Saturday 6 March 2021

2021 Day 65

2021 Dedh Trei Ügens ha Pemp 


De Sadorn, wheffes mis Meurth

Saturday, 6th March












Ma nebes treylyansow ow wharvos en hanter cans bledhen, hanter cansbledhen. An fôtô ma a veu kemerys en mil naw cans trei ügens hag üdnek. Nei ell gweles an chymbla bal coth. Lebmyn thew ev cüdhys gen idhyow ha na ellen nei scant y weles. Ma lies gwedh ow mellya gen agan gwel. Brâssa ens lebmyn. Na ellen nei sevel reb an gover ha gweles an bal. Thew an gover en gwerdhowr composys ewedh. Da ew genam fôtôs coth - hebma ew peth agan kentrevoges. Hei a ell perthy co an termyn pa wrüg pons an vorr gleder diswres - e'n bledhednyow trei ügens.  Lebmyn nei ell gweles bes üdn radn bian anodho en lowarth. My a ell gweles agan chei (ke nag o va chei e'n dedhyow na)!









Several changes happen in fifty years, half a century. This photo was taken in 1971. We can see the old mine's chimney. Now it is covered with ivy and we can hardly see it. There are many trees interfering with our view. They are bigger now. We cannot stand by the stream and see the mine. The stream is in a neatened channel as well. I like old photos - this one belongs to our neighbour. She can remember the time the railway bridge was demolished - in the sixties. Now we can just see one small part of it in a garden. I can see our house (though it wasn't a house in those days)!








Deg ger rag hedhyw: Ten words for today

an bledhednyow trei ügens the sixties

brâssa bigger

composa to neaten

diswil to demolish, unmake > (verbal adjective) diswres

gwerdhowr (m) water channel

ke ~ ken although 

mellya gen to interfere with

peth thing, possession

treylyans (m) change

wharvos to happen, occur




 

No comments:

Post a Comment