Monday 15 February 2021

2021 Day 46

2021 Dedh Dogens ha Whegh

De Lün, pemdhegves mis Whevrel

Monday, 15th February



Da via genam mos pell! Da via genam cawas kewer gwell! Bes gwav ew ha thera nei en leunstroth. My a gerdhas dhe'n eglos ha tre, bes yeyn o hei ha hedna veu hager viaj. Da via genam mos en Porth Ia ha gweles an disqwedhyans nowydh en Soler Tate. E'n gwelha pres, eseles o vy "Bagas Mires" ha my a welas radn an disqwedhyans war Zoom - gen curador avel ledyer. Ew an soler ma aswonys genowgh? Ma mir astranj dhodho gen goulyow beister - radn an settyans ens. Inspirys ew Haegue Yang (dhort Corea an Sooth) gen Kernow ha nebes artistys a wrüg obery òbma. Terweythyow ma hy creacyons ow kil omach dh'aga whel. Gwrewgh comparya form ow neyja gen Barbara Hepworth gen shap gwres gen Yang. Deray ew dhe les dhedhy ewedh. Nag ew lowr ow scrîn bian. 















I should like to go far! I should like to have better weather! But it is winter and we are in lockdown. I walked to the church and back, but it was cold and that was a bad experience. I should like to go to St Ives and see the new exhibition in the Tate Gallery. Fortunately, I am a "Look Group" member and I saw part of the exhibition on Zoom - with a curator as a guide. Are you familiar with this gallery? It has a strange look with window curtains - they are part of the installation. Haegue Yang (from South Korea) is inspired by Cornwall and several artists who worked here. Sometimes her creations pay homage to their work. Compare a flying form by Barbara Hepworth with the shape made by Yang. Chaos is interesting to her as well. My small screen is not adequate.




Deg ger rag hedhyw: Ten words for today

aswonys familiar

comparya to compare

curador (m) curator

deray (m) chaos, disarray

eseles (f) member < esel (m)

goulyow beister window curtains < goul (f)

gwil omach to pay homage

hager viaj (m) bad experience

ledyer (m) guide, leader

settyans (m) installation

soler (m) gallery


 

 

No comments:

Post a Comment