2025 Dedh Trei Ügens ha Peswardhek
De Sadorn, pemdhegves mis Meurth
Saturday, 15th March
Trigys o vy en nans teg, formys gen gover bian dres lies cansbledhen. Nag ewa nans ledan; nans ydn lowr ew. Nag ewa glynn, drefen nag ew brâs ha down. Nag ewa stras; nag eus meur a dir leven. Nag eus spas lowr rag lies chei. An treven ew scattrys. Da ew an ledrow gen deves, ha bestes erel, ha brially. En gwav an howl ell mos mes a whel ken howlsedhes. Ma howlsplan dhe nei e'n mettin saw ma howlsplan dhe 'gan kentrevogyon (ha deves) e'n dohajedh.
I live in a lovely valley, formed by a small stream over many centuries. It is not a broad valley; it's quite a narrow valley. It is not a 'glen' because it's not big and deep. It's not a flat-bottomed valley; there's not a lot of level land. There is not enough room for a lot of houses. The houses are scattered. Sheep, and other animals, and primroses like the steep slopes. In winter the sun can disappear before sunset. We have sunshine in the morning but our neighbours (and sheep) have sunshine in the afternoon.
Nebes geryow Some words
bestes animals, beasts < best (m)
brially primroses < briallen (f)
deves (pl) sheep < davas (f)
dohajedh (m) afternoon (SWFMm dohajydh)
glynn (m) deep valley
howlsedhes (m) sunset
howlsplan (m) sunshine
ledan broad, wide
ledrow steep slopes < leder (m)
leven flat, level, even
mettin (m) morning (SWFMm myttin)
mos mes a whel to disappear, go out of sight
nans (m) valley
scattrys scattered < vb. scattra (SWFMm skattra)
spas (m) room, space
stras (m) flat-bottomed valley
treven houses < chei (m) (SWFMm chi)
ydn narrow, restricted
.
No comments:
Post a Comment