2025 Dedh Trei Ügens hag Eth
De Sul, nawes mis Meurth
Sunday, 9th March
Seythen Sciens Bretednek ew deg dedh rag golya STYM - sciens, teknologieth, ynjynorieth ha mathematek. Saw pandr'ew sciens? Ew sciens ha skians kehaval? Rag sciens thera nei ow madra an bes material, an bes a nerth ha matter (pandr' a dal bos an kensa?) Ma lies branch dhe sciens - fysek, kemek, bownans y honan. Üjy sciens ow tallath gen an cosmos? Eus cûryosita dhe flehes adro dhe ster? Mons ow cana rim coth adro dhe udn steren.
British Science Week is ten days to celebrate STEM - science, technology, engineering and mathematics. But what is science? Are science and knowledge the same? For science we study the physical world, the world of energy and matter (which should be the first?). There are many branches of science - physics, chemistry, life itself. Does science begin with the cosmos? Do children have curiosity about stars? They sing an old rhyme about one star.
Twinkle, twinkle little star
Spladn che, steren vian spladn,
War an mor ha'n tir en dadn. (on the sea and land underneath)
Dres an cloudys, otta che, (beyond the clouds, there you are)
Pecar’a jowal 'terlentry. (like a jewel sparkling)
Spladn che, steren vian spladn,
War an mor ha'n tir en dadn.
No comments:
Post a Comment