2020 Dedh Trei Hans Seytek warn Ügens
De Merher, nessa mis Kevardhû
Wednesday, 2nd December
An second dedh gwav keweroniethel ew ha diwedhys ew agan leunstroth (rag an termyn). Egerys arta ew shoppys rag taclow nag ew pòrresys. A wra an düs treylya gorbòllek? Ma lies paper nowodhow ow scrifa adro dhe berners ew whansek dhe gawas bargenys ha taclow rag Nadelik. Gwicoryon ha gwicoresow a venja gwerra (gwertha) aga warow. De Merher Mescat ew! Na wrüga vy marhasna hedhyw, nag eus othom dhebm a dra veth. Saw res veu dhebm dascor ow gwaskvesür gooj, rag hedna e veu dhen kerdh teg war an treth. De Merher Gwyls gwir marthys o hedna. Nag o nei agan onan oll hedhyw. Benenes an dreveglos ma ew barthejek. Kelednek ens. Otta jei ow mos rag bys en mor. Re vian ew an bollen düs e’n garrek ragtans.
It’s the second day of meteorological winter and
our total lockdown has ended (for the time being). Shops for non-essential
things are open again. Will people go off their heads? Many newspapers are
writing about buyers who want to get bargains and things for Christmas. Tradesmen
and tradeswomen would like to sell their wares. It’s Wild Wednesday. I didn’t
go shopping today, I don’t need anything. But I had to give my blood pressure
monitor back, so we had a lovely walk on the beach. That was a wonderful real
Wild Wednesday. We were not all alone today. The women of this village are
magnificent. They are intrepid. Here they are advancing to the sea. The
swimming pool in the rock is too small for them.
Deg ger
rag hedhyw: Ten words for today
barthejek
~ barthusek impressive,
magnificent (also m-)
dascor to give back
gorbòllek
irrational,
off one’s head
gwicor (m) tradesman, trader > gwicores
(f)
kelednek intrepid, bold, hearty
marhasna
~ marhasno to go to
market, go shopping
perner ~
prener (m) buyer,
shopper
pòrresys essential
rag an
termyn temporary,
for the time being
warow ~
gwarow wares
whansek desirous
No comments:
Post a Comment