Tabm a Gernow 78 (Hunter's Moon)

E veu loor leun arta, an whetegves nos a vis Hedra. An kensa loor leun òja an keheja dedh ha nos kidnyadh ew "Loor Helhor". Termyn loordrevel nag ew bes deg mynysen (po nebes) warn ügens òja termyn howlsedhes. Ma'n loor nes dhe'n nor. Tredh golow howl ha golow loor ma tewlwolow (tolalolla). Ma termyn hir a wolow, dedh dhe nos. En termyn eus passyes an düs pow (tiogow rag ensampel), a alja obery keffres e'n gordhûher ha androw (dohajedh).

Rag fra "Loor Helhor"? En termyn eus passyes, cuntellys o an greun, trehys o an cala ha helhoryon a alja helhy dres an arrish. Thera remenat a ys war an dor, rag hedna thera hedhas ha cònidnas o toas dhe dhebry radn anodho. Lostoges (lewern) a alja kemeres cònidnas, ha helhoryon a alja chassya an lewern po an hedhas. Helhoryon a alja tedna godnys e'wedh.

Nag era bestas na helhoryon e'n arrish ma! Martesen re avar o.

An nessa loor leun a vedh mis Dû, an pajerdegves dedh.