2024 Dedh Trei Hans Dogens ha Whegh 
De Meurth, üdnegves mis Kevardhû
Wednesday, 11th December
An wedhen ma, ha pecar gwedh en ogas, ew coth. Planjys veu anjei e'n oos an Vetêrnes Vyctoria, theram ow pedery. Da o plansow nowydh dhe'n düs en termyn na, gwedh bras dres ehen. Breder Lobb dhort Kernow eth dhe lies pow rag cuntel has ha samplow. Meurgerys o an gwedh bian nowydh en Kernow, bes lebmyn thens brâs ha coth. Radn anodhans ew diantel; mons ow codha dhe'n dor po kelly branchys. Terweythyow anjei a vedh trehys ken codha. Ma'n wedhen ma ow tisqwedhes creyth. Mars ew cawres (jeantes) an wedhen na, corr po tarosvan ew an kewny ma. Whethys dhort gwedhen, ev a diras war ow glesin. Hanter fòng (fungus) ha hanter alge, nag üjy an lîken ma ow tevy bes en teleryow gen ayr pur.
This tree, and similar trees nearby, is old. They were planted in the Victorian era, I think. People at that time liked new plants, especially big trees. Lobb brothers from Cornwall went to many countries to collect seeds and samples. The new little trees were popular in Cornwall but now they are big and old. Some of them are dangerous; they fall down or lose branches. Sometimes they will be cut before falling. This tree shows scars. If that tree is a giantess, this little plant is a dwarf or a ghost. Blown off of a tree, it landed on my lawn. Half fungus and half alga, this lichen only grows in places with pure air.
Deg ger rag hedhyw Ten words for today
cawres (f) giantess (archaic) (can use jeantes)
corr (m) dwarf
creyth (coll.) scars
diantel dangerous
fòng (m/coll.) fungus (fr. Welsh fwng)(scientific)
glesin (m) lawn
kewny (coll.) small, non-flowering plants, including mosses, lichens, algae, fungi, etc.
lîken (m/coll.) lichen (scientific)
tarosvan (m) ghost, spectre
tira to land (t>d)
No comments:
Post a Comment