2020 Dedh Cans ha Nawnjek warn Ügens
Monday, 18th May
Genes farwel, a gamera bian! Nag üjy ow hamera obery na velha. Ev a verwas hanter dedh. Pandr'ellama gwil? Ma othom dhebm a bictours rag ow blogg. Res vedh dhebm ûsya ymajys coth. Nag eus fowt dhebm a daclow coth a bub ehen! Nei a drouvyas pajar chayr coth e'n crow. Ma othom dhen a broject - nei a wra aga daswül. An gourty a bayntyas an frammys. Lebmyn res ew dhen lavürya war an esedhow. Nei a wrüg aga diswül ha towla dhe ves an gwiscow coth hag ûsys ha'n stoffyas - reun margh o. Lebmyn o whel ew dhe wil esedhow nowydh. Ma lies gwias dhebm saw nag eus kenter veth!
Farewell to you, little camera! My camera no longer works. It died at midday. What can I do? I need pictures for my blog. I'll have to use old images. I don't lack old things of every sort! We found four old chairs in the shed. We need a project - we'll renovate them. The man of the house painted the frames. Now we must work on the seats. We have dismantled them and thrown the shabby covers and stuffing away - it was horse-hair. Now it is my job to make the new seats. I have lots of fabrics but I don't have a single nail!
Deg ger rag hedhyw: Ten words for today
chayr (m) chair (cador (f) is grander)
daswül to redo, renovate, restore, etc.
diswül to dismantle, undo, etc.
esedh (m) seat
fowt (m) lack
genes farwel farewell to you
gourty (m) man of the house, husband
hanter dedh midday, noon
na velha (SWFM na fella) no longer
trouvya/trovya to find
No comments:
Post a Comment