2021 Day 355

2021 Dedh Trei Hans Pemdhek ha Dogens

De Meurth, kensa warn ügens mis Kevardhû

Tuesday, 21st December

Ma'n vledhen ow treylya. Solabres, ma gwelys genen an diwettha loor leun an vledhen - Loor Yeyn po Loor Rew (ke nag eus rew haneth). Ma fôtô da gen NASA - na ellama gweles manilyon et ow fôtô ow hònan. Lebmyn ma'n loor ow lehe. Thera nei ow qweles diwedh an Sether ha dallath an Aver, saw na ellama gweles an ster own rag constellacyon e'n ebòrn nos ow hònan! Rag certan na ellama gweles lost pesk telher veth. Pandr'ew an Aver; pan vaner lodn eth ewa? Haneth, thew nos an hirra e'n vledhen. Mantollys ew an Norves. Thera an dedhyow ow cotthe a-dhia Golowan, lebmyn anjei a wra hirhe arta. Mantol Gwav lôwen dhe whei!

The year is turning. Already, we have seen the last full moon of the year - Cold Moon or Frost Moon (though there is no frost tonight). There's a good photo by NASA - I can't see details in my own photo. Now the moon is waning. We are seeing the end of Sagittarius and the start of Capricorn, though I can't see the right stars for a constellation in the night sky myself! I certainly can't see a fish tail anywhere. What is Capricorn; what breed of beast is it? Tonight, it is the longest night of the year. The Earth is balanced. The days were getting shorter since the summer solstice, now they will get longer again. Happy Winter Solstice to you!

Deg ger rag hedhyw Ten words for today

a-dhia since

an Aver Capricorn, the Goat < gaver (f)

an Sether Sagittarius, the Archer

cotthe to shorten

hirhe to lengthen

lehe to lessen, wane, diminish

lodn (m) beast, bullock, etc.

manilyon (collective) details

pan vaner what breed, what type, what sort

rag certan certainly

telher veth ~ vyth anywhere (negative), nowhere 

2021 Day 354

2021 Dedh Trei Hans Peswardhek ha Dogens

 

De Lün, ügensves mis Kevardhû

Monday, 20th December

 

Nag eus whans dhe nagonan a daclow dhe fyllel ken Nadelik. O nei anfüjik? Agan rewer a dhallathas teudha gen boos etto. E veu dowr e'n neyth rewy en topp.  Res veu dhebm pobas üdn pizza, trei borger fav ha deg selsigen vegan pur qwyck. Na alja anjei bos dasrewys heb peryl. En gwelha pres, an neythow erel a veu da lowr. A wrüg an rewer fyllel? Na wrüg. Nebonan a gnackyas an bòton controlya. Eus neppeth aral ell fyllel? Entei! Hedhyw e veu othom dhen a blobmer. Ew hedna anfüjik? Lôwen o vy na wrüg an toylet fyllel Du Nadelik!   

 

Nobody wants things to go wrong before Christmas. Are we unlucky? Our freezer started to defrost with food in it. There was water in the freezer drawer at the top. I had to bake one pizza, three bean burgers and ten vegan sausages very quickly. They could not be re-frozen without risk. Fortunately, the other drawers were OK. Has the freezer broken down? No. Someone knocked the control button. Is there anything else that can go wrong? Certainly! Today we needed a plumber. Is that unlucky? I am happy that the toilet didn't go wrong on Christmas Day.

Deg ger rag hedhyw Ten words for today

anfüjik unlucky, unfortunate

borger (m) burger

en topp at the top

fyllel to go wrong, fail, breakdown

knackya to knock

neyth rewy (m) freezer drawer < rewy to freeze

plobmer (m) plumber < plobm (m) lead

pobas to bake

qwyck quick, quickly

rewer (m) freezer

teudha to melt, defrost

2021 Day 353

2021 Dedh Trei Hans Terdhek ha Dogens

 

De Sül, nawnjegves mis Kevardhû

Sunday, 19th December

Pandra wrüga vy scrifa war an jedh ma e'n vledhen eus passyes? Deffrans ew an gewer. Res veu dhen degy bombadys (bottow stanch) drefen bos gleb an gewer. E veu dowr war an vôwnder ha down veu Gover Belinjy. Lebmyn segh ew an vôwnder drefen bos pib nowydh dhort an poll. An gewer hedhyw ew yeyn, segh ha gwenjek. Na alja nei kerdhes pell hedhyw - thera an maw bian gena nei arta ha thera nown dhodho. Thew ev gwag pup pres! Dres lycklod ma va ow tevy üskis. Nag eus fôtôs nowydh hedhyw.

What did I write on this day in the past year? The weather was different. We had to wear wellingtons (waterproof boots) because the weather was wet. There was water on the lane and Bolingey Stream was deep. Now the lane is dry because there is a new pipe from the pond. The weather today is cold, dry and windy. We could not walk far today - the little boy was with us again and he was hungry. He is always hungry! He is probably growing fast. There are no new photos today.

Deg ger rag hedhyw Ten words for today

arta again

bombadys wellingtons

bottow boots

deffrans different

dres lycklod probably

gwag hungry, empty

nown (m) hunger

stanch waterproof

tevy to grow

üskis fast, quick, quickly

2021 Day 352

2021 Dedh Trei Hans Dewdhek ha Dogens

 

De Sadorn, etegves mis Kevardhû

Saturday, 18th December

Ma rim coth en Kernôwek ow talla: Eus keus? Eus po nag eus? Hedhyw an lavar a dal bos: A vedh Nadelik? Vedh po na vedh? Vedh res dhebm cawas cübmyas porth Covid rag omweles war ow mab hag y veyny rag kidnyow Nadelik? Na vedn ow hôr wheg gara Kernow rag omweles war hy hôr hy hònan. Nag eus whans dhe nagonan bos clav. E veu towl dhe nei dhe genewal gans agan mergh, bes nag ew hedna possybyl na velha. Res vedh dhen fittya an boos agan hònan. Pandra wren? Yar Gyny ew tradicyonal, gen tettys rôstys, stoffyas ha cawlenigow. Bes nag ew da genam yar Gyny ha re vian ew ow vorn en neb cas. Na vadna vy rôstya yar Gyny. Ow gour a bernas kig bowin dhe wil hogednow!

 

An old rhyme in Cornish begins: Is there cheese? Is there or isn't there? Today the saying should be: Will there be Christmas? Will there be or won't there be? Will I have to have a Covid passport to visit my son and his household for Christmas dinner? My sister-in-law won't leave Cornwall for visiting her own sister. Nobody wants to be ill. We had a plan to dine with our daughter, but that is no longer possible. We will have to do the cooking ourselves. What will we do? Turkey is traditional, with roast potatoes, stuffing and Brussels sprouts. But I do not like turkey and my oven is too small anyway. I will not roast a turkey. My husband bought beef to make pasties!

Deg ger rag hedhyw Ten words for today

cübmyas porth (m) passport

gara to leave (SWFM gasa)

fittya an boos to do the cooking, prepare the food

kenewal to dine (SWFM kenyewel)

kidnyow (m) dinner, main meal

lavar (m) saying, expression

meyny (collective plural) household (SWFM mayni)

omweles war to visit

res vedh will have to

towl (m) plan, scheme

2021 Day 351

 2021 Dedh Trei Hans Üdnek ha Dogens

De Gwener, seytegves mis Kevardhû

Friday, 17th December

Terweythyow, nag eus beawta brâs e'n bes en gwav, bes res ew whilas an peth eus. Res ew bos grajek rag mercys bian, ajon an taclow bian e'n bôwnas. An mor ell bos teg e'n kettermyn ha bos anwheg. Ma tecter rew e'n loor leun haneth, gen halo liwys oll adro. Diw gajik gebmyn ew lôwen, fuchsia ros liw ha purpur ew lôwenek. Ha keniver plüven war yar vrith ew ober art!

Sometimes, there's not any great beauty in the world in winter, but one must seek what there is. One must be thankful for small mercies, appreciate the little things in life. The sea can be beautiful at the same time as being unfriendly. There is an icy beauty in the full moon tonight, with a coloured halo all around. Two common little daisies are happy, a rose and purple fuchsia is cheerful. And every feather on a speckled hen is a work of art.

Deg ger rag hedhyw Ten words for today

ajon (SWFM aswon) to acknowledge, appreciate

an keth ha the same as

an peth eus what there is

anwheg unfriendly, unwelcoming

beawta (m) beauty

bes (m) world

bôwnas ~ bownans (m) life, living (SWFM bewnans)

cajik (f) little daisy < caja (+ diminutive ending)

grajek thankful

üvel humble, lowly

whilas to seek, look for

2021 Day 350

2021 Dedh Trei Hans ha Hanter Cans

De Yow, whetegves mis Kevardhû

Thursday, 16th December

An gewer alja bos trist bes whath thew res kerdhes rag an yehes. Na res bos lobba loven. Possybyl ew dhe vires orth tüs erel ow lavürya. Ma meur a whel oll adro. Na res dhe nei bos trist agan hònan. Lebmyn nei ell kerdhes war drolergh coth, martesen trolergh ûsyes gen tüs bal po mengleudhyoryon. En termyn a vedn dos nei a vedn kerdhes war an vorr liesporpos nowydh war an vorr gledher forsakys. An jynnys brâs a wra mos, bes a vedh kerdhoryon saw dhort beikers ha marhogyon?  A vedh an bonsvorr saw avel pons kerdh?  

The weather could be dreary but one must still walk for one's health. One must not be a couch potato. It's possible to watch other people working. There's a lot of work all around. We don't have to be gloomy ourselves. Today we can walk on an old footpath, perhaps a footpath used by miners or quarrymen. In future we will walk on the new multi-purpose track on the abandoned railway. The big machines will go, but will pedestrians be safe from bikers and equestrians? Will the viaduct be safe as a footbridge?

Deg ger rag hedhyw Ten words for today

agan hònan ourselves

beiker (m) biker

kerdhoryon pedestrians

liesporpos multi-purpose

lobba loven (m) couch potato

mengleudhyoryon quarrymen

na res one must not

thew res ~ res ew one must

trist dreary, gloomy

trolergh (m) footpath

2021 Day 349

2021 Dedh Trei Hans Dogens ha Naw

De Merher, pemdhegves mis Kevardhû

Wednesday, 15th December

Skith o vy hedhyw. Nag eus bes deg dedh terebo Nadelik. Ellama dürya? Nag eus bes üdn flogh (trei bloodh) e'n chei hedhyw, bes pur nerthek ha cledhek ew ev. Da ew ganjo gwary gen prei ha dowr - ev a wrüg degy trei lavrek, trei lavrek nessa, dew wlânek ha dew dhewloder ken soper. An jynn-gòlhy a vedh besy.

I'm tired today. There are only ten days until Christmas. Can I survive? There is only one child (three years old) in the house today, but he is very energetic and clumsy. He likes playing with mud and water - he wore three pairs of trousers, three pairs of underpants, two jumpers and two pairs of socks before supper. The washing machine will be busy!

Deg ger rag hedhyw Ten words for today

bloodh (m) years old

cledhek clumsy

dewloder pair of socks

dürya to survive, last

gwlânek (m) jumper, woolly

lavrek (m) pair of trousers

lavrek nessa (m) underpants

lòdrow socks < loder (m)

nerthek energetic, dynamic

prei (m) mud, clay

skith - sqwith tired