2022 Day 11

2022 Dedh Üdnek

De Meurth, üdnegves mis Genver

Tuesday, 11th January

Na vadna vy pedery adro dhe glevejyansow na velha. Gwell ew genam mires orth pictours lôwen. Gellys ew Nadelik ha'n Vledhen Nowydh. Gellys po kellys? Na veu anjei ow gwelha Nadelik po Bledhen Nowydh besca, bes theram ow qwachas an termyn a vedn dos a vedh gwell. E'n men termyn, da ew genam an ymajys ma a'n Oos Victoria hag a Sweden. Mons ow tisqwedhes Tas Nadelik ha Sankta Nikolaus. Ma dhe Das Nadelik curün a gelyn war y bedn, ettew Nadelik war y geyn ha bolla wassel et y dhorn. Nebes ownek ew ev! Sweden ew moy yeyn, etho nag eus curün gelyn dhe Sankta Nikolaus. Ma pedngogh tòbm dhodho et y le. Ma gwedhen Nadelik et y dhorn ha sagh a royow war y geyn. Moy hegar ew ev. Ha piw ew an piber emesk an flehes?

I no longer wish to think about infections. I prefer looking at happy pictures. Christmas and the New Year have gone. Gone or lost? They were not my best Christmas or New Year ever, but I hope the future will be better. In the meantime, I like these old Victorian and Swedish images. They show Father Christmas and Sankta Nikolaus. Father Christmas has a crown of holly on his head, a Yule log on his back and a wassail bowl in his hands. He's a bit scary. Sweden is colder, so Sankta Nikolaus doesn't have a holly crown. He has a warm hooded fur coat instead. There's a Christmas tree in his hand and a sack of presents on his back. He is more amiable. And who is the piper among the children?

Nebes geryow rag hedhyw Some words for today

an termyn a vedn dos (m) the future, time that will come

besca ~ bescath ~ besketh never, ever (past)

curün (f) crown

ettew Nadelik (m) Yule log

gellys ~ gyllys (verbal adjective, past participle) gone < mos to go

kellys (verbal adjective, past participle) lost < kelly to lose

keyn (m) back

na velha no longer, no further (SWFM na fella)

pedngogh (m) hooded fur coat/cloak

qwachas ~ gwetyas to expect, hope