2019 Day 261

Dedh Dew Cans Trei Ügens ha Wonan

De Merher, etegves mis Gwedngala

Wednesday, 18^th September

“En hav per co gwav.” Thew hebma lavar coth. Thera vy o saya dhe wil o qwella. My a gùntellas avalow dhort an wedhen vian ha'ga gorra war baper nowodhow war styllen ûhel. Bes pandr'ew an poynt? Nag ens o lavalow an moyha kerys. Nag ens leun a sawar wheg ha nag ens leun a sugen naneyl. Nag üjy anjei o türya et ta. Thew radn anodhans solabres gwedhrys, poder ha lòsek (pindy). Ma avalow môy war wedhen en pastel a dir reb agan lowarth. Remenat ew a leur coth avalow (avalen goth). Parys ew an avalow dhe godha. Bes ma jam lowr solabres. Lebmyn “En kidnyadh per co hav.” Res ew dhebm scrifa lether nowodhow rag o bagas art – oll adro dh'agan wharvedhyansow a-dhia an gwenton.

In summer remember winter. This is an old saying (proverb). I am trying to do my best. I gathered apples from the little tree and put them on newspaper on a high shelf. But what is the point? They are not my favourite fruit. They are not full of sweet flavour and neither are they juicy. They do not last well. Some of them are already shrivelled, rotten and mouldy. There are more apples on a tree in a patch of land by our garden. It's the remains of an old orchard. The apples are ready to fall. But I already have enough jam. Now “In autumn remember summer.” I have to write a newsletter for my art group – all about our events since the spring.

Deg ger rag hedhyw: Ten words for today

avalen orchard (Nansavallan Wood is very near County Hall in Truro)

or leur avalow orchard (you can also use jarn)

dürya to last, endure, persist (you can also use pejya)

gwedhra to shrivel, wither , wilt, droop > gwedhrys or gwedrys

lòsek mouldy < loos grey

pindy mouldy, stale, musty, mildewed, off, etc. (from dialect)

styllen (f) shelf, ledge, plank, board (you can also use astel, planken)

sugen (f) juice, sap, syrup (add appropriate flavour e.g. aval apple)

sugenek, leun a sugen juicy (-ek adjectival ending)

sugen kig gravy (no mutation) sugenyow also used for “drugs”