2021 Day 293

 2021 Dedh Dew Cans Pajar Ügens ha Terdhek

 

De Merher, ügensves mis Hedra

Wednesday, 20th October

Ma meur a glapp hedhyw e'n jedh adro dhe nerth. Fatel alja nei tòbmhe agan treven? Nag eus gass en radn brâs a Gernow. Ma dhen vorn dòbma oyl rag dowr tòbm ha radiadors ha vorn electrek rag boos. Martesen nei a dal cawas system tòbmheans cres venten-ayr po venten-dor. Ma plomp tòmder gen keschânjyer tòmder. Ma dhen lowarth brâs lowr rag pibow hir. Nag ewa yeyn en dadn an dor. Ma dhe radn an bobel panellow rag ûsya nerth dhort an howl war an to po e'n lowarth. Ha ma gwens lowr en Kernow dhe dhrei mes tredan.

There's a lot of chatter nowadays about energy. How could we heat our houses? There's no gas in a large part of Cornwall. We have an oil boiler for hot water and radiators and an electric cooker for food. Perhaps we should get an air-source or ground-source central heating system. There is a heat pump with a heat exchanger. We have a big enough garden for long pipes. It is not cold under the ground. Some people have panels to use energy from the sun, on the roof or in the garden. And there is plenty of wind in Cornwall to generate electricity.

Deg ger rag hedhyw Ten words for today

clapp (m) chatter, chit-chat

gass (m) gas

keschânjyer (m) exchanger

pib (f) pipe

plomp (m) pump

tòbmhe to heat < tòbm hot

tòbmheans cres (m) central heating

treven houses, buildings < chei (m) (unexpected plural)

venten ~ fenton (f) source

vorn ~ forn dòbma (f) boiler