2020 Dedh Pajar Ügens ha Nawnjek
De Merher, ethves mis Ebrel
Wednesday, 8th April
An kensa loor leun gwenton a veu gwelys newher en America. Otta foto kemerys gen kenitherow. Na wrüga vy hy gweles de, bes e vedh whath mir leun dhedhy haneth dhe nos en Kernow. Res ew dhebm gòrtos rag hy gweles. My ell gweles Gwener saw na ellama gweles Loor. "Gor-loor" ew hei - ma Loor orth hy nessa dhe'n Norves. (Nag ew kelgh perfydh whelva an loor.) "Loor Rüdhwydn" henwys ew hei. Dadn an zodiak trovadnek thera nei e'n cres arwòdh an Horr (Hordh). Henn ew an kensa arwòdh Zodiak, owth ystyn an kensa deg degre warn ügens a hesres nevas. "Aries" creiys ew ev en Laten. Ma'n Howl ow tremena an arwòdh ma dhort ügensves mis Meurh dhe'n kensa warn ügens mis Ebrel pub bledhen, po nebes. War an diwedh, otta an loor en radn a Gernow vy.
The first full moon of spring was seen yesterday night in America. Here's a photo taken by a cousin. I did not see it yesterday, but it will still appear full tonight in Cornwall. I must wait to see it. I can see Venus but I can't see Moon. It is a "supermoon" - Moon is at its closest to the Earth. (The moon's orbit is not a perfect circle.) It is called the "Pink Moon". Under the tropical zodiac we are in the middle of the sign of the Ram. That is the first sign of the zodiac, spanning the first 30 degrees of celestial longitude. It is called "Aries" in Latin. The Sun transits this sign from about 20th March to 21st April each year. At last, here's the moon in my part of Cornwall.
Deg ger rag hedhyw: Ten words for today
haneth dhe nos tonight, this evening
kelgh (m) circle
kenitherow (f) family member, cousin, etc. (you can use cosin)
mir (m) look, appearance
(an) nessa the nearest
nevas celestial
newher last night, yesterday evening
trovadnek tropical
whelva (f) orbit, course
ystyn to extend, stretch, span
No comments:
Post a Comment