2024 Dedh Cans ha Dewdhek
De Sül, kensa warn ügens mis Ebrel
Sunday, 21st April
De, my a wrüg meur a whel et ow lowarth, ha lebmyn ma diwscodh ha keyn tydn genam. Ma dhebm glesin hanter-myjys. Hedhyw, theram ow towla pel rag kei ow mergh, ha nag üjy hedna ow qweres dhebm. Agan mab hag y deylû a dheuth rag visyt còtt. Agan gohydh a gemeras foto. Lebmyn tho vy cabmscodhek ewedh (ha maga coth avel an menedhyow). Thera whans dhe'n gevellyon (nag ens kehaval) a weles an hasednow en aval pin. Martesen anjei a vedn tevy pinbrednyer gevelys.
Yesterday, I did a lot of work in my garden, and now I have sore shoulders and back. I have a half-mown lawn. Today, I am throwing a ball for my daughter's dog, and that is not helping me. Our son and his family came for a brief visit. Our daughter-in-law took a photo. Now I am round-shouldered too (and as old as the hills). The twins (they're not identical) wanted to see the seeds in a pine cone. Perhaps they will grow twinned pine trees.
Deg ger rag hedhyw Ten words for today
cabmscodhek round-shouldered (SWFM kammskodhek)
diwscodh (dual plural) shoulders < scoodh (f)
gevellyon (pl.) twins > gevelys twinned
glesin (m) lawn
gohydh (f) daughter-in-law
gweres dhe to help (give help to) someone > ow qweres dhebm
hasednow seeds < hasen (f) < has (coll.)
kehaval identical
myjys ~ mejys mown
tydn sore, painful, stiff
No comments:
Post a Comment