2021 Day 130

2021 Dedh Cans Deg warn Ügens

De Lün, degves mis Me

Monday,10th May

My a gar plansow, gwedh ha prysk dres ehen (saw nag eus prysclowek dhebm). Da ew genam lies gwedhen, pub ehen a wedhen. Terweythyow thera vy ow conis gwedhen bian dhort hasen. Ma has bian ha has brâs.  Nag üjy an brâssa hasen ow tos puppres dhort an brâssa gwedhen, ha dhe'n contrary part. Avalow pin ew "frûtys" pinbren. Brâs ens, saw bian ew aga has. Ma hasednow noth ow tisplegya war enep scansednow po delyow üjy ow cül emann an avalow pin. Nag ew avalow pin frûtys gwir. Ma gonys genam nebes gwedh dhort has, ha lebmyn thens brâs lowr dhe dhegy aga avalow pin aga honan. Ma lies flour marow war an bagas hydrangea ma. Nag üjy anjei codha dhe'n dor en gwav, gans an del marow, saw nag eus has dhodhans. My a wrüg gonis an bagas ma gen radn trehys dhort bagas aral - barren dhe blantya. Tho an bos lilak barren dhe blantya ewedh. An bay wedhen a wrug tevy dhort hasen kellys gen edhen.

I love plants, especially trees and shrubs (though I do not have a shrubbery). I like many trees, every kind of tree. Sometimes I grow a little tree from a seed. There are little seeds and big seeds. The biggest seed doesn't always come from the biggest tree, and vice versa. Pine cones are "fruits" of a pine tree. They are big, but their seeds are small. Naked seeds develop on the surface of scales or leaves that make up the cones. Cones are not real fruits. I have grown some trees from seeds, and now they are big enough to bear their own pine cones. There are many dead flowers on this hydrangea bush. They do not fall down in the winter, with the dead leaves, but they have no seeds. I grew this bush with a piece cut from another bush - a cutting. The lilac bush was also a cutting. The bay tree grew from a seed lost by a bird.

Deg ger rag hedhyw: Ten words for today­

aval pin (m) pine cone

barren dhe blantya (f) cutting, a small branch to plant

bos lilak (m) lilac bush

dhe'n contrary part vice versa.

displegya to develop

has (collective) seeds > hasen (f) > hasednow

pinbren (m) pine tree

prysclowek (f) shrubbery

prysk shrubs > prysken (f)  

puppres ~ pub pres always

scansednow scales, flakes < scansen (f)