2021 Dedh Cans Dogens ha Trei
De Sül, tryja warn ügens mis Me
Sunday,23rd May
Ass ew
deffrans gwres gen üdn jedh! Pana lies vordh eus dhe scrifa war vater a law? Hedhyw
thew an awel gleb, yeyn ha miserabyl. Thew 'gan keryn dhowr gorlenwys ha ma hei
ow fedna. Na ell an maw bian mos mes ha sqwithys ew ev. De, tho agan lowarth
tòbm lowr ha howlek. Thera dhen omweloryon - y vodrep hag ownter yonk ha nebes
cosins. Didhanüs luk o ragt'anjei oll, ow pònya adro pecar'a müscogyon. Anjei a ûsyas meur a nerth. An maw bian a wrüg
"gweres" dh'y Hengok e'n lowarth ewedh - riddya pednow marow dhort prysken!
What a
difference a day makes! How many ways are there to write on the subject of
rain? Today the weather is wet, cold and miserable. Our water butt is
overfilled and it is overflowing. The little boy can't go outside and he is
bored. Yesterday, our garden was quite warm and sunny. We had visitors - his
young aunt and uncle and some cousins. It was plenty of fun for them all,
running around like lunatics. They used a lot of energy. The little boy
"helped" his Great-grandad in the garden as well - removing dead
heads from a bush!
Deg ger rag hedhyw: Ten
words for today
cosin (m/f) cousin
fedna ~
vedna to overflow
gorlenwys over-filled
gweres
dhe to help
hengok (m) great-grandfather
keryn (f) butt,
tub, vat, barrel, etc.
mes out,
outside, out of doors
müscogyon
lunatics <
müscok (m)
nerth (m) energy
omweler (m) ~ omwelores
(f) visitor < gweles to see
ragt'anjei
~ ragtans for them
sqwithys bored
No comments:
Post a Comment