Friday 12 February 2021

2021 Day 43

 2021 Dedh Dogens ha Trei

De Gwener, dewdhegves mis Whevrel

Friday, 12th February









Wotiwedh, howl a wra rag pols bian! Saw ma whath gwens crev ha yeyn. Garow ew an mor. Bettegens, my a wrüg kerdhes dhe'n eglos ha tre. An gwens a whethas oll an nos, pur ûhel y dros. My a dhivünas lies gweyth. Pandr'era ow qwaya a-ves? En termyn eus passyes agan kentrevoges a wrüg gonis bohes bambous et hy lowarth. Cressyes ens lebmyn en ûhelder ha nòmber. Tevys ens dhe forest bian. Ma va ow sia ha clattra. Whethys dhe'n dor ew lies radn bian gwedh oll adro, najedhow ewinen ha saben, avalow saben ha flourys marow.    


       

Finally, the sun is shining for a short while! But there is still a strong, cold wind. The sea is rough. Nevertheless, I walked to the church and back. The wind blew all night, with a loud noise. I woke up many times. What was moving outside? In the past our neighbour planted a few bamboos in her garden. Now they have increased in size and number. They have grown to a mini forest. It rustles and rattles. Many little parts of trees all around have blown down, yew and fir needles, fir cones and dead flowers.



Deg ger rag hedhyw: Ten words for today

clattra to rattle

cressyes increased < (verb) cressya

dhe'n dor down (to the ground)

divüna ~ difüny to wake up

ewinen (f) yew

najedhow needles

pols bian (m) short while

sia to rustle

tevys grown

wotiwedh ~ war an diwedh at last, finally




 







No comments:

Post a Comment