2021 Day 237

2021 Dedh Dew Cans Seytek warn Ügens

De Merher, pempes warn ügens mis Est

Wednesday, 25th August

Pe lies athlêt eus e'n Gwariow Paralympyk? Ma peder mil pajar cans ha trei, en dew sport warn ügens ha pemp cans darvos seytek warn ügens, dres dewdhek dedh. Ma nebes sportys rag strivoryon ha strivoresow en chayrys-ros - pel vasket, cledhya, rugby ha tennis. En cledhya, an chayrys-ros ew stag ort frammys e'n leur - na ell bes an corf ûhelha gwaya. En gorthenep, ma rugby chayr-ros ow qwaya pur üskis ha thew nerth ûhel. En termyn eus passyes gelwys ewa "pel denladh"! Pub efreg hag efreges ew deffrans. Nag eus othom dhe bub onan a chayr-ros rag aga sport. Ma pel voly ow sedha, gen roos isel.

How many athletes are there in the Paralympic Games? There are 4403, in 22 sports and 537 events, over 12 days. There are several sports for competitors in wheelchairs - basketball, fencing, rugby and tennis. In fencing, the wheelchairs are attached to frames in the floor - only the upper body can move. In contrast, wheelchair rugby moves very fast and is high energy. Once upon a time it was called "murder ball"! Every disabled man or woman is different. They do not all need a wheelchair for their sport. There is sitting volleyball, with a low net.

 

Deg ger rag hedhyw Ten words for today

chayr-ros (m) wheelchair

cledhya fencing < cledha (f) sword

corf ûhelha (m) upper body

darvos (m) event

denladh (m) murder, homicide

efreg (m) ~ efreges (f) disabled person

en gorthenep in contrast, on the contrary

gwaya to move

pel vasket (f) basketball

stag ort attached to, fixed to

strivor (m) ~ strivores (f) competitor