De Gwener, pemdhegves mis Me
Friday, 15th May
Fatla gen agas pedn? Pehen ew agas co? Ell agas pydnyon perthy cov a daclow bian? Erowgh whei o tesky Kernowek pur üskis po syger? Erowgh whei o leverel menowgh, "Na ellama remembra poran."? Pòrres ew rag radn an bobel dhe gawas covyon da, ha ma gwary rag scolyans pydnyon. Descrifys ewa en novel gen Rudyard Kipling, dyllys en nawnjek cans ha wonan. "Gwary Kim" henwys ew ev. Gwerik lowr ew ev rag desky geryow Kernôwek. Gwrewgh mires orth tollyer leun a daclow, nena gwrewgh y gwetha gen qweth. Ellowgh whei henwel pub tra heb aga gweles? Ma gwary aral. Üdn dra ew removys privedh, nena an qweth ew kemerys dhe ves. "Peth ew kellys?"*
How's your head? What's your memory like? Can your brain remember little things? Are you learning Cornish very quickly or slowly? Do you often say, "I can't remember exactly."? It's vital for some of the people to have good memories, and there is a game for brain training. It's described in a novel by Rudyard Kipling, published in 1901. It's called "Kim's Game". It's quite useful for learning Cornish words. Look at a tray full of objects then cover it with a cloth. Can you name everything without seeing them? There's another game. One thing is removed secretly, then the cloth is taken away. "What is missing?"
Deg ger rag hedhyw: Ten words for today
co/cov (m) memory, recollection > (plural) covyon
gwerik handy, useful, helpful
menowgh often (earlier yn fenowgh)
pedn (m) head
perthy cov to remember
poran exactly
pòrres vital, very necessary
pydnyon (m) brains
syger slow, slowly
üskis fast, quick, quickly
*Crogen ew kellys. A shell is missing.
No comments:
Post a Comment