Saturday, 16th May
Hedhyw tho an jedh nebes kemyskys. Terweythyow my a veu lowen. Na wrüg an cathes debry oll aga boos, etho my a'n towlas war an glesin. Gyllys coth o va. Na vedn anjei y dòchya arta. Ha my sevyllyek ena war an stappys my a welas chôka. Ev a gerras (gerdhas) pur ogas dhe vy, heb own et tien, rag an boos. Thera chôka aral war an chymbla. Ass ew spladn aga fednow loos. My a veu lowen. Bes e'n dohajedh nei a wrüg kerdhes e'n gwelyow. Na wrüga nei clowes an melwheses bes nei a wrüg clowes tractor. Nei a'n welas orth skîtya an gwel gen whennladh. Edhyn trûan. Pandr'a vedn skydnya war agas neythow war an dor? Nag o vy lowen.
Today the day was a bit mixed. Sometimes I was happy. The cats didn't eat all their food, so I threw it on the lawn. It was stale. They will not touch it again. As I was standing there on the steps I saw a jackdaw. It walked very near me, completely unafraid, for the food. There was another jackdaw on the chimney. How shiny their grey heads are. I was happy. But in the afternoon we walked in the fields. We didn't hear the skylarks but we did hear a tractor. We saw it spraying the field with weedkiller. Poor birds. What will happen to your nests on the ground? I am not happy.
Deg ger rag hedhyw: Ten words for today
et tien completely
gyllys coth stale, gone old
heb own unafraid, without fear
sevyllyek immobile, standing, stationary
skydnya war to befall, happen to
skîtya to spray
stappys steps
tòchya to touch (you can also use tava)
trûan poor, unfortunate, tragic, etc.
whennladh (m) weedkiller
No comments:
Post a Comment