2020 Dedh Trei Hans Nawnjek warn Ügens
De Gwener, pajwora mis Kevardhû
Friday, 4th December
Fekyl ew an awel hedhyw. An kei ha my eth mes dhe gerdhes adro, ha thera an howl ow spladna. Bes hanter an ebòrn o blou ha hanter o tewal ha comolek. Pur dhramatyk o an gwel. Nei a dremenas an vorr (vordh) gleder ha gerras reb eglos Ewny. Tour an eglos ew crestednys gen kewny pecar’a crevednow war scath po bessel war garrek. Pur deg o va (pecar'a curün owriek) en spladnder an howl, gen ebòrn godrosüs adhelher dhodho. My a viras orth an mappa – pana vorr ha pana belder? Gwell ew pup pres gara an vorr, etho nei assendyas war tûa bal. Pur ûhel o nei – my alja gweles an mor keffres ha Carn Bre. Bes thera an cobmol ow tos ha res veu dhen fesky tre. Hedna veu a-dermyn. Lebmyn keser a wra. Ma’n yer ow cova dadn brysk.
The weather today is fickle. The dog and I went out to walk around, and the sun was shining. But half of the sky was blue and half was dark and cloudy. The scene was very dramatic. We crossed the railway and walked by St Uny’s church. The church tower is encrusted with lichen like barnacles on a boat or mussels on a rock. It was very beautiful (like a golden crown) in the sunshine, with a threatening sky behind it. I looked at the map – which way and how far? It’s always better to leave the road, so we went up towards a mine. We were very high – I could see the sea as well as Carn Bre. But the clouds were coming and we had to dash home. That was timely. Now it is hailing. The chickens are sheltering under shrubs.
a-dermyn timely
assendya to go up, ascend
bessel mussels > besslen (f)
cova to take shelter, hide
crestednys encrusted
crevednow barnacles
fekyl fickle
fesky to dash, hurry
godrosüs threatening, ominous
prysk shrubs > prysken (f)
No comments:
Post a Comment