Saturday 13 March 2021

2021 Day 72

 2021 Dedh Trei Ügens ha Dewdhek


De Sadorn, terdhegves mis Meurth

Saturday, 13th March









Nag eus kerdh dhen hedhyw. Nag eus termyn luck. E'n mettin, e veu cuntellyans Zoom dhe vy gans ow howetha scrifa. Tamsin a redyas whedhel adro dhe gurry kig gaver. Ha ma rugby war an TV rag ow gour en dohajedh-ma. Pelha avel hedna, na ew teg lowr an gewer - keser a wra. Nebes teg ew an keserednow war an to gweder, pecar'a las. My ell gweles flourys a-dhelher dhodhans, nebes gweskys gans an enawel. Treylyes brons ew an camellia kigliw, bes ma brially moy ow tos.  Bettegens, lowen oma gans ow flourys a-jei. Mirowgh ort liw spladn an azalea bian. An lôwen lowarth a vedn bos dadn y bott. Gen meur esperans, an mellyon eval gwelys genam de a vedh da lowr.



We're not having a walk today. There's not enough time. In the morning, I had a Zoom meeting with my writing friends. Tamsin read a story about goat curry! And there is rugby on the TV for my husband this afternoon. Additionally, the weather is not nice enough - there's hail. The hailstones are quite pretty on the glass roof, like lace. I can see flowers behind them, somewhat battered by the storm. The pink camellia has turned bronze, but there are more primroses coming. However, I am happy with my flowers indoors. Look at the bright colour of the little azalea. The woodlouse wants to be under its pot. Hopefully, the modest violets I saw yesterday will be O.K.  








Deg ger rag hedhyw: Ten words for today

brons bronze ("brown" is a difficult colour to translate!)

cowetha friends

eval modest

gen meur esperans hopefully

gweskel to batter, beat, strike, etc.

hegar amiable, obliging

kig gaver (m) goat meat

lôwen lowarth (f) woodlouse

luck enough (you can also use lowr)

nebes quite, somewhat,

pelha avel hedna additionally











No comments:

Post a Comment