Dedh Cans Onan warn Ügens
De Merher, kensa mis Me
Wednesday, 1st May
Ober bian rag hedhyw a veu dhe drehy oll an pednow marow mes a’n hydrangea. An flourys marow a withas an prysk dres an gwav bes lebmyn nag eus odhom dhodhans. Na vedh ergh na rew na moy. Lowen o vy gen bos ma – me a’n gonas ow honan dhort trogh bian. An lilak ma a dheuth dhort trogh ewedh, ro dhort Moderep Idhyo. An bush gwredhek era en Deijy Treyew rag termyn hir. Nag üjy va ena lebmyn – ma Lys Kernow ena et y le. Ma edhen vian (heckamola) ow cortos oll an termyn. Ma esperans dhedhy a brev.
A little job for today was to cut all the dead heads off the hydrangea. The dead flowers protected the bush through the winter, but now they are not needed. There will be no more snow or frost. I am very happy with this bush – I grew it myself from a small cutting. This lilac came from a cutting as well, a present from Aunty Ivy. The original bush was in Treyew Cottage for a long time. It’s not there now – County Hall is there instead. A little bird (dicky bird) is waiting all the time. It hopes for a bug.
No comments:
Post a Comment