2024 Dedh Cans hag Onan
De Merher, degves mis Ebrel
Wednesday, 10th April
Sqwithys o vy gans an gewer ma. Nag ew hei yeyn, bes nag ew hei tòbm plegadow. Glaw scav a wra, ha ûhel ew an glebor. Nag eus na howl na loor e'n eborn disliw. An jedh ma ew sqwithüs. Bettegens (SWFM byttegyns), ma liwyow ow tos en oll an flourys. Ma meur a velyn, gen hanas (hanajen) a rüdh en goth Fowedh, crampeth mosy, lagas edhen ha tavol trenk .
I am fed up with this weather. It's not cold but it is not pleasantly hot. There is light rain and the humidity is high. There's neither sun nor moon in the faded sky. This day is boring. However, colours are coming in all the flowers. There is a lot of yellow, with a whisper of red in valerian, wall pennywort, herb Robert, and sour dabs (sorrel).
Deg ger rag hedhyw. Ten words for today.
crampeth mosy pennywort, navelwort (SWFM krampoth mowesi)
disliw faded, colourless < liw (m) colour
glebor (m) dampness, humidity < gleb wet (SWFM glybor < glyb)
goth Fowedh valerian (Fowey pride)
hanas (m) ~ hanajen (f) whisper, murmur
lagas edhen (m) herb-Robert (bird's eye)
plegadow pleasant, pleasantly
sqwithüs ~ skithüs boring, tiring
sqwithys ~ skithys fed up, bored, tired
tavol trenk sorrel, sour dabs
No comments:
Post a Comment