2024 Dedh Trei Ügens ha Trei
De Sül , tryja mis Meurth
Sunday, 3rd March
Ajwonys ew an mis ma rag gwens. Mis Meurth ew gwenjek. Ma gwens yeyn hedhyw ha na veu whans dhebm a vos mes. Bes res o dhe nei kemeres an seher atal (en gravar ros) dhe'n vorr rag avorow. Ma esperans dhebm na wra an gwens aga whetha dhe ves. Deg bledhen alebma gwens lacka, gen todnow üthyk war an mor, a wrüg degy dhe ves radn an treth.
This month is known for wind. March is windy. There is a cold wind today and I didn't want to go out. But we had to take the rubbish bags (in a wheelbarrow) to the road for tomorrow. I hope the wind won't blow them away. Ten years ago a worse wind, with terrible waves on the sea, carried away part of the beach.
Deg ger rag hedhyw. Ten words for today.
alebma ago
bledhen (f) year
degy ~ don to carry
gravar ros (m) wheelbarrow
gwenjek windy < gwens (m) (SWFM gwynsek < gwyns)
lacka worse (SWFM lakka) (can also use gweth)
ma esperans dhebm I hope, there is hope to me
seher atal (plural) rubbish bags < sagh atal (m)
üthyk terrible (SWFM euthyk)
whetha dhe ves to blow away
No comments:
Post a Comment