2021 Day 34

 2021 Dedh Peswardhek warn Ügens

De Merher, tryja mis Whevrel

Wednesday, 3rd February

Degol Ia ewa hedhyw. Bes piw ew Ia? Mabm sans Porth Ia ew hei. Ma fenten ogas dhe Treth Porthmeor. Nag ew hei gwelys gen meur a bobel. Meur ras dhe whei a'n fôtô Bagas Prierines Kernow. (Piw ew St Ives? Na wòra vy!) Nag eus fôtô ow honan hedhyw, rag hedna my a whilas war an wiasva. Ottòbma edhen deg reb dowr en Logh. Pescader an metêrn ew. Meur ras dhe whei, Marc Penrose. Da ew genam agas fotograffy. Greg Martin ew fotograffer da, ewedh. Otta y imach a dodn brâs, hûjes todn, henwys "an Cribbar", en Tewyn Plustry. Henwys ew an todn "Grear a wedhwesow" - meurgerys ew gen surfers, saw nag ewa mar gerys gans aga gwregeth. Ottòbma neppeth hûjes. Ma dhodho semblans flour, saw brith ewa war nebes vosow. Ha govednek war Facebook. Kemerowgh with dhe drehy an goujednow scovornow ken towla dhe ves mask bejeth.

It's St Ia's Day today. But who is Ia? She is the patron saint of St Ives. There is a well near Porthmeor Beach. It's not seen by many people. Thank you to Cornwall's Pilgrims Group for the photo. (Who is St Ives? I don't know!) I have no photos myself today, therefore I searched on the web. Here's a beautiful bird by a river in Looe. It's a kingfisher. Thank you, Marc Penrose. I like your photography. Greg Martin is a good photographer, too. Here's his image of a big wave, a huge wave, called the Cribber, in Newquay. The wave is called "Widow-maker" - it's popular with surfers, but it's not so loved by their wives. Here's something huge. It has the appearance of a flower, but it is a painting on several walls. And a request on Facebook. Take care to cut the ear loops before throwing away a face mask.

Deg ger rag hedhyw: Ten words for today

bagas (m) group

brith (m) painting

fotograffy (m) photography

goujen ~ gousen (f) loop

govednek (m) request

grear (m) maker

gwedhwes (f) widow

gwregeth wives < gwreg (f)

Logh (PN) Looe (deep water inlet, ria)

pescader an metêrn (m) kingfisher

prierin (m) pilgrim