2024 Dedh Cans ha Pajar
De Sadorn, terdhegves mis Ebrel
Saturday, 13th April
Gellys ew Pask ha gellys lebmyn ew lily an Corawys oll. Nag eus üdn lilien an Corawys veth gerys et ow lowarth. Bes devedhys ew flourys nowydh. Reb ow yet ma flourys gwydn sevien. Eus clowys genowgh an cân - "Delkyow sevy a wra mosy teg"? Re diwedhes ew raga vy! Ma mar lies flourys gwydn bian - nag ew hedna ergh war an menedh - spern dû ew. Nag eus flourys dhe reden, bes da ew genam an shâp redanen yonk ma. E'n ke ma keres gwyls ha lies kenidnen drehornek. Ma blas crev pecar'a kednin. Da ew an sawarn dhe'n wenenen wyls, martesen.
Easter has gone and now all the daffodils have gone. There's not a single Lenten lily left in my garden. But new flowers have arrived. By my gate there are white flowers of a wild strawberry plant. Have you heard the song - "Strawberry leaves make girls beautiful"? It's too late for me! There are so many little white flowers - that is not snow on the hill - it is blackthorn. Ferns do not have flowers, but I like the shape of this young bracken plant. In the hedge are wild cherries and many three-cornered leek plants. There is a strong smell like garlic. The wild bee likes the smell, perhaps.
Deg ger rag hedhyw Ten words for today
cornek (SWFM kornek) angular, cornered (c/k > h after prefix 3 tre) > hornek
devedhys come, arrived < (vb.) dos to come
gellys gone < (vb.) mos to go
gerys left < (vb.) gara (SWFM gasa) to leave
kednin (SWFM kennin) (coll.) garlic > kenidnen (f) (one plant, etc.)
kednin trehornek (coll.) three-cornered leek > kenidnen drehornek (f) (single plant)
keres gwyls (coll.) > (sg.) keresen wyls (f) wild cherry
lily an Corawys (coll.) Lenten lilies, daffodils > (sg.) lilien an Corawys (f)
reden (coll.) ferns, bracken > redanen (f) (one plant)
sevy (coll.) wild strawberries > (sg.) sevien (f)
spern dû (coll.) blackthorn, sloe > (sing.) spernen dhû (f)
No comments:
Post a Comment