2019 Day 276

Dedh Dew Cans Trei Ügens ha Whetek

De Yow, tryja mis Hedra

Thursday, 3^rd October

Terweythyow ma dalla spladn dhe jorna tewal. An howl hedhyw a dherevas ha golowy an cloudys gans arhans. (My a welas hujes bel arhansek de.) Leun a liwyow o an mettin. Whath ew an delkyow glas – na veu rew whath dh'aga ladha. Ass ew mar lies greunen rüdh war spern gwydn! Nei a dal aga henwel spern rüdh. Ma lavar coth mars eus lies greunen en kidnyadh. E vedh gwav calish dhe nei. Ma boos lowr rag an edhyn, en tei. Ma meur a voos rag an gwyweres ewedh – know a bub ehen codhys dhort an gwedh. An re ma a vedh covys. Na wrüg an comol arhansek dürya. Loos ew an ebòrn lebmyn ha na ellama gweles best veth. Mowns o cova e'n gwedh. Gwenjek ew hei lebmyn – ma “Lorenzo” o tremena e'n Mor Brâs Atlantek. Gellys ew avalow vy bes ma whath avalow en nebes gwedh – anjei a wra codha en scon. Ma lies aval ha lies spernen en Kernow – ogas dhe Truro ma “Nansavallan Woods” (Cosow Nans Avalen) ha war an hens horn (vorr gleder) dhe Falmeth ma “Sparnock Tunnel” (Tron po Kivordh Spernek).

Sometimes a dark day has a bright start.The sun today rose and illuminated the clouds with silver. I saw a huge silvery ball yesterday. The morning was full of colours. There are so many red berries on hawthorns (white thorns)! We ought to call them red thorns. There's an old saying (a proverb) if there are lots of berries in autumn. We will have a hard winter. There's plenty of food for the birds, certainly. There is much food for squirrels as well – every kind of nut fallen from the trees. These will be hidden. The silvery clouds didn't last. The sky is grey now and I can't see any animals. They are taking shelter in the trees. It's windy now - “Lorenzo” is passing by in the Atlantic Ocean. My apples have gone but there are still apples in some trees - they will fall soon. There are lots of apples and lots of thorns in Cornwall – near Truro is “Orchard Valley” Woods and on the railway line to Falmouth is “Thorny” Tunnel.

Deg ger rag hedhyw: Ten words for today

notice singular nouns made by adding - en to the collective plural

notice verbal adjectives ending – ys (- ez in pre-SWF RLC – still our pronunciation)

notice - ek adjectival ending added to noun

arhans silver, also used for money (also arghans but silent g)

arhansek silvery

cova to take shelter, hide > covys hidden

codha to fall > codhys fallen

delkyow leaves > delkyen (f) leaf (you can also use delyow leaves > sing. delen (f) < del collective)

gellys gone (also gyllys)

greunen (f) berry, grain, fish roe < greun (collective)

gwenjek windy (middle Cornish gwynsek) < gwens wind

lies many, lots of (followed by singular noun in Cornish, unlike English)

spern thorns (collective) > spernen (f) thorn > spernek thorny