Tabm a Gernow 66 (surf triathlon)

Seythen alebma thera avisyans e'n vorr en ogas dhe'n chei vy. "An vorr a vedh keas rag resek." Thera resegva rag beyks war nans tûa Tywar'nheyl.

En kensa, trei cans athlêts (ha athletesow) a wrüg neyja üdn kilometer ha hanter e'n mordardh reb an treth. Anjei a dal boas neyjoryon pur grev. 

Nessa, òja hedna, pub kesstrifer a wrüg kemeres diwros ha maroga etek kilometer warn ügens warvena ha war nans. An resegva a veu adro dhe dewdhek kilometer, ha res o moas adro tergweth.

Thera lies ordenary reb an vorr. "Kemerowgh with," medh anjei, "ma turn a'n vorr." Bes pandr'ew wharvos obma. Thera tüs ignorant a'n resek. Anjei a dheuth war an vorr dhort trûlergh. Thera droglam ogasty.

War an diwedh res o dhe'n strivoryon pònya adres treth ha aljow (alsyow) tûa diwedh an treth ha tre arta. An pellder o seyth kilometer ha hanter.

Ornys o an "Triathlon" gen bagas sawya bownans mordardh.                                 

Coth ha calish ew an kesstrif ma, martesen onan an moy coth ha calish e'n Wlascor Ûnyes. E veu an nawas warn ügens e'n teller ma. Nessa bledhen a vedh an degvas warn ügens kesstrif.