Tabm a Gernow 85 (Truro City of Lights)

Pow spladn ew Kernow rag golyow.  E veu gool en Truru de Merher en gordhûher.  "Cita a Wolowys" ew Truru en mis Dû ken Nadelek.  Oll an düs a wrüg degy lies lügarn en stretys ahes. Flehes keffres ha pobel cowldevys a gerras/gerdhas en procecyon gen aga creacyons. Ma rûth veur war an cauncys dhe viras ort anjei.



Gwres ew an lanterns a helyk ha sort a baper, gen flehes ha tüs awenek.

Scolyow, bagasow, shoppys, institûcyons keffres ha persons üdnek a gevrennas.  Thera lies best e'n procecyon; an Gwithty Kernow Riel a wras sperys (po bucka) o marhoga war vulhorn. (An procecyon a dhalathas en park kerry.)

Artiss ew o howethes. Hei a wras lowarn, hir y lost. "Lostek" henwys ew ev. Ma va o sewya steren.



An whedhel a Alys en Pow an Anethow ew aswonys gen oll an bes. Otta an Cònin Gwydn en bolla te gans y euryer ha scavel cronek prev del. Mantolys ew oll an tacklow war debot.

Goroures ew Alys en lever fügieth screfys rag flehes. Bes otta goroures goth dhort istory po henwedhel.  Ew hei Britannia po Boudicca? Na ora vy. Ma dhedhy bocler ha gew en hy diwla, ha ma hei o tegy basnet war hy fedn.