Sunday, 24th May
Pecar'a Metêrn Arthor, nag ew marow an camera! E veu en còsca. Neb tra a veu stagys ha lebmyn delivrys ew - deglenys ew! My a'n kemeras genam rag kerdh. Tho an ayr leun a saworyow wheg - bleujyow spern gwydn, flourys scaw, ros gwyls ha gwedhros. My ell kemeres ymach saw na ellama gansenjy sawor. Soweth! Nag ew an flourys gwydnrüdh reb an mòngleudh coth aswonys genam, saw an gwenen a's car. Ma sawarn dha lowr dhe'n reden ewedh. Nag eus sawor veth dhe'n egrow Duw, saw teg ens. Ass ew lies flourys gwydn!
Like King Arthur, the camera is not dead! It was asleep. Something was stuck and now it has been freed - it has come unstuck!. I took it with me for a walk. The air was full of sweet fragrances - hawthorn blossom, elderflowers, wild roses and honeysuckle. I can take an image but I can't capture a smell. What a pity! I am not familiar with the pink flowers by the old quarry, but the bees love them. There's an OK smell to the ferns as well. The daisies have no smell, but they are pretty. What a lot of white flowers there are!
Deg ger rag hedhyw: Ten words for today
delivrys freed, released, delivered, liberated
en còsca asleep
gansenjy to capture
gwedhros (collective pl.) honeysuckle > (sing.) gwedhrosen (f)
gwenen (collective pl.) bees > (sing.) gwenenen (f)
sawor (m) scent, aroma, perfume, fragrance (you can also use sawarn (f) (and same words used for taste, flavour)
scaw (collective pl.) elder > (sing.) scawen (f)
spern gwydn (collective pl.) hawthorn > (sing.) spernen wydn (f)
stagys, stag stuck, immobile
No comments:
Post a Comment