2022 Day 286

2022 Dedh Dew Cans Pajar Ügens ha Whegh

De Yow, terdhegves mis Hedra

Thursday, 13th October

Mis Hedra ew ha Seythen Keow Nacyonal - ha nei a gerdhas war venedh dhe'n gwelyow. Pur gosel o an jedh. Nag era tros daromres e'n gwelyow. Nei a savas ha gosowes. Thera lies heckamola bian ow neyja adro e'n ayr, dhort üdn ke dh'y gila, ow winya. Bes pandra veu an son na? Ma bargen tir hedhes en ogas (rag kig carow). My a glowas yorgh ow pedhygla. An gwelyow ew arys ha cribys, bes ma amal ügens trooshes gerys rag gwithans natûr. Ma whath flourys ow tevy - bodhednow, bleujow kenis, losow an drenjes. Ha tros edhen aral - fesont cock e'n kew ma.

It's October and National Hedgerow Week - and we walked uphill to the fields. The day was very peaceful. There was no traffic noise in the fields. We stood and listened. Many little dicky birds were flying around in the air, from one hedge to another, chirping. But what was that sound? There is a deer farm nearby (for venison). I heard a stag bellowing. The fields are ploughed and harrowed, but there is a 20ft border left for nature conservation. There are still flowers growing - corn marigolds, campion, heartsease. And another bird noise - a cock pheasant in this paddock.

Gerva rag hedhyw: Vocabulary for today

arys ploughed < vb. aras

bedhygla to bellow

cosel peaceful, quiet

cribys harrowed < vb. criba

daromres (m) traffic

gwithans ~ gwithas conservation

heckamola (f) dicky bird

kig carow venison

neyja to fly (also to swim)

savas stood < sevel to stand

son (m) sound

tros (m) noise

war venedh uphill

winya to chirp, twitter, chatter

2022 Day 285

2022 Dedh Dew Cans Pajar Ügens ha Pemp

De Merher, dewdhegves mis Hedra

Wednesday, 12^th October

Ma Dûk Kernow nowydh dhe nei. A vedh an Dûk nowydh onan da? Üjy va ow codhvos neppeth (po tra veth) adro dhe'n pow nei? A wrüg an Dûk coth ònderstondya  Kernow. O Helles, ha Degol a'n Furry, aswonys dhodho? Pana dermyn ew Degol a'n Furry? Warlergh an gis, ma Degol a'n Furry ow wharvos ethves mis Me – marnas henn ew de Sül po de Lün (dedh marhas). Bes nessa bledhen an ethves dedh a vis Me a vedh de Lün. E'n vledhen a vedn dos an degol a dal bos de Sadorn wheffes mis Me. Eus caletter gen hedna? Eus! Thew an Dûk coth lebmyn Metern Charles hag y gurüdnyas a vedh wheffes mis Me. A vedn ev treylya y dhedh ev? A vedh Degol an Furry dedh deffrans? A vedh othom dhe düs a dhewis, mos en degol po gòrtos tre ha mires orth tele? Helles po Loundres, e vedh tüs gwiskys avel Cala Me! 

We have a new Duke of Cornwall. Will the new Duke be a good one? Does he know something (or nothing) about our country? Did the old Duke understand Cornwall? Was Helston, and the Flora, familiar to him? When is the Flora? According to custom, the Flora takes place on 8th May - unless that's a Sunday or Monday (market day). But next year the eighth day of May will be on a Monday. In the coming year the festival should be on Saturday 6th May. Is there a problem with that? Yes! The old Duke is now King Charles and his coronation will be on 6th May. Will he change his day? Will the Flora be a different day? Will people need to choose, go to a festival or stay at home and watch television? Helston or London, there will be people dressed up like May Day! 

Geryow rag hedhyw: Words for today

caletter (m) problem, difficulty 

degol (m) festival

Degol a'n Furry en Helles Helston Flora

dewis to choose, pick, select

godhvos to know

gòrtos tre to stay home

gwiskys avel Cala Me dressed up like May Day (i.e. over-dressed)

Helles (PN) Helston

marhas (f) market

marnas unless, except

mires orth to watch

warlergh an gis according to custom

2022 Day 284

2022 Dedh Dew Cans Pajar Ügens ha Pajar

De Meurth, üdnegves mis Hedra

Tuesday, 11^th October

Ma idhyow ow tevy en keow, ha da ew hedna rag gwenen gwels (gwenen blewek). Gorfednys ew flourys e'n lowarth bes ma whath nebes flourys e'n ke ow furnya nectar ha podn flourys. Ma boos en keow rag edhyn ewedh. Anjei a vedn debry greun hag ogan mar qwra an dor re galish dhe whilas bulük. Ma ogan ow türya hirra vel mor dû. Nebes mor dû ew solabres pindy.

Ivy is growing in hedges, and that is good for wild bees (hairy bees). Flowers are finished in the garden but there are still some flowers in the hedge providing nectar and pollen. There's food in hedges for birds too. They will eat rose hips and berries if the ground is too hard to look for earthworms. Rose hips last longer than blackberries. Some blackberries are already mouldy.

Gerva Vocabulary

blewek hairy

bulük earthworms > bulügen (f)

greun berries > greunen (f)

gwels ~ gwyls wild

gwenen bees > gwenenen (f)

idhyow ivy (collective plural) > idhyowen (f)

mor berries > moren (f)

ogan rose hips > oganen (f)

pindy mouldy

podn flourys (m) pollen

2022 Day 283

2022 Dedh Dew Can Pajar Ügens ha Trei

De Lün, degves mis Hedra

Monday, 10th October 

Ma hedhyw ow tallath Seythen Ke Nacyonal. Keow ew pur a bris. Mowns ow junya teleryow bewa deffrans, gwitha rag mostedhes, gweres dhen e'n omdhal bedn treylyans a'n ayredh. Ma keow ow furnya anedhow rag pajar ügens en cans a'gan edhyn gwedhek. Bestes a vry erel kevys en keow ew sartes, eskelly-grehednas, pajarpâwes, henek ha tycky-Duwes. Res ew dhen gwitha agan keow a Gernow.   

Today begins National Hedgerow Week. Hedges are very important. They join different habitats, protect against pollution, help us in the fight against climate change. Hedgerows provide homes for 80% of our woodland birds. Other significant animals found in hedges are hedgehogs, bats, newts, dormice and butterflies. We must look after our Cornish hedges.

Gerva Vocabulary

a bris important

a vry significant

en cans ~ a'n cans percent

eskelly-grehen (m) bat

furnya to provide

gwedhek (m) woodland

gwitha to protect, look after

henegen (f) dormouse

mostedhes (m) pollution

pajarpâw (m) newt

sart (m) hedgehog (also sea urchin)

telher bewa (m) habitat

tycky-Duw (m) butterfly  

2022 Day 282

2022 Dedh Dew Cans Pajar Ügens ha Dew

De Sül, nawes mis Hedra

Sunday, 9th October 

Terweythyow nag eus kytterinyow ha na ellen nei mos dhe'n dre. Martesen thew an vorr (fordh) lettyes ha res ew dhe'n daromres kemeres vorr dheffrans. (My a welas benyn ow movya an pikern dhe dremena, bes nag ew hedna possybyl rag kyttrin!) Terweythyow thew kyttrin dellejys - ma tröen (awos whelyow vorrow meur). Terweythyow nag eus lewyer awos cleves. Bettegens, avorow na vedh lewyer rag lies kyttrin "First" (Kensa). Serrys ew lewyoryon gen an company. Kevranogyon a recevas pemp cans milyon pens, saw nag üjy an company ow profya bes dewdhek pens rag our gòber dhe'n lewyoryon.

Sometimes there are no buses and we can't go to town. Perhaps the road is obstructed and the traffic must take a different route. (I saw a woman move the cones to pass, but that's not possible for a bus!) Sometimes a bus is delayed - there is a detour (because of major road-works). Sometimes there is no driver because of sickness. However, tomorrow there will be no driver on many "First" buses. Drivers are angry with the company. Shareholders received £500 million, but the company is  offering drivers only £12 per hour wages.

Gerva: Vocabulary

awos ~ wos because of

bos res to have to

cleves (m) illness, sickness, ailment

daromres (m) traffic

dellejys delayed

gòber (m) wages, earnings

kevranogyon shareholders, sharers

kyttrin (m) bus

lettyes obstructed

profya to offer

serrys angry, indignant

tröen (f) detour

vorr < fordh (f) road, way, route

2022 Day 281

2022 Dedh Dew Cans Pajar Ügens hag Onan

De Sadorn, ethves mis Hedra

Saturday, 8th October 

Terweythyow thera vy ow kemeres foto dres lebmel. Ma dhebm nebes fotos a'n par-na. Thens heb colm yntredhans. My a welas anav bian war an trolergh - "kellys ew ev", my a brederas. My a'n gòrras e'n ke. My a verkyas avisyans en beister shoppa. Na wra an shoppa egery arta terebo nessa mis Ebrel. Ma gwav solabres!  Da ew genam an avîsyans aral! Galow ew. Pyjy, gwrewgh kerdhes war an gwels.

Sometimes I take a random photo. I have several photos of that kind. They are not connected. I saw a little slow-worm on the footpath - "it's lost", I thought. I put it in the hedge. I spotted a notice in a shop window. The shop won't open again until next April. It's winter already! I like the other notice. It's an invitation. Please, walk on the grass.

Nebes ger rag hedhyw Some words for today

anav (m) slow-worm

a'n par-na of that sort, like that

avîsyans (m) notice, advert, advice

gòrra to put

kerdhes to walk

heb colm yntredhans unrelated, unconnected

merkya to notice, spot

pyjy please (before request)

terebo until

trolergh (m) footpath

2022 Day 280

2022 Dedh Dew Cans ha Pajar Ügens

De Gwener, seythves mis Hedra

Friday, 7th October

My a gowsas gen nebes flehes hedhyw. Ma whans dhodhans desky Kernôwek. Anjei alja desky lies mater en agan tavas. Ma moy avel gramer dhe vos deskys. En dorydhieth, anjei alja whithra an seyth brâstir ha'n pemp mor brâs. En sciens, anjei alja whithra trei stat a beth - solyd, lin ha gass, ha treylyans dhort an eyl dh'y gila. En mûsek, anjei alja cana lies cân en Kernôwek - martesen "deg bottel gwer".  

I talked with several children today. They want to learn Cornish. They could learn many subjects in our language. There is more than grammar to be learnt. In geography, they could investigate the seven continents and the five oceans. In science, they could investigate three states of matter - solid, liquid and gas, and change from one to another. In music, they could sing lots of songs in Cornish - perhaps "ten green bottles".

Gerva rag hedhyw:Vocabulary for today

an eyl y gila one another

bottel (m) bottle

brâstir (m) continent

cân (m) song 

cana to sing

dorydhieth (f) geography

gass (m) gas

gramer (m) grammar

gwer green

lin (m) liquid

mater (m) subject

mor brâs (m) ocean

moy avel more than

mûsek (m) music

peth (m) matter 

sciens (m) science

solyd (m) solid

stat (m) state

treylyans (m) change, alteration, turning

whithra to investigate, research