2021 Day 340

2021 Dedh Trei Hans ha Dew Ügens

 

De Lün, wheffes mis Kevardhû

Monday, 6th December

Degol Sen Nicholas lôwen dhewgh. Ev ew sans tasek flehes ha marners. Epscop Myra, trigys veu va en Turky e'n pajwora cansbledhen, ha merwel war an jedh ma. Y eskern a veu ledrys môy diwedhes gen marners dhort Italy. En dewdhek cans po nebes y greryow a veu degys dhe Wordhen gen marrogyon dhort bresel an grows. En corlan Kilkenny còsel ma lehen vedh gravys ow tisqwedhes an sans ha dew varrak. Pandr'ew an whedhel? Ma dhe dhen bohojek teyr mergh ha heb mòna veu va rag enepwerth. Na alja an mosy demedhy heb mòna. An epscop a dowlas pors a vòna e'n chymbla. An mòna a godhas en loder ow seha reb an tan. Royow anhanow o pederys dhe vos dhort Nicholas. Ma nebes flehes ow fanja royow hedhyw. Mons ow cara aga skichow reb an daras po chymbla. Ma va ynspiracyon rag Santa Claus po Sinterklaas e'n Iseldiryow.

Happy St Nicholas Day to you. He is patron saint of children and sailors. Bishop of Myra, he lived in 4th century Turkey, and died on this day. His bones were later stolen by Italian sailors. In about 1200 his remains were taken to Ireland by crusader knights. In a quiet Kilkenny graveyard, there is a carved grave slab showing the saint and two knights. What is the story? A poor man had three daughters and he was without money for a dowry. The girls could not marry without money. The bishop threw a purse of money in the chimney. The money fell into a stocking drying by the fire. Anonymous gifts were thought to be from Nicholas. Some children receive gifts today. They leave their shoes by the door or chimney. He is the inspiration for Santa Claus or Sinterklaas in the Netherlands.

Deg ger rag hedhyw Ten words for today

anhanow anonymous

bohojek poor

bresel an grows (m) crusade

creryow relics

enepwerth (m) dowry

lehen (f) slab

loder (m) stocking

pors (m) purse

sans tasek (m) patron saint

skichow shoes < eskis (f) (SWFM eskisyow)

whedhel (m) story, tale