Tuesday 16 February 2021

2021 Day 47

2021 Dedh Dogens ha Seyth

 

De Meurth, whetegves mis Whevrel

Tuesday, 16th February


 

De Meurth Enes ew, henwys Dedh Crampeth ewedh. Golys ewa oll adro dhe'n bes Cristyon, üdn jedh a fest ha lôwender ken sparyans Corawys. Ma Corawys ow tallath avorow, De Merher Lüjiw.  Hedhyw ma othom a ûsya oll an oyow, bleus ha leth dhe wil crampeth. Avorow na dal nagonan debry boos rych - terebo Du Pask. Ma kesstrivow. Piw ell derevel bern a grampeth an hirra po piw ell pònya an moyha üskis ha tossya crampessen? En Orleans Nowydh nag eus "Mardi Gras" (De Meurth Blonek) herwedh ûsadow e'n vledhen ma. Barrow ew degëys, procecyons ew difednys, nag eus bush brâs a düs e'n strêtys. En termyn eus passyes thera gwariow hurlya gen pel arhans. Ha thera cübmyas dhe guntel cregyn dhort an morrep, mos dhe'n trig.











It's Shrove Tuesday, also called Pancake Day. It is celebrated all around the Christian world, one day of feast and festivity before the austerity of Lent. Lent begins tomorrow, on Ash Wednesday. Today all the eggs, flour and milk should be used to make pancakes. Tomorrow nobody should eat rich food - until Easter Day. There are competitions. Who can build the tallest pile of pancakes or who can run fastest while tossing a pancake? In New Orleans there isn't a typical "Mardi Gras" (Fatty Tuesday) this year. The bars are closed, processions are prohibited, there are no crowds in the streets. In the past there were games of hurling with a silver ball. And there was permission to collect shellfish from the foreshore, to go trigging.


Deg ger rag hedhyw: Ten words for today

blonek fat, fatty, grease

bush brâs a düs crowd (of people)

crampeth pancakes < crampethen ~ crampessen (f)

De Merher Lüjiw Ash Wednesday

difednys prohibited

Du Pask Easter Day

Enes Shrovetide

herwedh ûsadow typical

kesstrivow competitions

mos dhe'n trig to go trigging, collect shellfish

sparyans (m) austerity, abstinence, thrift















No comments:

Post a Comment