tremena dedh hebask ha cosel, heb strivya. My ell scrifa heb bos berr-anal. Martesen, my a wra scrifa lies colm tavas moy. Ma caletter dhebm gen "G", etho otta colm tavas H.

Yesterday, I was very busy, so today I am tired. I am passing a peaceful and quiet day, without exertion. I can write without being breathless. Perhaps, I'll write a lot more tongue-twisters. I have a problem with "G", so here is tongue- twister H.

COLM TAVAS H

Honn ew Hager Helga, helhores (helghores).

Hunkyn ew hy hei hir.

Ha ma Hunkyn, helgy Goon Helhy, 

ow helhy (helghy) gen Hecka an helhor,  

gwiskys en hevys, hatt ha helghwisk.

Hedhyw thew 'ga helgh rag hedh ergh,

saw nag eus bes heyjy 

war heyl en mis Hedra.

Hebask ew hal ha heyl, 

etho na wra harha, a Hunkyn!  

This is Horrible Helga, a huntress.

Humphrey is her greyhound.

And Humphrey, a Goonhilly Downs hunting

dog,

hunts with Dick the hunter,

clad in a shirt, hat and hunting gear.

Today their hunt is for reindeer,

though there are only ducks 

on the estuary in October.

Boggy moor and estuary are peaceful, 

so don't bark, Humphrey! 

 

2026 Day 164

2026 Dedh Cans Trei Ügens ha Pajar

De Sadorn, terdhegves mis Efen

Saturday, 13th June

Hedhyw my eth mes! "Farwell" dhe als noor, mordarth ha keryow, ha "Dedh da" dhe als sooth, aber ha scathow! En kensa my eth dhe Ewny Redrudh, ha wòja hedna dhe Aberfala ha Penrynn. Pur vesy o pub tre, gen Dedh Murdoch ha Gool Canow Marner. Thera jynnys eth en Redrudh ha morladron en pub le.

I went out today! "Farewell" to north coast, surf and hillforts, and "Hello" to south coast, estuary and boats! First I went to Redruth, and after that to Falmouth and Penryn. Every town was very busy, with Murdoch Day and a Sea Shanty Festival. There were steam engines in Redruth and pirates everywhere.

2026 Day 163

2026 Dedh Cans Trei Ügens ha Trei

De Gwener, dewdhegves mis Efen

Friday, 12th June

COLM TAVAS F

An flehes für a fias dhe’n fo 

en forest faw famos

gen fav Frenk ha frûtys 

en frayl. Na fors!

Ficher feryek a forsakyas y flogh 

ha fistena e'n ferla 

gen fardel a füg-flourys 

ha funen fin. 

Tongue Twister F

The wise children ran away

in a famous beech forest

with French beans and fruits

in a shopping bag. No matter!

An inquisitive ferret left his child

and hurried into the fairground

with a parcel of artificial flowers

and a fine ribbon.

2026 Day 162

2026 Dedh Cans Trei Ügens ha Dew

De Yow, üdnegves mis Efen
Thursday, 11th June

COLM TAVAS E

Euthvil efarnek 

era e’n eglos Sent Eler.

Eskerens eglosyow ew euthviles.

Thera elergh, edhen engrys, ena ewedh.

Eskerens euthviles ew elerhy.

El Ebbet, 

eseles eledh an ebòrn nev,

ha Effrem, Epscop Caresk, 

eth en Sent Eler ewedh,

dhe dowla an euthvil efarnek mes a'n eglos

ha dh'y exilya en Efarn arta.

Nena an el eth tre dhe'n ebòrn,

an epscop eth kerdh dhe beneglos Caresk

ha’n elergh eth dhe Elerhy.

A hellish monster 

was in the church in St Hilary.

Monsters are enemies of churches.

There was a swan, an angry bird, there too.

Swans are enemies of monsters.

Angel Elizabeth, 

a member of the angels of the firmament,

and Ephraim, Bishop of Exeter,

went to St Hilary as well,

to cast the hellish monster out of the church

and to exile it in Hell again.

Then the angel went back to the sky,

the bishop went away to Exeter Cathedral

and the swan went to Veryan.